泊邊好標籤

標籤: 港式美食

恒安夜市(恆安市場)

又繼續介紹夜市,等睇歐國盃等到肚餓,不如揸車去夜市搵宵夜食啦。上次介紹咗廣源夜市,今次黎到馬鞍山區嘅恒安夜市。 恆安市場 Food Garden,係以花做主題,令人仿如置身秘密花園。而市場嘅外型係以歐陸式建築為設計概念,黑白格調配合綠色植物,簡潔利落嘅裝潢為繁忙既石灰森林添上幾分愜意。 大家可以見到,恒安夜市比廣源夜市多好多食肆,同埋最大嘅分別係,恒安夜市呢度每間鋪外面都有座位預咗比你堂食。咁當然啦,喺呢啲地方食得嘅都係以輕熟食為主。腸粉燒賣餃子就唔少得,我記得疫情前試過堂食魯肉流心蛋飯,連埋飲杯品都係三十蚊落樓。非常抵食,咁當然,食物都係媽媽的味道嘅家庭食物質素啦,唔通你預呢度會好食過酒樓咩? 恒安夜市(恆安市場)泊車泊邊好? 最方便最近當然係泊恆安商場停車場啦,領展場有時租有24小時泊,價錢詳情請參閱泊好先。。不過,重點係呢度有30分鐘免費上落客優惠!!夠晒你買外賣有餘。(按我導航) #馬鞍山 #搵食自駕遊

廣源夜市(廣源市場)

為何夜深總是餓?一齊揸車出去食宵夜啦,自從疫症之後搞到大家無啖好食,仲成日禁晚市堂食添。隨時疫情緩和,又係掃街嘅好時候,今日帶大家去廣源夜市掃街。 先介紹佢個環境先,廣源夜市係用工業紅磚風格做主題,佢真係連一隻門都唔放過,要油番啱色。呢度收凌晨02:00,夜一夜都唔怕。 我覺得夜市有幾樣野真係必食嘅,其中一樣係豆腐花、另一樣係煎釀三寶,當然啦,腸粉都好食喎,餃子又唔錯...... 廣源夜市泊車泊邊好? 雖然你睇相都見到,夜市門口個巴士站邊泊滿晒車,但係泊邊好唔會教人違泊既,泊返去廣源商場停車場啦,價錢詳情請參閱泊好先。一出Lift就可以直達夜市,落雨都唔怕。(按我導航) #沙田 #搵食自駕遊

龍華酒店泊車泊邊好?

「沙田翠谷映流霞,西風人瘦過誰家,陶令風流鍾子意,黃花紅酒醉龍華。」唯靈題。 龍華酒店嘅乳鴿就馳名百年,近期仲換咗大廚添,好似話好咗好多。點都好,香港有間過百年歷史嘅酒店都值得大家去回憶吓嘅。今集教大家去龍華酒店泊車泊邊好。 龍華酒店泊車泊邊好? 1. 龍華酒店代客泊車(按我導航)首先要介紹嘅當然係佢本身嘅代客泊車啦。每日晚上六時至十一時任泊只需$40。非常抵泊。唯一缺點係要留匙,你明架啦。 2. 瀝源商場停車場(按我導航)位置黎講,瀝源會近過禾輋嘅,不過啲人話禾輋多位啲。無所謂啦,都係同一條街,瀝源無位咪再去禾輋囉。都係領展屋村場,都係差唔多......窄架喇。價錢詳情請參閱泊好先。 #沙田 #泊邊好 #搵食自駕遊

其他受歡迎的資訊