泊邊好搜尋

公園的搜尋結果

荔枝角公園 / 嶺南之風泊車泊邊好?

荔枝角公園位於深水埗西,東為美孚一期,南接葵涌貨櫃碼頭路,西靠荔景山道,北則為荔灣道,交通四通八達,市民可乘地鐵、西鐵及巴士前往。荔枝角公園分為三期建造,總面積達17.65公頃,園內提供多項康體設施,而鄰近配套設施則有荔枝角公園游泳池、體育館及圖書館。 荔枝角公園隨咗可以帶小朋友黎玩之外,佢仲有寵物區可以帶埋你嘅毛孩黎活動吓。另外潮流興賞花,荔枝角公園仲係香港花卉展覽既其中一個展區添,仲唔夠特別嘅話,櫻花特別喇掛?依家唔駛去日本,喺荔枝角公園就可以睇到富士櫻喇。 依家睇咗相先,最尾會教大家泊車,仲要喺美孚搵到個$15一小時又唔駛行餐死既場。 睇完櫻花,去埋荔枝角公園內嘅嶺南之風就可以玩吓穿越喇。「嶺南之風」是一個中式公園,於二零零零年十一月十一日正式開放給市民遊覽,每日的開放時間為上午七時正至下午十一時正。由於公園位處九龍荔枝角的填海區,而荔枝又是嶺南名果,故以傳統嶺南風格造園。全園面積達12500平方米,水景面積約為2600平方米,佔全園面積約百分之二十。 整個公園分為十個景區,園內的建築物皆環繞著中央水池向外伸延,以院落迴廊為布局。其建築藝術也是採用嶺南風格,如陶塑、瓦作、灰塑、石雕和木砌等,而假山石則以英德太湖石為主。此外,園內掛有多副對聯,撰聯人有梁啟超、劉華東、李文田、康有為等。公園由東門至橋廊屋檐,均綴以彩色光纖燈飾,令園景在月夜下更添嫵媚。園的內外廣植樹木,綠樹成蔭;此外,更有精緻的盆景擺設,供遊人欣賞。好多古裝劇喺嶺南之風呢度取影架。 荔枝角公園 / 嶺南之風泊車泊邊好? 荔枝角公園好大,由泳池開始去到寶輪街 (九巴廠), 所以有好多個入口亦有好多個泊車點比你揀。不過一定唔會泊入去美孚新村入面嘅停車場,因為全部都時租$30以上。 1. 荔枝角公園停車場(按我導航)雖然呢個停車場叫做荔枝角公園停車場,不過佢其實位於泳池同室內運動場嗰邊。同你真係要賞花既西鐵站有少少距離。加上價錢又唔見得平又少位,時租每半小時要$12以上。如果唔介意行幾步既朋友可以直接睇下一個介紹。價錢詳情請參閱泊好先。 2. 盈暉薈停車場(按我導航)盈暉薈即係以前黑暗中對話嗰個商場,時租$18起,仲有日泊。價錢詳情請參閱泊好先。 3. 寶輪街露天停車場(按我導航)一開始已經同大家講咗,荔枝角公園有好多個入口,所以如果你唔好諗埋一邊,反方向由寶輪街出發的話,就會有新發現!呢個寶輪街露天停車場平時時租只需$17(最低消費2小時),除咗巴士廠旁邊嗰個$15之外,應該算全美孚最平,仲要唔駛行咁滯,一泊好車行番出對面馬路就係荔枝角公園 (嶺南之風) 既寶輪街入口。價錢詳情請參閱泊好先。 #公園 #荔枝角 #熱門泊車地方介紹 #最新活動 #最新市集

啟德郵輪碼頭公園 / 啟德跑道公園泊車泊邊好?

