廣源夜市（廣源市場）

為何夜深總是餓？一齊揸車出去食宵夜啦，自從疫症之後搞到大家無啖好食，仲成日禁晚市堂食添。隨時疫情緩和，又係掃街嘅好時候，今日帶大家去廣源夜市掃街。

先介紹佢個環境先，廣源夜市係用工業紅磚風格做主題，佢真係連一隻門都唔放過，要油番啱色。呢度收凌晨02:00，夜一夜都唔怕。

我覺得夜市有幾樣野真係必食嘅，其中一樣係豆腐花、另一樣係煎釀三寶，當然啦，腸粉都好食喎，餃子又唔錯……

廣源夜市泊車泊邊好？

雖然你睇相都見到，夜市門口個巴士站邊泊滿晒車，但係泊邊好唔會教人違泊既，泊返去廣源商場停車場啦，價錢詳情請參閱泊好先。一出Lift就可以直達夜市，落雨都唔怕。（按我導航）

#沙田 #搵食自駕遊