荔枝角

荔枝角最新活動推廣

荔枝角區泊車優惠

D2 Place滿晒附近泊車泊邊好?

雖然D2 Place本身已經有3個停車場,逢星期六日同紅日仲開放埋羅氏商業廣場停車場比你做埋免費泊車優惠,不過車位依然係供不應求。唔介意個免費泊車優惠(反正市集消費又唔可以做免費泊車既)又唔介意行遠幾步既,荔枝角周圍咁多工商廈點會無位?一齊黎睇啦! 1. 長沙灣道909號停車場呢個新開既場遠就遠少少咁多,不過佢係全荔枝角最平,無之一。星期日同紅日時租只需$10!雖然要入車Lift,不過部Lift好似貨櫃咁大,出入完全無難度。價錢請參閱泊好先。(按我導航) 2. 華創中心 Cre Centre我順住條長順街講啦,方便大家睇落去。華創中心無下一個介紹既億利咁平,但係個場正常好多,$23一個鐘。仲有,佢依家出咗個星期六日嘅日泊優惠,朝十至晚十只需$100!擺到明係比喺D2 Place市集擺檔嘅朋友用。價錢請參閱泊好先。(按我導航) 3. 億利工業大廈停車場工廈場唔要求得咁多,又黑又濕污污糟糟咁。勝在近同唔算貴。$20一個鐘。價錢請參閱泊好先。(按我導航) 4. 長沙灣廣場基本上去得荔枝角總有人會介紹長沙灣廣場比你。老牌場,位多唔算貴,係上落車道窄啲。無信心既可以泊地庫。$22一個鐘仲有日泊。價錢請參閱泊好先。(按我導航) 5. 西頓中心停車場喺正長沙灣廣場對面,仲要平少少添,逢星期六日及紅日只需$18,車位都算正常,泊到上五樓仲有好多單邊位泊,價錢請參閱泊好先。(按我導航) 6. 億京廣場及億京廣場二期停車場原本想介紹定豐中心,不過見億京中心可以一開二,打少幾隻字。如果你順住行車方向入長順街的話,係會先經過億京廣場二期,之後下一棟大廈就係億京廣場。二期貴億京廣場$2,但係二期每日6點後就$17一個鐘。價錢請參閱泊好先億京廣場二期,泊好先億京廣場。(按我導航至億京廣場二期) 想知道更多泊邊好既介紹,可以去泊邊好facebook Page話比我哋聽,我哋會搵比你睇。 #D2 Place #荔枝角 #最新市集

D2 Place免費泊車優惠

最低消費金額免費泊車時數$3002小時$5003小時 可否夾單:可(最多2張,指定商戶)電子消費:不需要 註:以上泊車優惠,同時適用於停泊在D2 Place ONE、D2 Place TWO及荔枝角道822號停車場。D2 Place ONE及D2 Place TWO停車場都需要留匙。 由2021年2月開始,羅氏商業廣場停車場都可以享有以上D2 Place免費泊車優惠。不過,只適用於週末及公眾假期。啱晒唔介意行遠少少,但係又想攞泊車優惠既你。

泊邊好

嘉道理農場泊車泊邊好?

雖然嘉道埋農場已經開咗好多年,但係嘉道理農場至今依然係帶小朋友去認識動植物既好地方。 除咗動植物之外,呢度一花一草一擺設,只要你搵啱角度的話,就可以影到靚相。 去嘉道理農場泊車泊邊好? 1. 嘉道理農場停車場(按我導航)呢度有7個免費車位比遊客使用,不過要預先上網預約。 2. 錦上路站停車場(按我導航)如果以距離同泊車價錢黎講,我就會介紹大家泊錦上路站停車場,再轉64K巴士過黎。巴士車程20分鐘。錦上路站停車場車位多,價錢平,仲有日泊。去完嘉道理農場,順手行埋錦上路跳蚤市場就啱啱好。 3. 太和商場停車場(按我導航)如果由市區入黎既朋友,可以泊喺太和商場停車場,轉乘64K巴士去嘉道理農場,巴士車程約16分鐘。記住係泊太和B停車場,因為B停車場近巴士站,加上車位較多。而乘搭64K巴士時,記得上下車都要拍八達通咭以獲得短途優惠。落車前,行番去車頭上車既位置拍同一部八達通機就可以。 #大埔 #泊邊好 #親子自駕遊 #遊樂自駕遊 其餘熱門泊邊好文章:東涌泊車泊邊好?D2 Place滿晒附近泊車泊邊好?港外線碼頭搭船去離島玩泊車泊邊好?全港Donki尋寶地圖海洋公園泊車泊邊好The Wave / 觀塘工業區 泊車泊邊好?

將軍澳公園 / 香港單車館公園泊車泊邊好?