先講清楚,如果你係想帶寵物出黎玩的話,只有啟德跑道公園係寵物共享公園。而啟德郵輪碼頭公園係寵物不可進入的。 啟德跑道公園位於前啟德機場跑道的末端,係喺郵輪碼頭大樓外面嘅,好似下面張相咁。 呢度有個1.5公頃的大草坪比你帶小朋友或者寵物黎放電就啱晒,依家因為大家都無得去旅行,仲多咗黎人露營同野餐添,呢度24小時開放架。 而啟德郵輪碼頭公園係位於郵輪碼頭大樓既天台,兩個公園係獨立的。提提大家,呢個天台係睇唔到煙花的。因為有煙花時係會封天台的,而郵輪碼頭內嘅其餘地方都無位睇到煙花。 啟德郵輪碼頭公園 / 啟德跑道公園泊車泊邊好?呢度暫時得一個停車場咁大把。記住呢度係唔可以泊車過夜的,夜點11前一定要離場。 1. 啟德郵輪碼頭停車場(按我導航)雖然呢度得一個停車場,位又唔算好多,但係好多時佢滿咗都照比你入泊走廊的。另外,呢度價錢其實唔算貴,時租$10 / $15,價錢請參閱泊好先。唯一好處係有Tesla Supercharge。 2. 啟匯 Harbourside HQ 停車場(按我導航)啟匯係一座新起嘅商廈,所以大量車位,時租又平,星期六日只需$10一個鐘,仲有日泊$60,你話抵唔抵先。不過呢度你唔會行去郵輪碼頭咁遠架喇,最盡你行去兒童醫院轉小巴或巴士去啦,車程都係4分鐘,是但一部巴士見車就上就可以。停車場價錢詳情請參閱泊好先。 3. 觀塘碼頭一帶如果你星期六日去郵輪碼頭的話,仲可以考慮泊喺觀塘碼頭一帶,例如觀塘碼頭廣場停車場、振萬廣場停車場等。再喺觀塘碼頭轉渡海小輪去郵輪碼頭。船程只需10分鐘,每小時逢15分開出一班;回程每小時逢25分鐘由郵輪碼頭開出直達觀塘碼頭。渡輪詳情請參閱運輸署網頁。 #各區公園泊邊好 #九龍東 #寵物自駕遊 #親子自駕遊

海洋公園 / 水上樂園泊車泊邊好?

雖然未知道海洋公園幾時會分拆山上係收費遊戲設施,山下係免費開放畀遊人入場,但係海洋公園作為香港市民既集體回憶,兼且唔少人都有年票,每日都有好多人去。 海洋公園本身有停車場,最方便同最直接就梗係泊返喺海洋公園本身個停車場。不過你需要按職員指示泊邊個位,唔可以自由揀位,咁就有機會唔係泊喺有蓋地方,有可能會需要泊喺露天位置。 退而求其次,就係泊海洋公園站停車場。海洋公園站停車場基本上全部都有蓋,而且好處係可以做原站出入享有免費轉乘優惠(註:原站出入既泊車轉乘優惠已經玩爛咗,下面會有另一教學),大約要泊10個鐘先大約等於泊喺海洋公園本身停車場。所以對於大部分可能只係去海洋公園玩半日既朋友,泊喺海洋公園站會更為化算。不過泊得喺海洋公園站就自然唔可以喺門口上落客,大家都要從海洋公園站行過條天橋,先至可以到達海洋公園入口。 如果你係經由香港仔隧道前往海洋公園站,記得出隧道口靠左往赤柱方向,經過第一個紅綠燈之後會有一個U Turn位,U Turn後靠左行大約150米,就係海洋公園站既入口了。 除左最近既兩個停車場介紹,喜歡日泊既車友,可以繼續睇埋其餘兩個停車場既推介;喺文章既尾部,更加以地圖方式,顯示左不同停車場既位置同距離。 時租日泊海洋公園$25 / $40$150 / $200海洋公園車站$24 / $32泊車轉乘:$15 / $18N/A安盛匯$19$135 / $115入車至同日23:59Marina 8$18$125(08:00-18:59)One Island South$19$160 / $140入車至同日23:59水上樂園N/A$200 / $250鴨脷洲邨$22 / $27$110 / $140入車至同日23:59 1....

觀塘海濱公園 / ​觀塘海濱音樂噴泉泊車泊邊好?

觀塘海濱公園都開咗幾年,而因為價值5000萬嘅音樂噴泉嘅啟用令到更多市民想去觀塘海濱公園睇吓。 註:觀塘海濱道公園亦會在本文後半部介紹,泊車位置跟觀塘海濱公園相同。 觀塘海濱公園位於觀塘繞道天橋底,有多種康樂設施,包括有1000米長嘅海濱步道比你跑步、亦有特色塔樓地標、兒童遊樂場、健身站、觀景亭同感官花園等等。 一般人都諗住佢近住觀塘碼頭,所以就會諗泊車泊去萬兆豐中心或者絲寶國際大廈或者宏基資本大廈。咁諗就錯晒啦,又貴又少位。今日泊邊好為你介紹兩個比較新開嘅停車場,當中仲有女士專用車位比女車主用添,咩黎?一齊黎睇落去啦。 1. 綠景NEO停車場(按我導航)綠景NEO停車場其實就係喺絲寶對面,亦即係觀塘海濱公園對面。有中速充電器,又多位,極少爆滿。時租只需$20,又有日泊,不過未係最平,陣間再講。而佢最特別嘅係有"女士專用車位",有去過泊嘅女司機話啲位真係闊啲架喎。我都泊過呢個場,不過見到咁樣真係唔好意思泊埋去,上多一層泊充電位好過。價錢詳情請參閱泊好先。 2. 海濱匯停車場(按我導航)雖然海濱匯停車場就遠咗少少咁多,其實真係好少。過多一條馬路咁大把。但係佢係全條海濱道最平嘅停車場。星期六日黎泊只需$16,日泊仲要係$60。所以喺呢度泊車真係完全唔駛睇錶。揸電動車嘅朋友仲開心,呢個場係全場都係充電位,有慢叉13A、有中叉仲有中電快叉。車位又多。絕對無介紹錯架。價錢詳情請參閱泊好先。 觀塘海濱道公園 觀塘海濱道公園位於綠景NEO旁邊,觀塘海濱公園對面,所以你只需要參考上面嘅泊車介紹就可以。海濱道公園算係一個比較靜態嘅公園,所以你睇相見到除咗少量健身設施之外,都係以大草地為主。 (圖片來源:康文+++Facebook Page) #各區公園泊邊好 #九龍東 #親子自駕遊

