泊邊好標籤

標籤: 醫院

瑪麗醫院泊車泊邊好?

瑪麗醫院訪客停車場(按我導航)雖然係近,但係車位有限,加上係用遞進式收費,第一小時收$20,第二小時收$30,第三小時仲要貴啲。所以視乎你想泊幾耐同有冇位而定。需要日泊或過夜嘅朋友請繼續睇埋落去。價錢詳情請參閱泊好先。 香港大學醫學院停車場(按我導航)呢個係距離計最近瑪麗醫院既停車場,不過收費都幾貴,加上要行條好長既斜路上番去瑪麗,都幾吃力。步程約10分鐘。比我揀我寧願放低晒屋企人然後泊遠少少轉巴士。價錢詳情請參閱泊好先。 華富一邨停車場(按我導航)如果你想平、要泊得耐、最好有日泊或者過夜的話,過黎華富就無有錯。呢啲屋村場時租平,有日泊又有24小時泊。泊完車,行過對面華富(東)巴士總站有大量巴士途經瑪麗醫院,例如:4、4X、30X、40M等。價錢詳情請參閱泊好先。 數碼港停車場(按我導航)如果你諗住順手行街睇埋戲嘅,當然可以考慮泊喺數碼港然後轉巴士上去。數碼港設有多種不同嘅免費泊車優惠,連睇戲都有得享用。詳情請按以下hashtag瀏覽數碼港商場專頁。 #全港醫院泊邊好 #數碼港 #南區

香港兒童醫院泊車泊邊好?

香港兒童醫院位於九龍灣承昌道一號,簡單講即係由九龍灣入郵輪碼頭嗰條路。所以除咗佢本身個得小量車位仲要成$30一個鐘嘅停車場之外,周圍都無乜停車場可以泊。所以泊邊好專登為大家搵咗兩個步程唔駛5分鐘嘅停車場畀大家,咁你以後就唔駛泊德福商場轉小巴,或者泊郵輪碼頭行餐死過黎兒童醫院啦。 1. 啟匯 Harbourside HQ 停車場(按我導航)啟匯係一座新起嘅商廈,所以大量車位,時租又平,星期六日只需$10一個鐘,仲有日泊$60,你話抵唔抵先。價錢詳情請參閱泊好先。 2. 太平洋貿易中心停車場(按我導航)講明先,呢個場只係一個後備選擇,個場舊,又貴過人。不過無理由淨係介紹一個停車場畀你架。所以得個知字算。價錢詳情請參閱泊好先。 註: 網絡相片#各區醫院泊邊好 #九龍東

養和醫院泊車泊邊好?

位處於跑馬地的養和醫院係港島區其中一間出名既醫院,有很多名人都會喺養和醫院生小朋友。養和醫院的人流車流亦很多,而養和醫院停車場亦經常爆滿。 在養和醫院附近的馬路會有一些錶位,粗略估計大約有20個左右。錶位的流動性算高,但問題在於路面狹窄,通常係單程路,所以沒有太多馬路可以讓你停車等位,有時只能兜圈碰碰運氣。 除此之外,有準爸爸經常會問養和醫院日泊,通常就是太太會在養和醫院生小朋友。如果想將車日泊在養和醫院八小時計算,按泊好先紀錄的時租收費計算,總數係$360,兼且會阻礙停車場的流動性讓有需要的人無法使用。 最後一提,喺離開醫院前可以先去自助繳費機交費截數,咁就會多15分鐘走盞時間。 如果打算在養和醫院長時間逗留,不如考慮附近的誠和閣停車場。逢星期一至五都有日泊和夜泊,兼且每小時最高只是$24,泊足八小時也不需要$200。(按我導航)

天水圍醫院泊車泊邊好?

天水圍醫院本身已經有個少量車位嘅時租停車場,不過醫院泊車一定貴,第一個鐘要$20,第二個鐘更加要$30添。如果你唔介意行一兩分鐘嘅,原來佢旁邊就已經有停車場。 1. 天壇街露天停車場(按我導航)呢個爛地場正正喺天水圍醫院嘅門口,泊完車行去醫院都唔駛2分鐘,非常抵泊。時租$14 / $18,仲有日泊同夜泊。價錢詳情請參閱泊好先。 2. 天瑞商場停車場(按我導航)一般黎講上面個爛地場就好難爆滿嘅,不過泊邊好點會淨係講一個停車場咁少?行遠多兩步,天水圍醫院旁邊既天瑞邨就有停車場啦,屋村場又唔會太貴,都泊得過嘅。價錢詳情請參閱泊好先。 註: 網絡相片 #各區醫院泊好 #天水圍

伊利沙伯醫院泊車泊邊好?