香港單車館公園位於將軍澳寶康路105-107號,佔地約5.3公頃。園內有廣闊嘅草坪和人工湖,仲可以畀你放搖控船添,呢度景觀優美。公園另設有多項康體設施,包括極限運動場、露天劇場、緩跑徑、運動攀登牆、兒童遊樂場,長者健體園地等等,唔少得嘅當然係喺單車館外租單車踩去海濱甚至係康城啦。 呢黎介紹呢個大草地夠晒畀小朋友跑跑跳跳。 仲有呢個都幾大嘅兒童遊樂場。 呢度有得租單車,同用Apps租嗰啲比就一定係貴喇架喇。但係話晒都係dup頭車,用shimano波箱、碟剎。好似離咗題添。 將軍澳公園 / 香港單車館公園泊車泊邊好? 將軍澳運動場停車場(按我導航)最近就當然泊番佢旁邊個運動場停車場啦,不過都幾貴星期六$12 / 星期日$18 係半小時唔係一小時呀!所以想平就過條天橋,去下面介紹嘅尚德停車場喇。而將軍澳運動場停車場收費請參閱泊好先。 TKO Spot停車場(按我導航)TKO Spot即係尚德商場嘅新名。我知大家實會問點解唔介紹香港單車館停車場,明明又近又平。啱呀,佢真係平,但係因為佢太平,假日收費竟然十蚊都唔駛。咁所以你都無謂浪費時間去排,入面大把車係當月租咁泊。講番TKO Spot,想去將軍澳公園記得係泊去 A停車場同埋泊到上三樓,一出就見到條天橋,對面就係將軍澳公園。時租收費$20 / $23;仲有12/24小時泊。價錢詳情請參閱泊好先。 東港城 East Point City停車場(按我導航)位置距離計,南豐廣場同連理街都近過東港城。不過東港城車位足又平過晒其餘周邊嘅停車場,反正將軍澳係天橋之城,泊完車穿條天橋就去到南豐,咁梗係泊東港城啦,另外東港城仲可以用The Point積分換領免費泊車。時租收費$15 / $18。價錢詳情請參閱泊好先。 #香港各大公園 #親子自駕遊...

鴨脷洲洪聖古廟泊車泊邊好?

相較於灣仔鬧市裡的洪聖古廟,鴨脷洲的這座古廟則像是小社區裡的廟宇,而且至今仍然處於沿海的位置。走進這個香港島南面的小島參訪古廟,時間彷彿變慢了,令人不自覺的把心也沉靜下來。 鴨脷洲洪聖古廟有240多年歷史,主要供奉海神洪聖。每年的洪聖爺誕是鴨脷洲的年度盛事,大批居民會準備各類祭品酬謝神恩,同時一連數日舉行大型賀誕活動,包括會景巡遊、傳統龍舟拜廟和神功戲等,熱鬧萬分。 洪聖古廟經過數次整修,如今列為香港法定古蹟。 鴨脷洲洪聖古廟泊車泊邊好? 1. 鴨脷洲海濱長廊停車場(按我導航)價錢詳情請參閱泊好先。 2. 悅海華庭停車場(按我導航)價錢詳情請參閱泊好先。 #南區 #其他泊邊好文章 #廟宇 相片取自網絡

Golden Scene Cinema 高先電影院 泊車泊邊好?

高先電影院都開咗幾個月,但係原來好多人都仲未知間戲院喺邊,亦唔熟嗰頭邊度有得泊車。咁泊邊好當然要幫吓你啦,不過你要有心理準備,堅尼地城多地獄場喎。 首先講咗地址先,高先電影院位置係堅尼地城吉席街2號。簡單講就係吉席街同北街嘅街口。電話係+852 2151 1226。 1. 美暉大廈停車場(按我導航)美暉大廈停車場算正正常常,位置算近又唔太貴。時租$18 / $20,好多年都無加過價喇。價錢詳情請參閱泊好先。 2. 海怡花園停車場(按我導航)其實心水清嘅朋友就會知道吉席街2號咪就係海怡花園囉,而海怡花園自己都有停車場,做乜唔介紹咗先?因為海怡花園停車場收費較貴,$22一小時,另外就係佢嘅地獄指數達4粒星。上落車道超窄,仲要勁多柱,入到去好似去咗竹林深處咁,車位又窄,聞說有啲位你睇到但係唔會泊到,有啲位泊到落唔到車。你想挑戰吓嘅可以一戰,如果無興趣挑戰嘅等睇泊邊好YouTube Channel嘅區區泊邊好節目內等小編去挑戰啦。價錢詳情請參閱泊好先。 3. 堅尼地城停車場(按我導航)亦即係有啲人叫佢做〝士美菲路市政大廈停車場〞。呢度係全堅尼地城最多位最正常嘅場仲要係政府場添,所以都幾經常爆滿,時租收費$13,相當抵泊。但係可能地區問題啦,加上政府場都係少許窄架喇,不過勝在夠光猛同啲位睇到就一定泊到咁滯,所以都非常值得大家一試,可惜去睇戲就遠咗少少,當行街啦。價錢詳情請參閱泊好先。 其餘熱門泊邊好文章:大嶼山自駕遊泊車泊邊好?D2 Place滿晒附近泊車泊邊好?港外線碼頭搭船去離島玩泊車泊邊好?全港Donki尋寶地圖海洋公園泊車泊邊好The Wave / 觀塘工業區 泊車泊邊好?