將軍澳公園 / 香港單車館公園泊車泊邊好?

香港單車館公園位於將軍澳寶康路105-107號,佔地約5.3公頃。園內有廣闊嘅草坪和人工湖,仲可以畀你放搖控船添,呢度景觀優美。公園另設有多項康體設施,包括極限運動場、露天劇場、緩跑徑、運動攀登牆、兒童遊樂場,長者健體園地等等,唔少得嘅當然係喺單車館外租單車踩去海濱甚至係康城啦。 呢黎介紹呢個大草地夠晒畀小朋友跑跑跳跳。 仲有呢個都幾大嘅兒童遊樂場。 呢度有得租單車,同用Apps租嗰啲比就一定係貴喇架喇。但係話晒都係dup頭車,用shimano波箱、碟剎。好似離咗題添。 將軍澳公園 / 香港單車館公園泊車泊邊好? 將軍澳運動場停車場(按我導航)最近就當然泊番佢旁邊個運動場停車場啦,不過都幾貴星期六$12 / 星期日$18 係半小時唔係一小時呀!所以想平就過條天橋,去下面介紹嘅尚德停車場喇。而將軍澳運動場停車場收費請參閱泊好先。 TKO Spot停車場(按我導航)TKO Spot即係尚德商場嘅新名。我知大家實會問點解唔介紹香港單車館停車場,明明又近又平。啱呀,佢真係平,但係因為佢太平,假日收費竟然十蚊都唔駛。咁所以你都無謂浪費時間去排,入面大把車係當月租咁泊。講番TKO Spot,想去將軍澳公園記得係泊去 A停車場同埋泊到上三樓,一出就見到條天橋,對面就係將軍澳公園。時租收費$20 / $23;仲有12/24小時泊。價錢詳情請參閱泊好先。 東港城 East Point City停車場(按我導航)位置距離計,南豐廣場同連理街都近過東港城。不過東港城車位足又平過晒其餘周邊嘅停車場,反正將軍澳係天橋之城,泊完車穿條天橋就去到南豐,咁梗係泊東港城啦,另外東港城仲可以用The Point積分換領免費泊車。時租收費$15 / $18。價錢詳情請參閱泊好先。 #香港各大公園 #親子自駕遊...

香港動植物公園泊車泊邊好?

香港動植物公園是本港歷史最悠久的公園,1860年動工興建,1864年局部開放,1871年全面落成並開放予公眾參觀。同年,福特先生獲委任為公園首位園林監督。公園早期以蒐集和研究本地植物為主,故名植物公園。自1876年起,公園陸續飼養雀鳥及哺乳類動物,後於1975年正式易名為「香港動植物公園」。園址於1841至1842年為督憲府所在地,而總督兼任駐港三軍總司令,人稱「兵頭」,故公園又俗稱「兵頭花園」。 公園佔地5.6公頃,坐落花園道、羅便臣道、己連拿利和上亞厘畢道之間,雅賓利道貫穿其中,使公園分為東、西部分,兩者由一條行人隧道連接。公園東面部分稱為「舊公園」,設有兒童遊樂場、鳥舍、溫室及噴水池平台花園;西面部分稱為「新公園」,主要是哺乳類和爬蟲類動物的居所。 除了欣賞動植物外,遊人也可於園中的古蹟徑漫步,參觀五個別具歷史意義的景點,即石柱、紀念牌坊、英皇佐治六世銅像、涼亭及噴水池,細味公園的故事。 開放時間: 噴水池平台花園上午5時至下午10時溫室 / 教育及展覽中心上午9時至下午4時30分其他上午6時至下午7時 香港動植物公園泊車泊邊好?有兩個停車場好近香港動植物公園,但係其實係喺同一條街黎。 1. 科達中心停車場(按我導航)由於兩個停車場都喺同一條街,所以我哋由最平開始講起,泊科達中心,之後沿花園道天橋底穿過去就可以到達香港動植物公園,非常近。時租$17 / $20,仲有日泊,價錢請參閱泊好先。 2. 香港基督教女青年會總部(女青園景軒)停車場(按我導航)喺正上面所介紹嘅科達中心旁邊,但係時租$28,仲要無日泊。價錢請參閱泊好先。 #各區公園泊邊好

