（乘電車跨過大海YouTube版，可以睇到由東涌到香港海關既行車片段以及過關方式，跟住有港珠澳大橋既注意事項，然後一鏡過陪你揸車去到澳門既全個過程，教埋你點泊澳門口岸東停車場，總之就好睇啦。）
“港珠澳大橋澳門口岸泊車轉乘計劃” 推出咗喇！！依家大家都可以揸住你自己部車，經港珠澳大橋，直達澳門…門口，泊喺澳門口岸嘅東停車場。而最重要既係，依家澳門東停車場仲要係免費任泊，最長可以泊大約8日添！所以你車住一家大細過去澳門，除番開仲平過搭金巴。
先講吓最基本既申請要求：
- 有關私家車可以由不多於兩名指定司機駕駛進入澳門停車場，其中一名司機必 須為申請人(即登記私家車車主本人，或獲公司車主授權提出申請的人士)。 如登記車主為註冊公司，另一名指定司機亦須獲得該公司以書面授權。
- 指定司機必須持有可駕駛私家車的香港正式駕駛執照。
- 僅限指定司機駕駛有關私家車，其他人士不得駕駛。
- 只可以係私家車申請，貨VAN都唔得
跟住到你部車嘅要求，以下係 “唔可以” 既事項，第一點即係不可超過九個座位：
- 包括駕駛員座位在內，座位超過九個;
- 總重量超過 3.5 公噸;
- 高度超過 2 公尺;
- 少於四輪的機動或非機動車輛;
- 載有可對停車場、停車場內任何使用者或停泊的車輛的安全構成危險的物品， 尤其是有毒、不衛生或易燃的物品;產生的廢氣超過澳門法定限度 (http://bo.io.gov.mo/bo/i/2016/51/regadm30_cn.asp)。
跟住講吓申請既過程，上網睇你會見到好覆雜，所以我會盡諒簡化咁話比大家知。如果你唔想煩，唔想搞咁多文件野嘅話，泊邊好誠意推出《港珠澳大橋澳門口岸泊車轉乘》代辦服務，有興趣既朋友請拉到最底。
1. 先上運輸署網站申請封閉道路通行許可證（即禁區紙），呢度要比$540（一年費用）。政府話萬一唔批既話係會退番錢比你嘅。而同一時間，香港運輸署係會幫你向澳門同大陸申請埋，所以你喺香港運輸署網上申請咗，比埋錢就OK。等通知就可以。
2. 大約一個星期多啲（官方話14個工作天），你會收到香港運輸署既電郵，話你知申請成功定失敗。如果成功的話，再等多幾日，就會分別收到澳門同埋大陸既電郵通知。再過幾日，好快你就會收到香港運輸署寄比你既封閉道路通行許可證。(註：2023年7月開始，澳門不會再發出email，香港批咗等於澳門都批咗)
3. 當你收到大陸公安個電郵之後，就即刻可以買大陸保險（因為港珠澳大橋係喺大陸範圍，所以要買大陸保險；但係由於你要進入澳門範圍泊佢個澳門口岸東停車場，所以你亦都要買埋澳門保險。不過澳門保險我哋最尾先講），大陸保險價錢同點樣買下一段再講。買大陸保險比較麻煩，要預番幾日至一星期時間。
4. 買完大陸保險之後，要上珠海交警互聯服務平台，左手邊揀 “信息查詢” 就可以上載番你個大陸保險，比佢審批。呢度又要等2-3個工作天。（留意，佢要求你保險生效咗之後先可以上載。所以你預咗要蝕幾日，唔好懶醒買保險時生效期寫後啲，想審批完先用。成個計劃，香港運輸署張禁區紙，大陸保險同澳門保險都係唔同生效日期，預咗蝕半個月比佢地啦，唔好煩喇。）
5. 大陸保險都買完之後，基本上大公告成。咁你幾時想去澳門既話，就早幾日（我預一個星期啦）上澳門口岸東停車場網上預約平台度預約車位，唔預約係無得入既。預約個方式係用時段去計，佢一個時段係8個小時（00:00-08:00，08:00-16:00，16:00-24:00）所以一日就有3個時段，而你最長可以連續預約24個時段，即係大約8日。仲要係免費泊車既，抵晒啦！！不過留意，你BOOK長啲好過短，因為你遲咗走既話係要收幾百蚊港幣附加費，咁明明係免費，你就BOOK長啲，約多幾個時段啦。預約時，個網會問你攞 “批准編號” 既，個編號喺澳門政府比你個電郵度。所以三地政府比你既電郵記得keep好佢，唔好刪除。
5.1. 叫得5.1而唔係6，因為喺你預約停車場之後，佢會問你買咗澳門保險未，你揀即時購買就得，跟住就跟佢指示喺網上面買埋就得，網上買澳門保險有效期係9天。所以你每次出發前先買都未遲。
(以下係2023年7月4日開始既新玩法，不需再預約，但係可以留位，詳情如下：)
5. 當停車場實時車位剩額不少於600個時，毋需預留車位，直接入場；當停車場實時車位剩額少於600個時，須先預留車位方可入場停泊。
預留車位方式：
