2022年7月1日開始，大嶼山自駕遊進入第二階段。當中有兩個非常大嘅改變。 1. 每日配額由現時每日25部車，增加一倍至50部。(50部當中有10部係電動車專用)2. 配額由現時先到先得咁搶，改為早一個月上網登記玩抽籤，玩法如下： 每個月有兩輪抽籤時段，官方話第一輪抽籤有配額淨就會有第二輪抽籤。但係我諗大家都估到第一輪抽籤點可能仲有剩？所以下面我當得一輪抽籤咁講落去。 每個月既 1號朝早7時 至 5號晚上11時59分 期間，都可以上運輸署個網度登記抽籤，抽籤係抽下個月既配額。(例如6月1日至6月5日登記抽籤，係抽7月份既配額) 登記抽籤網址係：GovHK 香港政府一站通：「大嶼山自駕遊」計劃 (www.gov.hk) 記住，唔使急，唔係搶，慢慢入都無問題，最緊要唔好入錯。 1) 入車牌號碼 2) 你可以揀三個你想去大嶼山既日子去抽，如果咁好彩抽中你的話，佢會email通知你中咗邊一日。中咗就中咗，無得中咗再揀日子。因為話明係抽，簡單講，你係放咗三個波入個箱度抽，所以點抽都只會中其中一日。 3) 未完架，仲要入埋你既名、地址、電話同電郵等等，記得唔好入錯，入錯咗就通知唔到你架喇。 4) 登記完，你會見到下面既申請編號，可以抄低佢做紀錄，方便查詢。 登登登登，每個月6號就會有Email通知你有冇抽中，抽中咗嘅朋友，記住要喺6號同7號呢兩日內，上番運輸署個網站比錢，同樣係HK$75。網址Email入面會有，唔使擔心。唔記得比錢等於放棄，咁你要第二輪申請時再登記過。 如果真係仲有配額剩，我估多數係啲人中咗唔比錢、或者日子唔適合放棄咗。咁就會有第二輪登記，日期係每個月既 8號早上7時 至 10號晚上11時59分。同樣，抽中咗既朋友會喺11號收到Email通知，記得喺11或12號比錢。 大嶼山自駕遊需知： 車輛資格 車輛必須是私家車。 私家車進入南大嶼山當天，必須獲發有效的車輛牌照。 每部私家車每個月只可參與「大嶼山自駕遊」計劃一次。 許可證條款 進入大嶼山封閉道路的車輛，必須是許可證上指定登記號碼的車輛，並只可在上述日期及時間內行駛。 私家車可進入大嶼山封閉道路的時間為星期一至五(公眾假期除外)上午8時至下午7時，市民必須在晚上7時前離開封閉道路範圍。 使用大嶼山封閉道路通行許可證時，大嶼山封閉道路通行許可證的正本必須展示在車頭盡可能近行車證的位置；大嶼山封閉道路通行許可證影印本會被視作無效。 大嶼山封閉道路通行許可證並無授予任何泊車特權。 留意最後一點，我知道有網友好聰明咁以為攞咗許可證就等於大嶼山內可以任泊。呢個理論即我有比牌費我應該可以通街泊車一樣。 想知大嶼山泊邊好、有咩好玩好食既推介，請睇我地既大嶼山自駕遊篇，同埋我地YouTube Channel既大嶼山自駕遊 上集 / 下集！！ #區區泊邊好 #遊樂自駕遊 #親子自駕遊