新城市廣場.戶外平衡車公園

新城市廣場3樓平台既戶外平衡車公園開番喇!!以野生叢林風格為設計概念,陰有寬闊車道、簡單好玩的小儭台等設備,再配合非洲象、長頸鹿等野生動物佈置,兼備打卡與玩樂元素,開啟小朋友前所未有的滿FUN風馳之旅。 無平衡車既朋友,可以即場借車同裝備。而The Point會員更加以用500分預約借車添。咁就一定有得踩啦! 免費泊車優惠及其他新城市廣場活動,請參閱泊邊好新城市廣場專頁。

香港濕地公園泊車 及 屏山天水圍公共圖書館 天水圍親子文青一天遊

香港濕地公園停車場車位少,就算開放埋後備停車場都好,都成日爆滿又行得遠。官方教大家泊遠少少去附近既屋苑停車場。但係泊車後究竟係搭一個站輕鐵好定行路好?一家大細。如果要搭輕鐵,不如泊遠少少串埋做天水圍親子文青一天遊啦。 香港濕地公園 香港濕地公園擁有佔地1萬平方米的室內訪客中心和60公頃的濕地保護區。訪客中心設有主題展覽廊、放映室、禮品店、餐廳及室內遊戲區。展覽廊展示濕地在生物多樣性、文明發展和自然保育的重要性。 濕地保護區包括人造濕地和為水鳥而重建的生境。座落保護區的濕地探索中心讓遊客親身體驗濕地生趣。其他設施包括溪畔漫遊徑、演替之路、紅樹林浮橋和三間觀鳥屋則引領遊客走進不同的生境。 香港濕地公園的建築及園景設計享譽國際,榮獲本地及海外專業團體所頒發的多項大奬,包括香港建築師學會、英國園境師學會及美國城市土地學會。於2013年,公園更被全港市民選為21世紀香港十大傑出工程項目之一。 香港濕地公園開放時間:星期一至日 上午10時至下午5時 (逢星期二休館,公眾假期除外)收費: 標準票$30;優惠票$15停車場時租:$8 一小時(按我導航) 如果香港濕地公園停車場爆滿,可選擇以下鄰近停車場: 1. 俊宏軒停車場(按我導航)俊宏軒停車場,時租價錢超平只需$13,車位又多。一般都好少會滿。價錢詳情請參閱泊好先。 2. Wetland Seasons Park 停車場(按我導航)暫時只開放與居民及訪客使用,大家當參考住先。停車場專員Jong-un Kim報料,原來Wetland Seasons Park停車場已經開咗,時租價錢$16,不過車位唔多。但係勝在近,泊完車行去入口都唔駛5分鐘。連Google Map都未有。 3. 天水圍天業路露天停車場(按我導航)露天場一定夠晒平$10,仲有日泊。距離同濕地公園本身個後備停車場差唔多咁遠,預行10分鐘左右。價錢詳情請參閱泊好先。 屏山天水圍公共圖書館 屏山天水圍公共圖書館係全港第二大嘅圖書館。面積達6100平方米。除此之外,佢仲係全港第一間設有戶外閱讀環境的公共圖書館,即係你可以拎埋啲書出去圖書館不同樓層嘅室外花園坐低睇書。呢個感覺係其他圖書館比唔到你架。 屏山天水圍公共圖書館位於天水圍西鐵站旁邊,而圖書館旁設有大型露天停車場。 屏山千葉停車場(按我導航)屏山千葉停車場喺圖書館旁邊,露天場一定平$10,仲有大量車位唔驚會爆。價錢詳情請參閱泊好先。如果你打算去濕地公園的話,其實可以考慮泊車喺呢度,再行3分鐘去天水圍西鐵站底下既輕鐵站搭705號綫直達濕地公園站,車程14分鐘。咁就可以連埋屏山天水圍公共圖書館一齊玩,一日內動同靜都玩齊晒。 最後,泊邊好為你介紹天水圍屏山附近嘅食肆比大家參考,滿足埋你個胃:一糖甜品尋找肉餅的故事 – 屏山老地方 #元朗 #天水圍 #香港各大公園泊車熱點 #搵食自駕遊 #親子自駕遊 註:部份相片取自濕地公園官方網站及網上相片

香港公園泊車泊邊好?

