spot_img

九龍東

九龍東最新活動推廣

九龍東泊車優惠

泊邊好

深水埗泊車泊邊好

深水埗違泊多塞車多,就算你想比錢入停車場,都地獄到你唔想泊。本文會教大家喺深水埗既黃金高登一帶為中心點,去介紹泊車泊邊好。如果你係想去以下地方既請參閱另文介紹: 西九龍裁判法院泊車泊邊好?南昌公園泊車泊邊好? 時租日泊金必多大廈$30 / $34NIL石硤尾邨$18$90The Campton$28$160長沙灣政府合署$30 / $40$130 (六、日)西九龍中心$25NIL麗安邨$24 / $25$125 1. 金必多大廈 (按我導航) 3星地獄場,價錢貴,加上元州街長期塞車。其實都無乜理由會泊佢,除咗近高登。 2. 石硤尾邨 (按我導航) 如果你唔介意穿條隧道行8分鐘的話,泊過黎石硤尾邨係最平嘅。仲有日泊添。不過,有日泊既場缺點就係排長龍好難等。啲車唔走。所以要泊就最啲黎,11點前要入場。 3. The Campton (按我導航) 呢個新場絕對係呢一區依家既首選,雖然價錢貴過西九龍中心$3,但係呢度又闊又多位。仲有中速充電器同Tesla Wall...

山頂纜車站泊車泊邊好?

平時去山頂行下玩下,都習慣左直接揸車上山頂,然後泊山頂廣場,完全享受揸車既便利。 不過,你又有幾耐無搭過纜車上山頂?而家可以趁住唔駛同遊客爭,再次感受坐山頂纜車45度角上山既感覺。 金鐘山頂纜車站附近只有數個2小時錶位,如果等得耐山頂纜車或者打算喺山頂坐底食野,一般兩小時並唔足夠。唔想冒$320牛肉乾風險,可以考慮泊喺以下推介停車場。 1. 花園道三號停車場 (按我導航)首選係花園道三號停車場,係位置最近金鐘山頂纜車站既停車場,要注意係佢平日包括星期六時租$29,但係星期日及公眾假期只收$16,詳細價錢請參閱泊好先。所以如果你打算坐山頂纜車兼想泊喺花園道三號停車場的話,就記得星期日先去。 2. 長江集團中心停車場 (按我導航)長江集團中心停車場理論上遠過花園道三號停車場,不過距離大概只係2分鐘路程。如果你好鍾意享受免費泊車優惠,又或者安排唔到星期日去的話,咁就必須要考慮泊喺長江集團中心停車場。星期六、日及公眾假期,喺長江集團中心裡面既CKC消費購物滿$200可享3小時免費泊車優惠,滿$500更可享6小時免費泊車優惠,加上CKC裡面有間food le parc超級市場(簡單黎講係Fusion)消費$200拎3小時免費泊車優惠抵到爛,就算需要額外泊車錢,都只係每小時$30。停車場資料請參閱泊好先。 如果你係一個精明既消費者,可以吼到每月8,18,28去長江集團中心停車場泊車兼喺food le parc消費購物,憑Moneyback易賞錢消費滿$300更可享82折優惠! 當然,最後都有一種玩法,就係司機以外既同行親友坐單程纜車上山頂,然後喺山頂匯合。不過記得出發前記得用googlemap check下前往山頂廣場條山路係咪血紅色,塞爆左既話就唔駛諗泊山頂廣場了。

天水圍醫院泊車泊邊好?

天水圍醫院本身已經有個少量車位嘅時租停車場,不過醫院泊車一定貴,第一個鐘要$20,第二個鐘更加要$30添。如果你唔介意行一兩分鐘嘅,原來佢旁邊就已經有停車場。 1. 天壇街露天停車場(按我導航)呢個爛地場正正喺天水圍醫院嘅門口,泊完車行去醫院都唔駛2分鐘,非常抵泊。時租$14 / $18,仲有日泊同夜泊。價錢詳情請參閱泊好先。 2. 天瑞商場停車場(按我導航)一般黎講上面個爛地場就好難爆滿嘅,不過泊邊好點會淨係講一個停車場咁少?行遠多兩步,天水圍醫院旁邊既天瑞邨就有停車場啦,屋村場又唔會太貴,都泊得過嘅。價錢詳情請參閱泊好先。 註: 網絡相片 #各區醫院泊好 #天水圍

東岸公園主題區泊車泊邊好?

位於銅鑼灣天后興發街至屈臣道 (即係東區走廊天橋底) 之間嘅東岸公園主題區將於2021年9月25日開放。呢度有一條170米長既防波堤,仲有草地休憩空間同埋兒童遊樂設施。而最重要嘅係,呢度將會係全港島首個不設欄杆嘅斜堤。 而早前發展局搞嘅維多利亞港字型藝術裝置設計比賽亦已經有結果,得獎者就係黃鋈暉同林熹敏,佢地所創作既巨型字體藝術裝置就會喺呢個東岸公園主題區度展出,到時大家就可以去打咭喇。 東岸公園主題區泊車泊邊好? 1. 天后海景大廈停車場(按我導航)呢個場真係又近又平,泊完車行去公園都唔駛兩分鐘。而最抵嘅係,逢星期日及公眾假期,時租半價!!不過位就唔太多,仲要留匙,同埋注意呢個場星期一至日都係收八點。價錢詳情請參閱泊好先。 2. 維多利中心停車場(按我導航)就喺上面介紹嘅海景大廈停車場正對面,所以行出去東岸公園一樣咁近。呢個仲係多層停車場黎添,位就一定夠,只係價錢貴好多。不過讀者話呢個場好地獄吓,我地就未泊過,暫時評住三星地獄先,即係七人車如非必要勿入。價錢詳情請參閱泊好先。 3. 海峰園(露天)停車場 (按我導航) 想要日泊的話,可以考慮海峰園,日泊只需$120,但係記住,係泊露天嗰個,而唔係屋苑嗰個,屋苑嗰個係$160的。簡單講,去到停車場口,轉左就係露天,直去就係屋苑。價錢詳情請參閱泊好先。 最後講埋啦,屈臣道同埋威非路道都有數十個錶位的。所以你可以先輚入去威非路道經興發街同景明道入番去屈臣道睇咗錶位先。 #各區公園泊邊好 #銅鑼灣 #區區泊邊好