日本嘅貓Cafe就介紹得多喇，今次介紹香港嘅貓Cafe。原因係，呢度係全香港首間有戶外空間嘅貓Cafe，即是話你可以同貓貓一齊同陽光玩遊戲。
呢度佔地1000呎，處於旺角市中心。隨時想飲嘢玩貓，話黎就黎。除此之外，呢度仲歡迎大家領養貓貓，即係你玩完仲可以帶埋佢返屋企照顧佢一生一世。
有冇人可以對粉紅色嘅肉球免疫？細細隻，好可愛呀！
呢度除咗有室外當然就有室內啦，喺室內就可以唔駛隔住個網，直接同貓貓玩喇。
要玩貓嘅玩貓，要chill嘅可以chill，室內室外任你選擇。
Cat Jungle 貓島
地址：旺角西洋菜南街5號好望角大廈1002室
營業時間：星期一至日 12pm – 8:30pm
WhatsApp : 9664 6361
Cat Jungle 貓島泊邊好？
1. 朗豪坊停車場（按我導航）
旺角黎講，朗豪坊出名好泊又唔算貴，如果你行街買埋嘢仲可以攞埋免費泊車優惠，不過缺點係長期排隊，優點係泊車後橫過彌敦道就到好望角大廈。價錢詳情請參閱泊好先。
2. 新興停車場（按我導航）
人稱新興地獄，要入車lift，柱位又多。不過其實佢仲驚過你，一般外人泊係要你留匙佢幫你入lift同泊的。唔介意留匙嘅朋友黎講其實幾方便，又一定有位唔駛等。雖然叫地獄，但係小編喺呢度月租客黎，自己人就可以自己揸出揸入，完全無難度。不過翻新之後價錢同朗豪坊差唔多，係勝在唔駛排隊。價錢詳情請參閱泊好先。
3. 家樂坊停車場（按我導航）
家樂坊車位都算多，但係出名貴，不過依傢朗豪坊同新興都加晒價，都唔知乜嘢叫做貴喇。少少缺點，出入車道比較窄，同埋等lift攞車等好耐，要同送貨嗰班一齊等。價錢詳情請參閱泊好先。