公園內保留了多座於1842至1910年期間興建的軍營文物建築,包括三軍總司令官邸旗桿屋(現為茶具文物館)、羅連信樓(現為香港公園辦事處、紅棉路婚姻登記處)、華福樓(現為教育中心)和卡素樓(現為香港視覺藝術中心)。 平面圖在公園中央,遊人可看到由舊軍營網球場改建而成的人工湖和瀑布。沿湖畔小徑往中環方向拾級而上,便到達奧林匹克廣場、香港公園辦事處和紅棉路婚姻登記處。公園中部有依山而建的溫室和觀鳥園這兩座大型現代設施,並毗連太極園和鳥瞰角,組成香港公園的特色建築群。 此外,公園還有很多戶外設施,包括觀島園和兒童遊樂場等,是香港都市生活中的市肺。想到這裡玩,可以泊邊好? 1. 金鐘道政府合署 (按我導航)金鐘道政府合署只於星期六日及公眾假期開放,時租$27,仲有日泊,詳細價錢請參閱泊好先。好處係夠近,位於太古廣場旁邊,穿過花園道就係山頂纜車總站。不過如果你星期日去的話,我介紹一個仲平啲既比你,下面再講。 2. 花園道三號 (按我導航)又係一個比較近香港公園既停車場,最特別係佢閒日時租$29,但係星期日及公眾假期只收$16,詳細價錢請參閱泊好先。所以如果你星期日去香港公園的話,基本上都無需考慮,直入花園道三號吧。 最後,介紹埋有泊車優惠既停車場比大家。如果你會去埋太古廣場Shopping的話,買夠$500就有3小時免費泊車優惠,泊車優惠請參閱泊邊好太古廣場專頁。

屯門公園共融遊樂場泊車泊邊好?

屯門公園比你嘅印象係咪娜娜?無架喇,自2018年12月起,屯門公園兒童遊樂場是香港首個將「水」同「沙」兩項自然元素納入設計嘅無障礙兒童遊樂場。遊樂場裏面提供多元化嘅共融遊樂設施,等不同年齡及能力嘅傷健兒童喺和睦愉快嘅環境中一同玩樂。真係好好玩架! 除咗動之外,貴位新界西首個大型公園,呢度仲有個人工湖,湖邊一角闢為自然保育園地。湖上面仲可以畀你放搖控船,係除咗維多利亞公園之外另一個可以放搖控船嘅公園。 而必須要去嘅,就係1999年啟用嘅爬蟲館。爬蟲館的設施包括室內展覽缸及露天展覽場,展出不同品種的爬蟲類動物。該館現有30種共51隻活展品,當中包括地氈蟒、傘蜥、南美蚺、鼻鱉、輻射紋龜、齒緣攝龜、窩瑪蟒、蛛網龜、松果蜥、黑池龜、盾臂龜、綠鬣蜥、球蟒、藍舌石龍子等……。此外,館內以圖文介紹有關資料,並擺設七個爬蟲類的模型標本。爬蟲館每年的入場人次達36萬(包括28 800團體参觀者),現已成為公園的主要景點。 開放時間 : 爬蟲館 每日上午九時至下午六時 (包括公眾假期)模型船池 每日上午七時至下午十一時(包括公眾假期)兒童遊樂場 每日上午七時至下午十一時(包括公眾假期)每星期一上午七時至下午一時暫停開放,以便進行場地保養工作。(如星期一為公眾假期,保養工作將順延至下一個工作天進行)其他公園設施 二十四小時 入場 : 免費 屯門公園共融遊樂場泊車泊邊好? 愛定商場(友愛)停車場(按我導航)講到最近公園一定係愛定商場嘅友愛停車場喇,泊完車之後,沿愛明樓旁邊就可以直達公園南門。兩三分鐘就行到。價錢詳情請參閱泊好先。 V City停車場或屯門車站停車場(按我導航)南門就友愛近,咁北門就一定係V City喇。穿過條天橋就可以直達屯門公園,玩完又可以行吓商場攞埋免費泊車優惠先走。仲要V City個閒日時租價錢仲平過愛定商場,咁就更加唔駛諗泊V City或者屯門車站停車場啦。註:V City及屯門車站停車場入口均為同一層同一主入口,然後轉左係車站停車場;直去係V City停車場。兩者時租價錢一樣並同樣可以換領V City之免費泊車優惠。價錢詳情請參閱泊好先。 其餘屯門市廣場停車場,屯門時代廣場停車場等由於假日經常爆滿,故此泊邊好並不推薦。一般黎講友愛停車場車位會比較多,亦可以避開市中心嘅車龍。 #香港各大公園 #屯門 #親子自駕遊

訊號山花園泊車泊邊好?

