又一個維港既主題區開放喇，今次到位於銅鑼灣既《活力避風塘主題區》。位置黎講大家都好熟架喇，就係喺wtc more世貿中心對出既維多利亞港，即係原本怡和午炮既地方。所以交通都算方便，玩完仲可以去銅鑼灣行陣街先走。 《活力避風塘主題區》面積約10,900平方米，長約715米，係繼灣仔《水上運動及康樂主題區》之後，另一個採用無欄杆既梯級式沿岸設計。呢度提供一條長約90米既海岸堤階，令公眾同海面距離拉近。大家就可以無隔地欣賞避風塘同維港日落景緻。 灣仔就有水上單車踩，咁呢度又有咩娛樂設施呢？就係有嘩啦嘩啦 Walla-Walla歷史文化遊喇。主題區將會重現三艘昔日既經典船《嘩啦嘩啦》，比市民穿梭避風塘，體驗箇中既獨有文化。你仲可以登上全港唯一既水上三角天后平安堂內參觀，亦可以參水上市集同放祈願水燈。係咪好好玩呢？整個船程45分鐘，收費同預約就去呢個網睇啦。網址：CORAL SEA FERRY (coralseaferryservice.com.hk) 揸車既朋友可以參考以下地圖泊車，最近既當然會係wtc more停車場，又可以用The Point積分換泊車。如果你係信和會員或者有信和電動車優惠既朋友，泊旁邊既信和中心都係好選擇。 至於你想保證一定有位既，就要揀柏寧酒店停車場喇，提提你，呢個場用Wil積分換泊車就最抵，同一時間可以換多過一個鐘架。 註：相片來自香港政府網站 #區區泊邊好 #銅鑼灣 #各區公園泊邊好

今集內容集中講佐敦道廟街一帶嘅泊車介紹。如果你想知油麻地多層停車場嗰邊嘅泊車介紹，請參閱油麻地泊車泊邊好。 時租日泊佐敦本木(Arbour)$22 (一至四)$26 (五至日)$140 (08:00-17:59)$70 (20:00-07:59)寶來大廈停車場(德興街伊利地獄)$21 (18:00前)$27 (18:00後)$21 (星期日全日)$130 (08:00-17:59)要先向職員講明日泊彌敦道238號停車場$30N/A寶輝閣$29 (一至四及日)$36 (五及六)$140 (08:00-18:59)日泊只限星期一至五$80 (21:00-07:59)渡華路威信露天$14$90 (08:00-17:59)$90 (18:00-07:59童軍中心停車場$29 (11:00-19:59)$27 (其餘時間)$27 (星期日全日)$150 (24泊) 1. 佐敦本木Arbour（按我導航）四星地獄場！！以後去恒豐中心一帶，唔駛再考慮伊利地獄，喺德成街呢度開咗個新場。不過泊邊好都評佢為四星地獄，原因係要入車Lift，部Lift仲有夠窄，得2.1米闊同2.4米高，未達到五星地獄嘅原因係佢頭入頭出，已經容易過新興大廈要用尾入頭出。出入車直接泊八達通就可以開Lift同比錢。如果自問唔敢收鏡行直線嘅話請直接跳去下面彌敦道238號停車場。 2. 寶來大廈停車場 (德興街伊利地獄)（按我導航）馳名五星地獄場！！好多人都話，寧願抄牌都唔會入伊利地獄。拿，講明先，我真係成日泊嘅，我覺得無問題，車位仲好闊，係上落通道嚇人啲。不過因為拍攝嘅原故去過香港唔同嘅地獄場，我反而覺得呢個容易。至少佢係明買明賣，唔會陰濕。時租黎講，全佐敦最平係佢，特別係星期日。泊唔泊就閣下考慮吓喇，不過第一次入地獄前請先睇片，特別係出場，唔係咁易全身而退架。《泊邊好YouTube Channel》 3....

雖然D2 Place本身已經有3個停車場，逢星期六日同紅日仲開放埋羅氏商業廣場停車場比你做埋免費泊車優惠，不過車位依然係供不應求。唔介意個免費泊車優惠（反正市集消費又唔可以做免費泊車既）又唔介意行遠幾步既，荔枝角周圍咁多工商廈點會無位？一齊黎睇啦！ 1. 長沙灣道909號停車場呢個新開既場遠就遠少少咁多，不過佢係全荔枝角最平，無之一。星期日同紅日時租只需$10！雖然要入車Lift，不過部Lift好似貨櫃咁大，出入完全無難度。（按我導航） 2. 華創中心 Cre Centre我順住條長順街講啦，方便大家睇落去。華創中心無下一個介紹既億利咁平，但係個場正常好多，$23一個鐘。仲有，佢依家出咗個星期六日嘅日泊優惠，朝十至晚十只需$100！擺到明係比喺D2 Place市集擺檔嘅朋友用。（按我導航） 3. 億利工業大廈停車場工廈場唔要求得咁多，又黑又濕污污糟糟咁。勝在近。$23一個鐘。（按我導航） 4. 長沙灣廣場基本上去得荔枝角總有人會介紹長沙灣廣場比你。老牌場，位多唔算貴，係上落車道窄啲。無信心既可以泊地庫。$22一個鐘仲有日泊。（按我導航） 5. 西頓中心停車場喺正長沙灣廣場對面，仲要平少少添，逢星期六日及紅日只需$20，車位都算正常，泊到上五樓仲有好多單邊位泊。（按我導航） 6. 億京廣場及億京廣場二期停車場原本想介紹定豐中心，不過見億京中心可以一開二，打少幾隻字。如果你順住行車方向入長順街的話，係會先經過億京廣場二期，之後下一棟大廈就係億京廣場。二期星期日及假期既日泊貴億京廣場$5。（按我導航至億京廣場二期） 想知道更多泊邊好既介紹，可以去泊邊好facebook Page話比我哋聽，我哋會搵比你睇。 #D2 Place #荔枝角 #最新市集

本文主要去Yoho Mall為中心介紹附近既停車場，如需要了解元朗體育館 / 元朗劇院 泊車泊邊好？，請按此。如需要了解元朗大馬路附近泊車泊邊好？，請按此。 時租(閒日/六日)日泊Yoho Mall$18/$24NIL交通廣場$26/$32$105(只適用於一至五09:00-18:00)元龍停車場$15/$25NIL裕時爛地$12/$14(最低消費2小時)$60(07:00-18:59)耀文爛地$12$60(07:00-18:59) Yoho Mall 停車場（按我導航至Yoho Mall 1 / 按我導航至Yoho Mall 2 ）Yoho Mall 設有免費泊車優惠，又有2期一共3個停車場。所以車位超多，不過大時大節都可以爆滿。所以Yoho Mall 旗下既交通廣場都開放埋共用免費泊車優惠，仲有免費穿梭巴士添。下面再講。 交通廣場停車場 （按我導航）時租計佢真係幾貴，不過依家可以用埋Yoho Mall既免費泊車優惠，都可以泊吓既。而逢星期六日，每15分鐘仲有免費穿梭巴士來回交通廣場同Yoho Mall，腳骨力都可以慳番。 元龍停車場 ...