5.1 使用 “澳門出行” APP (IOS下載、Android下載)，點擊 “東停車場”
5.2 輸入車牌號碼
5.3 輸入手機號碼，接收驗證碼
5.4 輸入正確驗證碼
5.5 完成預留
泊車位自成功預留起計保留3小時 (簡單講即係你由香港出門口前嗰刻先開APPS睇都未遲)；
預留泊車位後不得變更，但可隨時取消；保留車位期間，同一車輛不得重覆預約。
東停車場之停泊上限為連續8日。
逾期停泊之車輛會被處罰及鎖車，需繳交費用後方可離場。
6. 買澳門保險，可以去呢個網址 (港珠澳大橋澳門口岸購買保險平台 (macauticket.com))，呢度就買到$82 / 9日既澳門保險，又平又方便。
跟住講啲好重要既野，就係點買保險。同埋邊間保險平。詳情睇以下個表：
| 澳門保險 | 大陸保險 | |
| 9日 | $82 – $302 | 無9日賣 |
| 一年 | $1507 | ¥855 – ¥980 |
可能你會問，點解保險個價錢咁海鮮？無錯，如果你傻更更對住官網介紹既保險公司，送上門咁問價既話，就會得到下圖既答案，貴到嚇死你。
大陸保險：請自行聯絡大陸保險公司處理。
澳門保險：澳門保險視乎你會去澳門幾密，如果你去得好密既可以直接買一年，呢個情況你上番澳門政府個網，佢列晒澳門既保險公司比你，你求其問一間就得，都係$1507一年。但係如果你想平既話，逐次買9日，每次$82，買10次都唔使一千的話，就千其唔好自己撲上門買。上面教學度講咗，你先去預約東停車場，然後喺個系統入面買澳門保險，咁先可以買到9日$82，好古惑架！買既時候，佢會問你買邊間，你是但揀一間都OK，我揀咗中國平安。
提提大家，港珠澳大橋單程既距離係大約50公里，來回就100公里。再計埋由你屋企出發來回的話，隨時要150-200公里。所以如果你係揸電動車的話，我哋建議大家出發前喺東涌快叉咗先。依傢東涌 / 赤鱲角有大量收費快叉機，包括東薈城有Tesla Supercharge，機場島Shell有油電站，機場P4多層停車場亦都新加咗10個快叉機。詳情請收睇 “充電泊邊好” 。
最後講埋，港珠澳大橋嘅過橋收費係單程¥150人民幣，來回即係¥300人民幣。呢度可以收現金（只限人民幣，唔收港幣）或者信用咭（Visa, Master）。同埋支援autotoll（唔係易通行呀，係舊嗰隻Autotoll），依家用Autotoll比過橋費仲可以有九五折優惠添，仲方便。另外，每年大約有20天大陸假期嘅日子，小型汽車係可以免費過橋架。夾啱呢幾日去澳門就更易回本，詳情請留意泊邊好Facebook / IG。
如果大家對以上申請有任何問題，歡迎去我地Facebook PM同IG DM查詢或者Whatsapp到52737573架！
聯絡泊邊好：
Facebook：https://www.facebook.com/parkbin.hk
IG: https://www.instagram.com/parkbin.hk/
《港珠澳大橋澳門口岸泊車轉乘》代辦服務
泊邊好知道大家未必有國內微信支付，又或者唔想煩，唔想搞咁多文件野。亦有啲人想申請一個月平平地玩吓。泊邊好已經知道咗，所以誠意推出《港珠澳大橋澳門口岸泊車轉乘》代辦服務，收費如下：
HK$888 (一個月期) 無一個月期了，只有一年期，睇下面價錢包括：
> 代你申請香港運輸署的「封閉道路許可證」一個月期
> 代你申請國內交強險一個月期
> 代你「內地備案」，即上載保險至珠海交警網站
HK$2,480 (一年期)
泊邊好會員優惠價只需：$2,380 (一年期)
價錢包括：
> 代你申請香港運輸署的「封閉道路許可證」一年期
> 代你「內地備案」，即上載保險至珠海交警網站
註：
– 閣下需要自行預約澳門口岸東停車場車位，並自行申請澳門保險($82/9天)
– 以上價錢以小型汽車 (5人或以下)、私人登記汽車、及一名司機駕駛計算。如需增加司機、或7人車等請聯絡泊邊好另行報價
– 請預留14個工作天申請時間
申請代辦請whatsapp泊邊好 / 或者Facebook 及 IG度DM我地：
Whatsapp：52737573
Facebook：https://www.facebook.com/parkbin.hk
IG: https://www.instagram.com/parkbin.hk/