唔駛一定要去到新界離島都有隱世公園嘅,繼上集介紹咗南昌公園比大家賞花之後。今集介紹位於尖沙咀嘅訊號山花園。 而介紹得訊號山公園當然唔少得下圖呢一座訊號塔。 訊號塔由香港天文台於一九○七年興建,以擺放原置於附近前水警總部圓屋內的時間球。香港有兩座專為向海員和市民準確報時而興建的建築物,訊號塔是其中之一。一九○八年一月八日,時間球於訊號塔恢復報時服務,其後於一九三三年六月三十日終止。訊號塔現已成為訊號山花園的獨特標誌。 訊號塔原高四十二呎,共三層,其後在一九二七年加建一層,使塔身高度增加約二十呎,讓訊號塔不致被高樓遮蔽。訊號塔的建築帶有濃厚的古典巴洛克色彩,並加入當時流行的愛德華式裝飾特色,以紅磚配上淺色石構件。塔身呈方形,角位捨用常見的方角,採用雅致的斜削角。紅磚為特別燒製,並採用英式砌法,石作則以本地花崗石雕砌而成。其他建築特色包括花崗石基座、腰線和檐口,以及「吉布斯飾邊」的窗戶。 大包米訊號塔於二〇一五年列為古蹟。 而最難得嘅,訊號塔係免費比你上塔參觀的。 開放時間:每日上午九時至十一時及下午四時至六時 去訊號山花園泊車泊邊好?以下有兩個近近地嘅場介紹比大家,各有優點。泊車後,沿緬甸臺入口上山即達。 1. H Zentre中間道停車場(按我導航)H Zentre做緊泊兩小時或以上,無條件免費一小時優惠,無需登記,無需消費,直接拍八達通出閘就會減番,係近期去尖沙咀既不二之選。時租價錢請參閱泊好先。 2. K11 Musea(按我導航)如果你諗住行吓街睇埋戲消費吓嘅話,當然泊入去K11 Musea啦。消費滿$500可以有免費泊車3小時,下載埋佢個APPS做會員,仲即刻送多一個鐘畀你。免費泊車優惠請參閱泊邊好K11 Musea專頁;時租價錢請參閱泊好先。

南昌公園泊車泊邊好?

位於深水埗區的南昌公園於1998年7月啟用,佔地約3.83公頃。園內設有草坪、兒童遊樂設施及長者健體設施。仲要24小時開放,仲要喺市心咁方便,係帶埋小朋友去放電/野餐嘅好地方。 唔同時候去可以影到唔同嘅花,二月至三月去就可以影黃花風鈴木,開花期得兩星期咋! 南昌公園另一個賣點,就係佢呢個接近二萬呎既大草源,除咗維多利亞公園之外,九龍區黎講呢個算大,黎野餐就一流。 去南昌公園泊車泊邊好? 1. V Walk(按我導航)V Walk既免費泊車優惠出名要求出,不過只要你係The Point會員,就可以用1500分換一個鐘免費泊車,近近地就揀佢泊啦。價錢詳情請參閱泊好先。 2. 南昌薈停車場(按我導航)南昌薈係典型屋村多層停車場,超多位,不過車位就窄啲,泊到上最高就無死,反正有Lift唔駛行。佢仲有12/24小時泊,如果你打算野餐玩全日嘅就啱晒。價錢詳情請參閱泊好先。佢個停車場入口喺條村最入嗰個位,你由欽州街西入去西村路行到尾就會見到下面個閘,入閘之後直行就會見到多層停車場,直接上到最頂啦。 南昌公園地址:九龍深旺道20號

盛夏摩天輪 AIA嘉年華2021 (附泊車指南)

萬眾期待的大型夏日盛事「盛夏摩天輪」於7月30日在香港摩天輪及AIA Vitality 公園正式對外開放。「盛夏摩天輪」將以耳目一新的形式亮相,提供豐富娛樂體驗與大家一同迎接盛夏,當中包括經典攤位遊戲、家庭機動遊戲設施及超過30個多元化主題的巨型打卡位。 夏日打卡公園: 率先同超過20個巨大打卡位影相 活動最值得注目的當然少不了超過20個巨大打卡位的打卡公園,展出多個以奇幻動物派對作主題的拍攝造景,包括迷幻大猩猩、邁阿密紅鶴舞池、DISCO獨角獸及多隻侏羅紀公園恐龍模型等,為場地注入生氣活力。愛影相打卡的絕不容錯過! 人氣攤位遊戲及機動遊戲 |  蠃取超過30萬隻毛公仔 各款人氣攤位遊戲將登陸香港摩天輪,訪客可挑戰自己技巧贏取獎品,而大會則會有超過30萬隻毛公仔可供訪客贏走,絕對是「掟公仔迷」的天堂! 另外,場內亦會有適合一家大小的機動遊戲設施,如碰碰車、充氣滑梯、笨豬跳彈床、旋轉木馬等,遊戲節目之豐富足夠讓小朋友「放足電」! 盛夏摩天輪日期:7月30日至9月12日時間:星期一至五 : 12PM-10PM | 星期六及日 : 11AM-11PM地點:AIA Vitality Park售票:https://www.zicket.co/zh-hant/summer-at-the-wheel-tickets-hong-kong 駕車人士請參閱泊邊好文章中環海濱活動空間 (中環摩天輪) 泊車泊邊好?,我地已經為你列出最方便最近同最平嘅停車場選擇比大家。 #中環 #最新活動 #泊邊好 (相片來源:Hong Kong...

