置富場既泊車優惠出名搵笨，2023年開始善良咗，不過都小心睇以下既要求： 必定要係Fortune+會員，並要用佢個名消費兼以電子貨幣方式比錢。要對收據名。 最少要幫襯兩間不同商戶(不包括百佳超級廣場)，其中一間一定要係食肆，同埋食滿$100。 最多只可以用三張單，每張單最少要$100。 記住！你要泊兩個鐘或以上先可以減到一個鐘，你唔可以泊59分鐘就走去換免費泊車，佢話不足一小時係免唔到一小時比你。 入車時間要喺朝9晚9之間，但係換領時間只係由中午12時去到晚上10時！ #置富第一城 #沙田

雖然嘉道埋農場已經開咗好多年，但係嘉道理農場至今依然係帶小朋友去認識動植物既好地方。 除咗動植物之外，呢度一花一草一擺設，只要你搵啱角度的話，就可以影到靚相。 去嘉道理農場泊車泊邊好？ 1. 嘉道理農場停車場（按我導航）呢度有７個免費車位比遊客使用，不過要預先上網預約。 2. 錦上路站停車場（按我導航）如果以距離同泊車價錢黎講，我就會介紹大家泊錦上路站停車場，再轉64K巴士過黎。巴士車程20分鐘。錦上路站停車場車位多，價錢平，仲有日泊。去完嘉道理農場，順手行埋錦上路跳蚤市場就啱啱好。 3. 太和商場停車場（按我導航）如果由市區入黎既朋友，可以泊喺太和商場停車場，轉乘64K巴士去嘉道理農場，巴士車程約16分鐘。記住係泊太和B停車場，因為B停車場近巴士站，加上車位較多。而乘搭64K巴士時，記得上下車都要拍八達通咭以獲得短途優惠。落車前，行番去車頭上車既位置拍同一部八達通機就可以。 #大埔 #泊邊好 #親子自駕遊 #遊樂自駕遊 其餘熱門泊邊好文章：東涌泊車泊邊好？D2 Place滿晒附近泊車泊邊好？港外線碼頭搭船去離島玩泊車泊邊好？全港Donki尋寶地圖海洋公園泊車泊邊好The Wave / 觀塘工業區 泊車泊邊好？

今日唔係帶大家去飲飲食食，亦唔係帶大家去玩，而係帶大家去慈山寺參學。 我諗大家都知道慈山寺係由香港首富李嘉誠先生所成立嘅基金會出資興建，於2015年4月正式向公眾開放。當中最為人所吸引嘅就係七十米高嘅觀音聖像，一齊黎睇吓啦。 素白色嘅觀音聖像由青銅合金鑄造，聖像外面噴塗白色氟碳自淨漆。而觀音嘅造型係追模宋式，法相悲莊嚴，頭頂髮髻中現阿陀佛像，寓意無量法力庇佑眾生。觀音嘅右手拎住智慧寶珠〝摩尼珠〞，左手拎住淨瓶，施灑淨水，清涼世界。法身佩戴瓔珞，衣帶當風，典雅飄逸。觀音頭部微微低垂，俯瞰眾生，以慈悲與智廣度一切有情。 慈山寺建築設計理念力求延續中國佛寺建築傳統，借鑒盛唐建築嘅風格，並謹慎結合現代科技與創意，設計兼具傳統特色與現代功能之弘法道場。 慈山寺建築依自然環境佈局，山門、彌勒殿、大雄寶殿均座落於主中軸線上，具傳統寺廟均衡對稱之美。東區以戶外觀音立像為核心，兩側栽種十八棵古羅漢松，至觀音殿形成自然輔軸線，體現因地制宜之智慧，殿堂間以開放式迴廊相連，既保持內庭園之寧靜，亦令四方美景收於眼底。 經中記載，觀音菩薩居於補怛洛伽山，普門前嘅圓形池就係依此命名為洛伽池。洛伽池直徑八米，圓型，池壁高約半米。池中分內外兩個池，作同心圓狀，池水由內池湧出，向外池流動。經外池溝槽匯入地下，再經內池中心湧出，如此循環不已，池內活水生生不息。內外池獨具匠心之設計令到水同池邊相平，遠望如鏡，象徵智慧之觀照。 預約來寺參學 慈山寺為平衡參學質量、訪客安全、交通配套、寺院莊嚴、睦鄰關係。入寺參觀係需要預約登記的。 登記參學一經確認，登記人將於一小時內收到確認電郵，內容包括參學編號、參學日期、進寺時間及參學人數。參學人士進寺時必須向工作人員出示電郵或參學編號。所有登記均不得轉讓。 預約網址：https://www.tszshan.org/home/new/zh-hk/visit.php 而由於實在太多人登記參學，所以你要早一個月嘅朝早八點正去以上網址搶30日後嘅參學。即係假設今日早上八點係7月20日嘅話，你就係搶緊8月19日嘅參學。你遲少少登入網站都畀人搶晒呀！ 大家咁有善心搶住去慈山寺參學係好事黎嘅，所以泊邊好想講多一件事畀大家聽。就係慈山寺只有極少量車位供善信停泊，就係上圖嗰幾個位咁多。所以除非你扶老攜幼咁去，否則請留番泊車名額畀有需要嘅善信用，後生又有錢嘅朋友，喺大埔墟轉的士去、或者搭75K巴士到䃟頭角落車行入去，步行約20分鐘。 #其他泊邊好文章 #其他廟宇

