第一次揸車北上好緊張？唔知大陸揸車係點？唔識點過關？今次一文教晒你。

📝 教學文章正文

一、必帶文件清單（缺一不可！）

1. 香港身份證
2. 港澳居民來往內地通行證（回鄉證）
3. 香港正式駕駛執照
4. 內地機動車駕駛許可證（用12123Apps電子本都可以）
   
5. 內地電子臨時入境車牌 (於港車北上管理服務系統下載並列印出來)
6. 車輛登記文件（牌簿副本）
7. 「港車北上」保險單副本（須涵蓋內地交強險）
8. 港車北上申請批准信 (電子本或打印出來都可以)

✅ 貼士：至少提前1天在「港車北上」系統預約出行！

二、香港→內地關口流程（以港珠澳大橋為例）

📍 香港出境步驟：

1. 駛入「香港居民」專用通道（綠底白字標示）
2. 停車 → 出示全車人員證件 (司機連乘客無需落車)
3. 再向前駛幾步 → 停車 → 海關會問你有冇野要申報 (例如煙油等違禁品)
4.  顯示屏寫住 "海關手續完成"，就可以走得

呢段路開始已經係用左軚方式駕駛，所以左手邊係快線、右手邊係慢線。呢一段唔好心急，長期有影快相，時速50，留意留意！！

去到收費站，如果你本身有香港既Autotoll就可以行自動，否則要行人工。人工通道收現金、信用咭(Visa, Master Card)、支付寶、微信都可以。當然，最方便係做我地會員，就可以去我地珠海既4S店免費代辦ETC機，ETC機依家有插咭版同新版無咭版以供選擇。因為除咗港珠澳大橋呢個收費站係方便港車喺右邊收費之外，上到大陸既所有高速都係左手邊收費，咁你右軚車就要落車先比到錢，好麻煩。

跟住人行你又行，就會去到大陸入境廳，首先係落客區，除咗10歲以下、或者70歲以上既乘客，其餘乘客必須落車，沿扶手梯上去入境大堂過關。入境大堂有分人工同自助閘機，呢個情況等同你羅湖 / 香園圍過關一樣。過關後就係上客區，上番你屋企人部車就得。
司機 (以及上面所講既小朋友及長者) 先經過海關檢查站，有跟車乘客既記住行最左手邊既通道，否則你見到邊條隊少車就邊條。打開車窗及車尾箱準備檢查。

然後過自助閘機，記住係任何一條都可以用，你轉左轉右都得，唔好停喺度等你面前嗰條，塞住後面。

📍 進入內地入境廳：

1. 駛至內地查驗區，全車人下車辦理手續
2. 海關查車
3. 司機過自助閘機 (掃回鄉證、打指膜同人面識別)
4. 留意前面屏幕，寫住 "邊檢放行，請通行"，就可以去上客區接番你屋企人。如果寫住 "請往查驗場"，就轉左去查驗場照X光。人生總有一兩次照X光既情況，係好正常，唔使緊張。
5. 出關時，一部車跟一部車，去到感應器位置請有咁慢得咁慢，佢認到你部車之後就會開閘。

⏱️ 全程耗時：非高峰時段約20-40分鐘

三、內地駕駛6大生存守則

1. 「右側行駛」切記轉向！
   

   • 進入內地後立即切換右舵，轉彎時多確認路標

2. 嚴格遵守限速
   

   • 高速公路：時速100-120公里（超速20%即扣分！）
   • 市區：一般限速60公里，學校區30公里

3. 手機導航必備
   

   • 推薦使用 高德地圖，實時提示電子眼位置

4. 警惕「加塞」文化
   

   • 交叉口預留車距，遇強行切入勿搶道（易生碰撞！）

5. 停車認準正規場
   

   • 路邊黃線禁停！用 微信小程式「捷停車」 找車位/支付

6. 應急處理SOP
   

   • 事故立即報警122 → 交警到場後會即場話你知你贏定輸 → 輸既就聯絡保險公司 → 拍照存證
   •   (如果你係泊邊好/港車薈會員的話，我地係有《你炒車我善後》服務，咁就唔怕比人呃，由我地幫你追對方你既維修費，如果需要訂原廠零件，又或者維修超過30日，我地會幫你報埋珠海交警延長你既逼留期。)

⚠️ 致命禁忌：酒駕（刑責！）、斑馬線不讓行人（扣3分）、亂開遠光燈。

四、電動車充電全攻略

1. 必備轉換裝備

• ✅ 國標轉接頭：香港CC2 Combo歐標接口 → 大陸GB/T國標接口 (我地有售)
• ❌ 特斯拉車主注意：大陸既Tesla Supercharge只適用於Model S及Model X，並配置原廠轉插先用到。其餘Model 3及Model Y車主不能使用Tesla Supercharge。
• 預先登記定兩大充電必用 微信小程序：＂驛充電＂同＂順易充＂，綁定你部車同你既微信號，方便充電時掃碼充電。
• 由於大陸既停車場小程式唔支援香港車牌，所以你係做唔到輸入車牌免泊車費既優惠。但係大陸泊車幾蚊一個鐘就算啦。

五、中港駕駛差異生死對照表