鴨脷洲風之塔公園泊車泊邊好?

風之塔公園雖然開咗十多年,但係佢位於香港仔避風塘南邊,景靚又可以順手坐街渡去香港仔,都係幾有趣嘅體驗黎,特別係喺市區成長嘅小朋友,依家搭船嘅機會都唔多,莫講話街渡添。 呢度有個細細嘅遊樂場,但係黎得呢度都唔係為咗佢,有就算啦。 再行過少少有呢個表演場地,疫情前都好多地區活動搞嘅,依家就當櫈坐啦。 呢度仲有個室內嘅常設展覽,介紹造船業嘅歷史,免費入場架! 終於講到戲肉,風之塔。可惜依家因為要興建電梯而暫時封閉。等我為大家介紹吓佢先啦,佢係一座真係可以畀你行上去既觀景台,高10米。外形就好似一艘傳統漁船。行上觀景台就可以望晒成個香港仔避風塘景色。而呢座塔有個特色就係佢有個會因為當時風速而變色嘅電子指示燈,當風速超過一定速度時就會禁止遊人上塔。而最勁嘅係,呢個電子指示燈係用太陽能發電嘅。十年前黎講好勁架喇。 香港仔 - 鴨脷洲街渡 喺風之塔公園旁邊,你會見到呢個〝碼頭〞,就可以搭街渡去對面岸嘅香港仔海傍。船程唔駛5分鐘,船費只需$2.5咋!如果香港仔塞車或者停車場無位,泊過黎鴨脷洲再轉街渡過去香港仔,計番都有著數丫。 鴨脷洲風之塔公園泊車泊邊好? 1. 鴨脷洲海濱長廊停車場(按我導航)最近又最平就梗係爛地停車場啦,呢個場都幾唔起眼,無乜招牌,你去到仲以為係街市嘅上落貨區。價錢詳情請參閱泊好先。 2. 悅海華庭停車場(按我導航)唔想部車晒就泊室內場啦,都係好近碼頭,仲有日泊同24小時泊。泊完去香港仔嘅朋友就一流。價錢詳情請參閱泊好先。 #南區 #其他泊邊好文章 #公園

中西區海濱長廊 (西區副食品批發市場段) 泊車泊邊好?

大家行西隧時有冇見到西區副食品批發市場外面有個公園好大好靚呢?呢個就係去年新開嘅中西區海濱長廊喇,而呢一部份係稱為西區副食品批發市場段。呢一段嘅公園係畀小朋友放電用嘅,如果你想帶寵物去玩的話就要去中環段。睇吓下面嘅相,呢個公園嘅設計係用番海濱黎做主題,好睇又好玩。 呢度分咗4段,由兒童遊樂場開始計係第1段,下圖見到嘅就係第3段。過咗第4段之後會去到另一個相連嘅公園。 係咪好想玩哆啦A夢入面嘅大水管呢?香港都有得玩喇!呢度就係豐物道海濱休憩用地喇,又稱「捐山窿」公園。一場黎到海濱長廊梗係過黎玩埋個大水管啦。 中西區海濱長廊 (西區副食品批發市場段) / 豐物道海濱休憩用地(「捐山窿」公園)開放時間:24小時開放 中西區海濱長廊 (西區副食品批發市場段) 泊車泊邊好? 香港商業中心停車場(按我導航)如果你係想去遊樂場嗰邊嘅,距離計最近係泊香港商業中心。泊完車沿電車廠方向經紅綠燈行幾分鐘就到中西區海濱長廊。香港商業中心呢度有一田超市,方便你玩完順手買餸返屋企。黎一田購物仲有免費泊車優惠,詳情請參閱泊邊好香港商業中心專頁。入車前記得睇清楚係第一個停車場,上面中間紅色寫住〝香港商業中心〞嗰個先係呀。 中山紀念公園體育館停車場(按我導航)如果你係想去「捐山窿」公園,即係豐物道海濱休憩用地的話,泊中山紀念公園呢邊就會近好多。當中,中山紀念公園體育館停車場最抵泊,時租$10。價錢詳情請參閱泊好先。 中山紀念公園停車場(按我導航)其實喺上面講嘅中山紀念公園體育館停車場旁邊,不過價錢就貴好多,要$14 / $26。價錢詳情請參閱泊好先。

佐敦谷公園泊車泊邊好?