有「蝴蝶橋」之稱的將軍澳跨灣大橋早前通車，遊人可在大橋的沿海長廊一邊踩單車，一邊飽覽無敵海景，旋即成為香港人氣旅遊景點，更掀起單車熱潮！為培育新一代單車手，將軍澳中心將於3月31日至4月19日期間與專業平衡車品牌STRIDER聯手推出《小小賽車手養成基地》，特設刺激賽車場舉行「小小賽車手體驗」，周末更會舉辦「小小車神計時挑戰賽」，讓小車神們接受比拼時速大挑戰！出發前一眾小車神更可到「STRIDER Pop-Up Store」搜羅各種專業裝備，以優惠價搶購2023年最新版Strider Pro特別版，抖擻精神迎戰！適逢將軍澳中心Anytime Fitness全新開幕，推出「Fit Anytime Challenge」大送7天體驗證，另可消費換領平衡車，鼓勵大小朋友一同培養持之以恆的運動習慣。 一眾小車神不但要有強壯的體魄，也要有智慧的腦袋。近年STEM教育大行其道，《小小賽車手養成基地》內特設「車神發電站」，小朋友可以透過踏單車啟動LED發光裝置，或參加「STEM『手動發電機』工作坊」，身體力行地學習把動能化作電能的原理，智力體力同步發展，充實地善用復活節假期。 30米賽道狂野馳騁　體驗賽車手極限訓練 看到電視機上的賽車在賽道上風馳電掣，小車手們是否亦想親身體驗一下這種激烈的氣氛？將軍澳中心為各位帶來「小小賽車手體驗」，設置色彩繽紛的彩虹賽道，並特設多個適合小車神馳騁的彎位和斜坡，讓小車手們享受速度的快感。The Point會員即日起可於The Point App換領「小小賽車手體驗入場券」，使用平衡車專用賽道進行10分鐘平衡車體驗，為參加挑戰賽做好準備！ 小小賽車手體驗日期：3月31日至4月19日時間：星期一至五：中午12時至下午8時；星期六至日：上午11時30分至下午1時50分；晚上6時10分至9時；公眾假期（4月5、7、10日）：上午11時30分至晚上9時 （每節體驗10分鐘）地點：將軍澳中心G/F中庭詳情：The Point 會員憑500積分，即可於The Point App換領「小小賽車手體驗入場券」一張。數量有限換完即止。 #最新活動 #Park Central