自從無咗爛地停車場之後，西灣河泊車就難上加難。唯一希望係將來政府大樓落城後會有公眾停車位啦。不過我哋解決咗今日個問題先，東區裁判法院泊車泊邊好？ 1. 嘉亨灣停車場 Grand Promenade（按我導航）最近法院又好泊，價錢又合理，時租$18 / $20，價錢詳情請參閱泊好先。 2. 港島東體育館停車場（按我導航）如果萬一嘉亨灣無位的話，你只要沿住太康街 (碼頭邊) 行，就搏一搏有冇錶位啦，萬一連錶位都無。唔駛怕，順住行去到香港電影資料館，旁邊嘅港島東體育館就有停車場喇。一如其他嘅體育館停車場，時租價錢以半小時計算 $10 - $16.5。價錢詳情請參閱泊好先。

https://www.youtube.com/watch?v=e1bezfBnBQ4 自從油麻地多層停車場拆卸之後，想喺油麻地泊車就真係難。有見及此，今集區區泊邊好會介紹4個喺油麻地多層停車場附近既停車場畀大家參考，希望幫到大家。咁當然會順路介紹埋該去既景點啦。最後仲會同大家破地獄，揸部BMW 330i出入德興街嘅伊利停車場，仲有秘技教大家點樣可以安全逃出四樓，有興趣嘅朋友可以先睇片，想直接睇停車場資訊嘅請參閱下面： 時租日泊駿發花園$25 / $28$135 (07:00-18:59)$150 (入車至同日23:59)鴉打街爛地$30N/A彌敦道238號$30N/A寶來大廈(5星地獄場)星期一至六$21 (00:00-17:59)$27 (18:00-23:59)星期日$21$130 (08:00-17:59)入車時需與職員登記日泊 駿發花園停車場（按我導航）位置黎講最近油麻地多層停車場嘅正規停車場，亦係去菓欄買生果嘅首選，不過由於選擇少，所以都幾FULL吓。價錢$25 / $28，仲有日泊。 鴉打街露天停車場（按我導航）位置一定係靚，近廟街煲仔飯，喺正廟街牛雜旁邊。只係爛地場你敢唔敢泊，時租$30。不過依家唔知佢人手問題定無咗夜晚班食客，每日只於7:30am至7:30pm開放。 彌敦道238號停車場（按我導航）如果你想去近佐敦呢邊，又唔想去到童軍中心咁遠的話，無可避免要黎德興街。不過原來德興街除咗出名地獄嘅伊利停車場之外，畀多十蚊，有呢個正正常常嘅彌敦道238號停車場，外表好似好舊咁你經過都唔敢泊入去，但係裏面原來好光猛，仲有自動門同升降機上番地面，時租$30。 寶來大廈伊利停車場（按我導航）馳名5星地獄場，出入通道勁窄，未去過嘅朋友請睇咗上面條片先好決定去唔去，不過出奇地車位原來勁闊，加上地獄嘅關係，時租特平，$21 / $27 仲有日泊，都係嗰句，睇咗片你有信心先好去。 #泊邊好文章 #搵食自駕遊 #親子自駕遊 #遊樂自駕遊 #旺角 其餘熱門泊邊好文章：東涌泊車泊邊好？D2 Place滿晒附近泊車泊邊好？港外線碼頭搭船去離島玩泊車泊邊好？全港Donki尋寶地圖海洋公園泊車泊邊好The Wave / 觀塘工業區 泊車泊邊好？

侯王廟很有歷史，早在1730年就建成，也保存了許多珍貴的文物。一般認為，侯王是南宋國舅楊亮節，因為他生前封「侯」，死後封「王」，所以叫做「侯王」。傳說，楊亮節曾經幫助南宋末代皇帝宋帝昺南逃到九龍，護駕有功，世人尊敬他很忠義，所以建廟紀念。 侯王廟採用三幢式建築設計，正殿供奉侯王像。九龍寨城以前是清軍駐地，不少官兵都到過廟裡參拜，所以留下了不少有歷史價值的文物，包括於1847年獻贈、刻有「侯王座前」四字的鐵香爐，還有以一筆寫成「鵝」字及「鶴」字的石刻。 廟宇曾於2005年重新整修，現在是香港法定古蹟。 侯王廟泊車泊邊好？ 1. 九龍城廣場 KCP（按我導航）價錢詳情請參閱泊好先。 2. 延文禮士道一帶錶位（按我導航） ＃黃大仙 ＃其他泊邊好文章 #廟宇 相片取自網絡

1. 香港迪士尼樂園（按我導航）近就一定貴。香港迪士尼樂園日泊$260，不設時租。 1. 迪欣湖（按我導航）時租$50，假日經常爆滿，加上不設日泊，前往香港迪士尼樂園者不應考慮。不過，真係去迪欣湖既朋友遇到爆滿又點算呢？ 網友報料：原來有時佢會開放埋旁邊個迪士尼旅遊巴士場比你泊車，日泊$260，不設時租。不過，只要你喺迪欣湖有消費過，出車時出示消費單據，佢就會用番時租 $50/小時去計錢，然後退番尾數錢俾你。呢度你可以比現金或者信用咭，記得要帶埋呢張收據去迪欣湖停車場門口搵工作人員吸印，咁你離開出車時就會退番未用既時租錢比你。如果都係唔明白既，睇吓我地好友HK Driver Mike所拍既片啦。 https://www.youtube.com/watch?v=mwX5NGWmwZo 2. 欣澳露天停車場（按我導航）無論去香港迪士尼還是愉景灣，泊欣澳露天停車場都是不二之選。價錢平，車位超多，甚少爆滿。我甚至泊欣澳露天停車場再轉乘B5號巴士前往港珠澳大橋往澳門，都唔泊港珠澳大橋停車場。時租$15/$25，日泊$120/$160。《收費詳情》 不過問題在，如果泊欣澳要去迪欣湖，先要搭港鐵迪士尼綫去迪士尼站，再轉R8巴士。好似好麻煩。咁我講多一招比你，睇你點取捨。就係泊去青衣長發邨或長安邨，再喺長安巴士總站入面搭龍運巴士E31或E32線去青馬大橋巴士站轉R8去迪欣湖。以前青馬大橋要比錢時可能你會咁樣考慮既，依傢青馬大橋免費，就真係睇你點睇。當中長發邨有24小時泊，而長安邨有日泊。 #離島 #區區泊邊好 #親子自駕遊 #遊樂自駕遊 其餘熱門泊邊好文章：東涌泊車泊邊好？D2 Place滿晒附近泊車泊邊好？港外線碼頭搭船去離島玩泊車泊邊好？全港Donki尋寶地圖海洋公園泊車泊邊好The Wave / 觀塘工業區 泊車泊邊好？