佐敦谷公園位於觀塘新清水灣道71號,原址為佐敦谷堆填區,千祈唔好去左淘大花園附近個佐敦谷遊樂場呀。佐敦谷公園佔地約6.3公頃,係觀塘區最大的公園,為市民提供不同種類的動態和靜態康樂設施。公園內最具特色的設施,就是具備國際水平的遙控模型賽車場,適合舉行模型車大型賽事。 呢個搖控模型賽車場大過天水圍公園嗰個好多,原因係呢個賽車場係國際級既賽車場黎,你睇吓旁邊啲師兄玩得幾專頁。唔想失禮同唔想曬嘅朋友,仲有個室內場畀你玩,尤其是適合小朋友玩遙控車。 但係佐敦谷公園叫得公園,小朋友先係主角。呢度唔少得有個都幾大嘅兒童遊樂場,有鞦韆同埋迷你迷宮花園夠晒好玩,旁邊仲有兩大塊草地。 想健身既仲有緩跑徑。 當中最特別係呢啲藝術座位,至於藝術嘅野我真係識條鐵咩?好彩有使用指南。 講咗咁耐,泊車當然先係最重要嘅一環啦,呢度設有停車場,可以直接泊入佐敦谷公園門口。 佐敦谷公園停車場(按我導航)時租每半小時$8 / $13,位就唔算多,但係咁近幾錢都泊啦。價錢詳情請參閱泊好先。 順利紀律部隊宿舍停車場(利安商場)(按我導航)如果公園無位,就要去燈位右轉嘅順利紀律部隊宿舍停車場喇,不過呢條係巴士線黎,最近我諗你要上安達臣道迴旋處調頭。行多兩步價錢就平啲架喇,時租$14 / $19,注意日泊只係去到晚上6點鐘。價錢詳情請參閱泊好先。 順利商場停車場(按我導航)講明先,呢個場就真係有少少遠,不過假如上面兩個場都無晒位兼排長龍,無位都無辦法。時租$21 / $23,不過佢有24小時任泊優惠,真係打算黎玩足一日,食埋晚飯嘅都可以考慮嘅。價錢詳情請參閱泊好先。 #泊邊好文章 #搵食自駕遊 #親子自駕遊 #遊樂自駕遊 #九龍東 其餘熱門泊邊好文章:東涌泊車泊邊好?D2 Place滿晒附近泊車泊邊好?港外線碼頭搭船去離島玩泊車泊邊好?全港Donki尋寶地圖海洋公園泊車泊邊好The Wave / 觀塘工業區 泊車泊邊好?

「維港癲噹開心村」@荃灣海濱公園長廊

本地文創「貓室」帶同人氣卡通人物<癲噹>和<阿讚貓>來臨荃灣海濱「維港癲噹開心村」!維港癲噹開心村會用可愛外表和趣緻動作虜獲香港人的笑容,令大家置身幸福又快樂的氛圍!每位進入維港癲噹開心村的朋友都會見到癲噹以及阿讚貓2米高的立體頭像,由村口一路閒逛,與不同造型的癲噹打卡合照,還可以飽覽荃灣海濱夕陽西下的美景,捕捉Magic Hour最美麗的一刻! 最近不少人都喜歡郊外活動,希望能親親大自然之餘,還可以呼吸新鮮空氣。癲噹跟阿讚貓化身熱愛Camping的露營友和山系文青,一邊Chill Chill躺在營區曬日光浴,一邊彈奏ukulele高歌,與你一起癲噹郊遊遊! 本地文創作家「貓室」以卡通癲噹作為主題,將荃灣海濱長廊變成打卡熱點,在疫情下為香港人帶來歡笑。維港癲噹開心村跟非牟利機構BEYOND VISION PROJECTS (BVP,www.beyondvision.asia) 合作,加入多感官元素轉化不同造型的癲噹成為「觸感圖」,讓視障人士能透過指尖「看見」可愛的癲噹,與不同能力人士一同享受文化、藝術及教育的權利與樂趣。在荃灣海濱,除了享受由維多利亞港延伸而來的海風和海浪聲,更透過接觸實體的癲噹,達到全方位4D享受,令視障人士確切感受癲噹帶來的歡樂。 永遠不會脫班的小巴,對每天在觀塘上班和路經屯門出城的香港人一定很想要吧! 癲噹小巴和小巴站能做到「零脫班」,無懼風雨在荃灣海濱恭候大家上車! 癲噹小巴設計以香港小巴為靈感! 癲噹在荃灣海旁模仿丹麥哥本哈根的美人魚,擺出性感又可愛的姿勢搏君一笑! 咖啡杯要企得穩,就當然要有一張穩固咖啡枱!貼心的癲噹為了讓你一邊欣賞荃灣海濱的美景,不惜爬上欄杆化身成24個私家咖啡枱,用萌萌樣子撐住你和你的食物,跟你一起細看美麗的風景。 「維港癲噹開心村」@荃灣海濱公園長廊地址:荃灣海濱公園開放日期:2021年4月21日至10月11日泊車:請參閱荃灣海之戀Donki驚安之殿堂泊車泊邊好? #荃灣 #最新市集 #親子自駕遊

其他受歡迎的資訊