伊利沙伯醫院喺佐敦、油麻地同何文田邊緣位,好難講清楚屬於邊一區;而且佢喺一個小山丘上面,附近亦無乜屋苑或大型停車場。咁如果要喺伊利沙伯醫院泊車,咁到底泊邊好呢? 1. 伊利沙伯醫院T座訪客停車場(按我導航)最近當然泊番伊利沙伯醫院停車場啦,貴就一定貴,如果趕住去同埋要停得近就無計,幾貴都要泊一泊。但係記住要泊衛理道入口嗰個T座停車場先係24小時開放。價錢係首一小時,每半小時$15;第二小時,每半小時$20;之後再累進地增加泊車費用,所以唔再講。 2. 香港政府華員會停車場(按我導航)唔係太多人知道香港政府華員會都係對外開放,時租$16 / $18,價錢詳情請參閱泊好先。不過對方當然有需要時唔開放畀非會員泊車,同埋佢放開時間好有限,大約係中午12時至晚上7時。但係唔緊要,可以再睇下一個。 3. 南華體育會京士柏停車場(按我導航)想比醫院平少少就去對面泊南華會網球場,時租$20,非會員都泊得。價錢詳情請參閱泊好先。 4. 愛民廣場停車場(按我導航)呢個係坊間比較少人講,同時google map亦唔會教你行地膽先會行既路。駛入愛民廣場停車場後,駛去向右轉既時租泊車區,泊好車後可以去返行車路,然後過對面馬路,再按google map導航步行至愛民邨德民樓地下(G/F)平台。到達地下平台後,不遠處會見到行人天橋橫跨公主道,穿過天橋後沿衛理道向佐敦方向行,或者按google map導航步行。由泊好車步行至伊利沙伯醫院,正常步程約15分鐘。愛民廣場日泊$95 / $110,價錢詳情請參閱泊好先。 考慮得泊喺愛民廣場,就必定係想日泊。如果真係嫌愛民廣場太遠又上又落,咁就唯有考慮附近佐敦既德興地獄,如果擔心技術不佳,咁就不如考慮吓泊愛民廣場好過。 5. 京士柏運動場停車場(按我導航)雖然呢個停車場近過又平過愛民,但係由於佢既不確定性比較大,所以我地放喺最低既推介名單。呢個停車場係由香港欖球總會管理,開放時間係朝09:00至晚上10:30,唔好過鐘呀,佢講明過夜貴到癲。時租$15,日泊$75。唔好諗住睇落好著數,由於當佢有私人活動/球賽等等既時候,停車場會暫停開放畀公眾,所以泊唔泊到要講彩數。亦都有可能係你朝早泊完,下午揸唔走,要等完晒球賽先走得。價錢詳情請參閱泊好先。(註:疫情期間,停車場暫不對外開放) 其餘熱門泊邊好文章: 東涌泊車泊邊好?D2 Place滿晒附近泊車泊邊好?港外線碼頭搭船去離島玩泊車泊邊好?全港Donki尋寶地圖 #全港醫院泊邊好

威爾斯親王醫院泊車泊邊好?

1. 威爾斯親王醫院停車場(按我導航)又係嗰句,要近就實係貴。首一小時,$20;第二小時,$30;之後再加。 2. 圓洲角綜合大樓停車場(按我導航)想平少少,泊對面馬路既圓洲角綜合大樓停車場就啱晒喇,首兩小時,每半小時$8 / $10。價錢詳情請參閱泊好先。 3. 愉田苑停車場(按我導航)如果你需要日泊的話,就要考慮行遠少少既愉田苑停車場,日泊$85。價錢詳情請參閱泊好先。 4. 愉翠商場停車場(按我導航)穩陣啲,比多一個場大家選擇,愉翠商場停車場係領展場,所以有12/24小時泊,佢入面仲有兩座停車場,夠晒多位。價錢詳情請參閱泊好先。

瑪嘉烈醫院泊車泊邊好?

1. 瑪嘉烈醫院訪客停車場最方便當然係泊番醫院本身個停車場,不過只得15個泊車位,同埋收費係累增計算。首小時每半小時$12;第二小時每半時$18。真係好趕急先泊啦。 2. 清麗商場 / 清麗苑(按我導航)步行至醫院行人隧道口約5分鐘,房委會場又出名夠平 (一小時 $17),仲有日泊同24小時泊。價錢詳情請參閱泊好先。 3. 荔灣花園(按我導航)比多個後備你,行遠少少約8分鐘就會到達荔灣花園,唔算太貴,一樣有日泊。價錢詳情請參閱泊好先。 當然,有啲人會選擇泊美孚轉90P小巴上去嘅。不過美孚新邨4期同7期停車場都要$30一個鐘。睇你想行幾步定轉小巴到門口喇。 #各區醫院泊邊好

其他受歡迎的資訊