泊車轉乘優惠，泊車每小時＄４
本停車場泊車轉乘優惠比較複雜，簡述重點如下：
- 拍咭進入停車場後，必須於上水站入閘乘搭港鐵，並於120分鐘內出閘（由拍咭進入停車場起計120分鐘)，方可享有優惠。即是話，如果你打算泊車後食個早餐再乘搭港鐵的話有可能趕唔切120分鐘內出閘。
- 出閘的港鐵站，必須位於獅子山隧道之後，即九龍塘、旺角東及紅磡，觀塘綫各站、港島綫各站、荃灣綫各站、西鐵綫各站、東涌綫各站及迪士尼綫各站。（馬鞍山綫／屯馬綫各站及大圍至粉嶺出閘唔算）
- 回程時，由以上車站入閘，並於上水站出閘，由出閘起計45分鐘內要拍咭離開停車場。即是話，你由上水站出閘之後，想去超市買餸再攞車出閘，就有機會趕唔切45分鐘內出閘。
- 閒日實測，車位超多。歡迎多加使用。
