海洋公園 / 水上樂園泊車泊邊好?

雖然未知道海洋公園幾時會分拆山上係收費遊戲設施,山下係免費開放畀遊人入場,但係海洋公園作為香港市民既集體回憶,兼且唔少人都有年票,每日都有好多人去。

海洋公園本身有停車場,最方便同最直接就梗係泊返喺海洋公園本身個停車場。不過你需要按職員指示泊邊個位,唔可以自由揀位,咁就有機會唔係泊喺有蓋地方,有可能會需要泊喺露天位置。

退而求其次,就係泊海洋公園站停車場。海洋公園站停車場基本上全部都有蓋,而且好處係可以做原站出入享有免費轉乘優惠(註:原站出入既泊車轉乘優惠已經玩爛咗,下面會有另一教學),大約要泊10個鐘先大約等於泊喺海洋公園本身停車場。所以對於大部分可能只係去海洋公園玩半日既朋友,泊喺海洋公園站會更為化算。不過泊得喺海洋公園站就自然唔可以喺門口上落客,大家都要從海洋公園站行過條天橋,先至可以到達海洋公園入口。

如果你係經由香港仔隧道前往海洋公園站,記得出隧道口靠左往赤柱方向,經過第一個紅綠燈之後會有一個U Turn位,U Turn後靠左行大約150米,就係海洋公園站既入口了。

除左最近既兩個停車場介紹,喜歡日泊既車友,可以繼續睇埋其餘兩個停車場既推介;喺文章既尾部,更加以地圖方式,顯示左不同停車場既位置同距離。


1. 海洋公園停車場按我導航
近一定貴。不過,海洋公園停車場可以預先網上預約車位。保證有位。
星期一至五之非繁忙日子,時租收費$25(每日上限$150)
星期六日、公眾假期及繁忙日子,時租收費$40(每日上限$200)


2. 海洋公園車站停車場按我導航
一條天橋之隔,所以容易泊滿。假期要一早黎先有位。記住停車場入口喺黃竹坑道,即是如果你係由香港仔隧道出黃竹坑的話係要向赤柱方向行,去到壽山村道調頭,左手邊就見到個入口。
星期一至五,時租收費$23
星期六日及公眾假期,時租收費$31

不過,只要你識運用泊車轉乘優惠,每小時收費可低至$15(以泊好先為準)。
玩法好簡單,先泊車,後去海洋公園站入閘搭一個站去黃竹坑,出閘後再入閘,搭番一個站去海洋公園站。就完成泊車轉乘行為,來回都只不過十蚊以內,所以點計都抵得番條數,最多晒咗你十拎分鐘時間。走既時候,無需做任何登記,直接攞車拍八達通出車就可以。但係記得,搭完港鐵之後,嗰張八達通就唔好再用黎買野食同比錢等等,因為由泊車到攞車之間既使用上限係9次,超過咗個紀錄會無咗,咁就用唔到泊車轉乘架喇。


3. 安盛匯按我導航
由第三位開始,我由最平到最貴排列,反正都比較遠。安盛匯時租$19一小時,24小時泊$135(以泊好先為準),泊車後,搭一個站港鐵吧。步行太遠了。


4. Marina 8按我導航
呢個係2021年9月1日先開嘅新場,記住停車場係由業發街入,佢嘅好處係超近黃竹坑港鐵站,一過馬路就係,仲要好平。時租$18,日泊都係$125(以泊好先為準),不過要留意時間,日泊只係到晚上七點。


5. One Island South停車場按我導航
One Island South時租$19,星期六日及假期嘅日泊$140(以泊好先為準)。泊車後,是行是搭港鐵,悉隨尊便。


水上樂園

註:水上樂園公佈,由2021年9月21日開始,暫停私家車出入,只可以乘搭以下公共交通工具。

  • 由公園提供之免費接駁巴士服務(往返海洋公園正門及水上樂園,需網上預約)
  • 城巴629號線(往返中環碼頭及水上樂園、途經海洋公園)
  • 城巴629M號線(由水上樂園至港鐵黃竹坑站,只限回程)
  • 專線小巴29A號線(往返鴨脷洲邨及水上樂園)
  • 專線小巴59A號線特別班次(往返香港仔東勝道及水上樂園)
  • 的士乘客上落

1. 水上樂園停車場按我導航
水上樂園本身有停車場,但係必須預約,以及只有日泊無時租。但係因為你無得揀,唔通你泊去深灣郵艇會行入去咩。揸車出發嘅朋友請留意住水上樂園網頁


2. 海洋公園停車場或海洋公園車站停車場
基本上水上樂園停車場係有足夠嘅車位俾比你泊嘅。但係如果你唔記得預約或真係無位的話。水上樂園設有免費穿梭巴士俾持有水上樂園入場票嘅人士乘搭。所以你泊番去海洋公園或者海洋公園車站停車場都係一個後備選擇。不過由於座位數量有限,必須於水上樂園網站預約 (按此)。


3. 安盛匯 / Marina 8 / One Island South停車場
泊喺黃竹坑附近嘅停車場,轉的士入去,亦係一個好選擇。大家可以參考上文所介紹既黃竹坑停車場以作安排。


4. 鴨脷洲邨停車場按我導航
上面講到,由於水上樂園暫時禁止私家車出入,相對於中環,我都係介紹大家泊喺鴨脷洲邨轉小巴29A線去水上樂園快啲又平啲。 鴨脷洲邨停車場有日泊,泊到夜晚12點前走都只係$110 / $140 (以泊好先為準) ,真係游完水再食埋飯先走都仲趕得切。


如果你有其他海洋公園 / 水上樂園泊車攻略,歡迎話俾我哋知,集思廣益。

註:相片來源,水上樂園網站


其餘熱門泊邊好文章:
東涌泊車泊邊好?
D2 Place滿晒附近泊車泊邊好?
港外線碼頭搭船去離島玩泊車泊邊好?
全港Donki尋寶地圖
石門泊車泊邊好?
The Wave / 觀塘工業區 泊車泊邊好?