最新泊車優惠

香港自駕遊

親子自駕遊

鴨脷洲風之塔公園泊車泊邊好?

風之塔公園雖然開咗十多年,但係佢位於香港仔避風塘南邊,景靚又可以順手坐街渡去香港仔,都係幾有趣嘅體驗黎,特別係喺市區成長嘅小朋友,依家搭船嘅機會都唔多,莫講話街渡添。 呢度有個細細嘅遊樂場,但係黎得呢度都唔係為咗佢,有就算啦。 再行過少少有呢個表演場地,疫情前都好多地區活動搞嘅,依家就當櫈坐啦。 呢度仲有個室內嘅常設展覽,介紹造船業嘅歷史,免費入場架! 終於講到戲肉,風之塔。可惜依家因為要興建電梯而暫時封閉。等我為大家介紹吓佢先啦,佢係一座真係可以畀你行上去既觀景台,高10米。外形就好似一艘傳統漁船。行上觀景台就可以望晒成個香港仔避風塘景色。而呢座塔有個特色就係佢有個會因為當時風速而變色嘅電子指示燈,當風速超過一定速度時就會禁止遊人上塔。而最勁嘅係,呢個電子指示燈係用太陽能發電嘅。十年前黎講好勁架喇。 香港仔 - 鴨脷洲街渡 喺風之塔公園旁邊,你會見到呢個〝碼頭〞,就可以搭街渡去對面岸嘅香港仔海傍。船程唔駛5分鐘,船費只需$2.5咋!如果香港仔塞車或者停車場無位,泊過黎鴨脷洲再轉街渡過去香港仔,計番都有著數丫。 鴨脷洲風之塔公園泊車泊邊好? 1. 鴨脷洲海濱長廊停車場(按我導航)最近又最平就梗係爛地停車場啦,呢個場都幾唔起眼,無乜招牌,你去到仲以為係街市嘅上落貨區。價錢詳情請參閱泊好先。 2. 悅海華庭停車場(按我導航)唔想部車晒就泊室內場啦,都係好近碼頭,仲有日泊同24小時泊。泊完去香港仔嘅朋友就一流。價錢詳情請參閱泊好先。 #南區 #其他泊邊好文章 #公園

「Home Sweet Woof! @SummerFest 2021」寵物 x 親子市集嘉年華

中環海濱活動空間喺2021年7月29日至8月6日舉辦為期9日嘅「Home Sweet Woof! Festival」,重係SummerFest《中環夏誌》2021整個活動嘅壓軸節目添! 《中環夏誌》首個「寵物」x「家庭」嘉年華,可以參加基礎犬隻訓練、孩子與毛孩初體驗、大人同小朋友都啱玩既手工藝手作坊及遊戲,仲有健康生活資訊嘅分享活動,又或者行吓寵物、家庭及手作品既愛家市集,行到攰仲有寵物鮮食、特色小食、手工啤酒等消暑飲品比一家大細同狗狗一齊嘆添!休息完又可以同狗狗入喪玩區大玩特玩,仲有狗狗降溫區俾狗狗沖身架!所以好歡迎大家帶埋狗狗一齊嚟㗎!最~最~最~重要嘅係免費入場添! 「Home Sweet Woof! @SummerFest 2021」寵物 x 親子市集嘉年華日期:2021年7月29日至8月6日地點:中環海濱活動空間 (香港中環龍和道9號)泊車好介紹:天星碼頭停車場、大會堂停車場,如果都無位嘅話,就唯有泊IFC 2期啦 #中上環 #寵物自駕遊 #親子自駕遊

寵物自駕遊

愛犬‧美術館@北角匯

提到寵物友善空間,大概只想起狗公園?然而除了「放電」,狗狗也可以跟主人一起欣賞藝術!!《美國獸醫協會期刊》的文獻指出,狗狗不是色盲的,只是牠們看到的顏色沒有人類般豐富多彩。而根據著名心理學家Stanley Coren 對犬隻的研究,狗狗智商相等於2歲半幼童。具國際認可資格的香港專業訓犬師Eddie Choi亦認同,狗隻天生有一定的認知與學習能力,只需悉心栽培,汪星人也可有藝術情操! 然而,香港很多藝術館也標上「請勿攜犬入內」,主人想跟愛寵一起逛美術館是夢想嗎?而即使愛犬能進入藝術場所,展出的藝術品對牠們而言又具視覺效果、感官體驗與觀賞價值嗎? 為宣揚狗狗與主人之間的愛和陪伴,北角匯於7月5日至8月31日帶來全港首個屬於狗狗的當代藝術館-- 《愛犬‧美術館》,邀得美國現代藝術家蜜雪兒.凱克 (Michel Keck) 舉行其亞洲首展,50隻不同品種的狗狗在Michel的創作下成為了原始抽象畫的主角,作品分佈於商場1至3期的多個專區內,歡迎主人陪伴愛犬前來找回毛孩所屬品種,來個最萌、最有愛的「相認」! 當中位於 2 期的專區更打造出不一樣的寵物犬友善空間 –「狗狗互動藝術體驗館」。館方在諮詢有關犬隻行為科學、安全與空間設計的各方意見下,讓狗狗從視覺、聽覺和觸覺3大感官探索藝術,在指定範圍內,狗狗更可直接「踩場」 -- 歡迎牠們走出寵物車/ 寵物袋,在主人引領下四腳著地暢遊藝術館,除了平面畫作,更設多組立體藝術裝置,讓主人發掘牠們的藝術天份!人寵共享藝術,全港只此一家! 愛犬‧美術館日期:7月5日至8月31日時間:10:30am-9:20pm地點:北角匯1期及2期 #北角匯免費泊車優惠 #北角 #寵物自駕遊

狗狗夏日玩樂展@亞洲國際博覽館

全港首屆大型夏日室內「狗狗夏日玩樂展」將於8月13至15日,在亞洲國際博覽館Arena舉行,集購物、玩樂、親子、慈善於一身,讓主人、愛犬和喜歡狗狗的朋友,可以在清涼舒適環境下盡情周末「放電」。 是次玩樂展整體以夏威夷熱帶風情為裝飾主題,佔地約11,000平方米,集合超過100個參展攤位,包括眾多業界知名品牌,為主人提供多元化的一站式購物平台。 與一般寵物展不同,是次嘉年華特設多個大型娛樂設施,例如全港首個人狗共玩巨型充氣迷宮、人造沙池、夏威夷主題打卡區、3D立體影相區等。 適逢香港愛護動物協會成立100週年,本次「狗狗夏日玩樂展」亦是其重點慶祝活動之一。鳳凰展翼將活動部分收益撥捐唯一受惠機構愛協,携手一眾主人與愛犬同心做善事。 狗狗夏日玩樂展泊車泊邊好?因應亞洲國際博覽館地處機場範圍之內,根據《機場管理局附例》(第483A章)「須使動物受到管束」的相關規定,所以駕車人士需將車輛停泊於航天城露天停車場(按我導航)。主辦方亦特別安排航天城停車場至會場亞洲國際博覽館Arena之免費狗隻友好巴士循環線,路程約10分鐘,每隔15分鐘一班車。攜帶愛犬的主人如駕車前往亞洲國際博覽館,須轉乘此穿梭巴士,不可自行牽犬步行前往會場。 #離島 #寵物自駕遊

泊邊好Youtube頻道

立即Like泊邊好Facebook Page

最受歡迎活動及優惠