恒安夜市(恆安市場)

又繼續介紹夜市,等睇歐國盃等到肚餓,不如揸車去夜市搵宵夜食啦。上次介紹咗廣源夜市,今次黎到馬鞍山區嘅恒安夜市。

恆安市場 Food Garden,係以花做主題,令人仿如置身秘密花園。而市場嘅外型係以歐陸式建築為設計概念,黑白格調配合綠色植物,簡潔利落嘅裝潢為繁忙既石灰森林添上幾分愜意。

大家可以見到,恒安夜市比廣源夜市多好多食肆,同埋最大嘅分別係,恒安夜市呢度每間鋪外面都有座位預咗比你堂食。咁當然啦,喺呢啲地方食得嘅都係以輕熟食為主。腸粉燒賣餃子就唔少得,我記得疫情前試過堂食魯肉流心蛋飯,連埋飲杯品都係三十蚊落樓。非常抵食,咁當然,食物都係媽媽的味道嘅家庭食物質素啦,唔通你預呢度會好食過酒樓咩?


恒安夜市(恆安市場)泊車泊邊好?

最方便最近當然係泊恆安商場停車場啦,領展場有時租有24小時泊,價錢詳情請參閱泊好先。。不過,重點係呢度有30分鐘免費上落客優惠!!夠晒你買外賣有餘。(按我導航

#馬鞍山 #搵食自駕遊