野玩田店 Something Wild – The Farm

野玩田店係一間以健康食材為主題既餐廳。餐廳設計崇尚自然風,喺餐廳入面仲培植咗有機迷你菜,令到客人恍如置身大自然一樣。而廚師亦精心搜羅一啲營養價值豐富嘅SUPERFOOD,用簡樸嘅方式烹調以保留食物本身嘅鮮味,精心泡製特色美食。

而佢LUNCH時間仲有半自助餐,可以俾你任食沙律吧添。啱晒鍾意食沙律嘅女士們。

仲有個甜品都係值得推介㗎!

除咗素食類之外,話明係西餐廳,點可以無無激素豬鞍架呢?

鍾意食海鮮嘅你,仲可以試吓呢個帶子Risotto。

下面呢個唔係牛脷嚟,而係澳洲和牛面,究竟係乜野味道就要留俾你去試吓喇。

至於飲品方面,喺尖沙咀開店點可以無本地手工啤呀?仲有就係,呢度啲飲品嘅天然色素係嚟自含花青素嘅碟豆花,據聞話有抗氧化功能架喎。


野玩田店
地址:尖沙咀彌敦道63號iSQUARE國際廣場3樓307號舖
電話:37554899


去野玩田店泊車泊邊好?

1. 中間道停車場 H Zentre按我導航
如果講距離計,H Zentre應該算係最近,泊完車,過條馬路就到iSquare。同埋H Zentre依家做緊泊兩小時或以上,無條件免費一小時嘅優惠。即係無論你泊兩個鐘、三個鐘定四個鐘,都係免收一個鐘錢。仲要無需登記,無需消費,直接拍八達通出閘就會減番,係近期去尖沙咀既不二之選,提提大家,呢個優惠,官網係無寫架,係泊邊好話俾你知嘅。時租價錢請參閱泊好先


2. K11 Musea按我導航
不過如果你係去野玩田店食晚市兼會行吓尖沙咀的話,泊邊好會介紹你泊K11 Musea兼玩埋佢個免費泊車優惠。只要你喺夜晚5點後入車,喺指定餐廳作任何消費,即可免費泊車至午夜12點。而最最最平你走去買支水,就可以用$8泊足6個鐘!係咪抵先?詳情請睇K11 Musea限時夜泊優惠 (優惠暫定至9月30日)。其餘免費泊車優惠請參閱泊邊好K11 Musea專頁;時租價錢請參閱泊好先

#搵食自駕遊 #尖沙咀 #iSquare #H Zentre #K11 Musea