最新泊車優惠

香港自駕遊

親子自駕遊

嘉道理農場泊車泊邊好?

雖然嘉道埋農場已經開咗好多年,但係嘉道理農場至今依然係帶小朋友去認識動植物既好地方。 除咗動植物之外,呢度一花一草一擺設,只要你搵啱角度的話,就可以影到靚相。 去嘉道理農場泊車泊邊好? 1. 嘉道理農場停車場(按我導航)呢度有7個免費車位比遊客使用,不過要預先上網預約。 2. 錦上路站停車場(按我導航)如果以距離同泊車價錢黎講,我就會介紹大家泊錦上路站停車場,再轉64K巴士過黎。巴士車程20分鐘。錦上路站停車場車位多,價錢平,仲有日泊。去完嘉道理農場,順手行埋錦上路跳蚤市場就啱啱好。 3. 太和商場停車場(按我導航)如果由市區入黎既朋友,可以泊喺太和商場停車場,轉乘64K巴士去嘉道理農場,巴士車程約16分鐘。記住係泊太和B停車場,因為B停車場近巴士站,加上車位較多。而乘搭64K巴士時,記得上下車都要拍八達通咭以獲得短途優惠。落車前,行番去車頭上車既位置拍同一部八達通機就可以。

下白泥/鴨仔坑睇日落自駕遊

個個都話去下白泥,唔通我又去下白泥咩?啱呀!好多人都以為自己去咗下白泥,其實佢只係去咗中白泥既鴨仔坑咋。今集自駕遊帶大家去晒中白泥同下白泥,仲會教你泊車泊邊好添。 鴨仔坑士多 呢間係鴨仔坑士多,呢度最出名就係佢既木屋群,又有野食,仲可以泊車。日泊$30。另外,佢附近既鴨仔灣海灘係聲稱睇日落最靚既地方。 講番泊車,呢度自設停車場,泊好車之後,行去士多度比錢就可以。(按我導航) 下白泥 如果你真係想去下白泥的話,由鴨仔坑士多出發,步行前往下白泥村村公所約22分鐘。咁下白泥又有乜野特別呢?呢度有下白泥55號碉堡,有慈航佛恩堂,仲有下白泥鴨仔灣沙灘。係呀,又係叫鴨仔灣,不過正式黎講呢度先算係下白泥。 如果你想影石頭堤壩同埋上兩張相既木魚排的話,其實你係要去下白泥。如果你只係想搵個向西既地方影日落,帶埋寵物或者小朋友放下電既,去鴨仔坑就方便的,有野食有車泊。 下白泥無正式既停車位置,一般駕車人士會泊喺下白泥鴨仔坑沙灘邊。記住以唔好影響村民及其他人為大原則。泊街請留電話。

寵物自駕遊

「毛孩大笪地」新年寵物市集

各位喜愛毛孩大笪地嘅朋友,2021年終於可以同大家碰面喇! 今次依然會可以做一個集寵物市集、草地派對、貓狗領養及動物相關講座/工作坊於一身的活動。新一年,疫情依然嚴峻,希望各位係市集與毛孩開心玩樂之餘亦可以做好防疫措施。 所以毛孩大笪地會有以下措施,以控制進場人數及做防疫進踪用途:量體溫、進場前請先消毒搓手、展示預先登記的QR Code。 貓及狗領養活動,只接受預約登記,WALK IN視現場位置而定,強烈建議先網上登記。 1. 進場採用預先登記,請計劃到場人士,於以下網址登記,及於進場時展示QR Code。網址: https://www.elchkhkyti.com/event-details/mao-hai-da-da-de-da-bu-liu-xiang-shi-ji-yu-xian-deng-ji-ru-chang-1 2. 參與市集及貓貓領養的請於以下連結登記:https://www.elchkhkyti.com/event-details/mao-hai-da-da-de-da-bu-liu-xiang-shi-ji-mao-mao-ling-yang-yu-xian-deng-ji-ru-chang 3. . 參與市集及狗狗領養的請於以下連結登記:https://www.elchkhkyti.com/event-details/mao-hai-da-da-de-da-bu-liu-xiang-shi-ji-gou-gou-ling-yang-yu-xian-deng-ji-ru-chang 「毛孩大笪地」新年寵物市集泊車泊邊好?寶湖花園停車場(按我導航)

新城市廣場「寵物同樂園」

新城市廣場開咗個全新既「寵物同樂園」,等你可以帶埋你既貓貓狗狗去玩。 貓奴實知呢啲貓柱貓屋啦,但係全場好似得呢一條,周圍又無網又欄。似乎帶貓貓去有啲麻煩。 帶狗仔去就啱晒喇,地方夠晒大, 又有斜台。而帶得寵物去,梗係揸車最方面啦。去寵物同樂園泊車泊邊好? 正常計就梗係泊番入新城市廣場啦,消費仲有免費泊車優惠添。詳情請參閱泊邊好新城市廣場專頁。

泊邊好Youtube頻道

最受歡迎活動及優惠