荔枝角

荔枝角最新活動推廣

荔枝角區泊車優惠

CGV Cinemas D2 Place 免費泊車優惠

最低消費金額免費泊車時數$3002小時$5003小時 可否夾單:可(最多2張,指定商戶)電子消費:不需要 註:以上泊車優惠,同時適用於停泊在D2 Place ONE、D2 Place TWO及荔枝角道822號停車場。而D2 Place ONE及D2 Place TWO停車場都需要留匙。 #D2 Place #睇戲泊邊好

D2 Place滿晒附近泊車泊邊好?

雖然D2 Place本身已經有3個停車場,逢星期六日同紅日仲開放埋羅氏商業廣場停車場比你做埋免費泊車優惠,不過車位依然係供不應求。唔介意個免費泊車優惠(反正市集消費又唔可以做免費泊車既)又唔介意行遠幾步既,荔枝角周圍咁多工商廈點會無位?一齊黎睇啦! 1. 長沙灣道909號停車場呢個新開既場遠就遠少少咁多,不過佢係全荔枝角最平,無之一。星期日同紅日時租只需$10!雖然要入車Lift,不過部Lift好似貨櫃咁大,出入完全無難度。價錢請參閱泊好先。(按我導航) 2. 華創中心 Cre Centre我順住條長順街講啦,方便大家睇落去。華創中心無下一個介紹既億利咁平,但係個場正常好多,$23一個鐘。仲有,佢依家出咗個星期六日嘅日泊優惠,朝十至晚十只需$100!擺到明係比喺D2 Place市集擺檔嘅朋友用。價錢請參閱泊好先。(按我導航) 3. 億利工業大廈停車場工廈場唔要求得咁多,又黑又濕污污糟糟咁。勝在近同唔算貴。$20一個鐘。價錢請參閱泊好先。(按我導航) 4. 長沙灣廣場基本上去得荔枝角總有人會介紹長沙灣廣場比你。老牌場,位多唔算貴,係上落車道窄啲。無信心既可以泊地庫。$22一個鐘仲有日泊。價錢請參閱泊好先。(按我導航) 5. 西頓中心停車場喺正長沙灣廣場對面,仲要平少少添,逢星期六日及紅日只需$18,車位都算正常,泊到上五樓仲有好多單邊位泊,價錢請參閱泊好先。(按我導航) 6. 億京廣場及億京廣場二期停車場原本想介紹定豐中心,不過見億京中心可以一開二,打少幾隻字。如果你順住行車方向入長順街的話,係會先經過億京廣場二期,之後下一棟大廈就係億京廣場。二期貴億京廣場$2,但係二期每日6點後就$17一個鐘。價錢請參閱泊好先億京廣場二期,泊好先億京廣場。(按我導航至億京廣場二期) 想知道更多泊邊好既介紹,可以去泊邊好facebook Page話比我哋聽,我哋會搵比你睇。 #D2 Place #荔枝角 #最新市集

D2 Place免費泊車優惠

最低消費金額免費泊車時數$3002小時$5003小時 可否夾單:可(最多2張,指定商戶)電子消費:不需要 註:以上泊車優惠,同時適用於停泊在D2 Place ONE、D2 Place TWO及荔枝角道822號停車場。而D2 Place ONE及D2 Place TWO停車場都需要留匙。 即日起憑以下指定停車場之即日泊車票或泊車收據,並於商場一期或二期指定商戶即日消費滿HK$200(以一張機印發票計算),便可於商場一期或二期顧客服務處免費換領The Barn HK$20現金券乙張。 適用停車場包括:羅氏商業廣場、長沙灣廣場、西頓中心及定豐中心 註:記得只限一張發票,不可夾單。另外喺以上停車場拍八達通入車時記得拎飛!無飛無優惠架!雖然嗰$20咁多謝...... 另外,由於D2 Place三個停車場都比較細及各有缺點,泊邊好為大家準備咗D2 Place滿晒附近泊車泊邊好?嘅文章,當中有一個附近嘅停車場時租只需$10,又有個停車場有日泊,啱晒去市集嘅朋友。 #D2 Place #荔枝角

泊邊好

中環Donki驚安之殿堂泊車泊邊好?

中環泊車貴就係人都知,咁如果你想去中環DON DON Donki的話泊邊度最平呢?今次等我地帶你由最平到最近咁介紹你聽! 1. 香港站停車場(按我導航)要平就遠少少架喇,不過其實你可以穿IFC到恒生銀行同舊中環街市條天橋直達100QRC,雨都唔駛淋其實係唔錯。時租原本係$37一小時(請參閱泊好先)。但係如果你識玩泊車轉乘的話,只需$19一小時咋!!玩法好簡單,當你泊車之後,安心去Donki行街,返黎時先於中環站拍八達通入閘扮搭車,然後於香港站出閘,港鐵會收你大約$4車資。然後你就可以直接攞車拍八達通出車,無需做任何登記。就可以享有$19一小時優惠喇。咩話?你想連$3.8都慳?好啦,行兩步平多兩蚊好無?當你去Donki前或後,去近大館對出半山自動扶手梯行人天橋既港鐵優惠站,拍一拍八達通減$2,之後安心去行街食飯,攞車前先至去香港站玩入閘出閘。就可以減多$2,淨係比大約$2港鐵賺。 2. IFC2期(按我導航)唔想咁麻煩又唔想咁貴,咁就直接泊入IFC啦,時租$28(請參閱泊好先)。同上文講既一樣,穿過天橋直達100QRC。 3. 中環中心(按我導航)如果講最近既停車場,一定係中環中心或者萬宜大廈,中環中心時租$38;萬宜大廈每半小時$20。表面上萬宜大廈貴啲,但係佢可以用半個鐘計無咁傷。中環中心就多位啲,星期六日好闊落。如果你打算速戰速決,買啲野就上車的話,直接入中環中心唔好諗。 4. 萬宜大廈(按我導航) 中環Donki驚安之殿堂地址:香港中環皇后大道中100號LG及地庫 未咁快完,去得中環你應該會去埋大館或者PMQ之類掛?所以你可以睇埋泊邊好為你推介既:大館泊車泊邊好?同埋 PMQ泊車泊邊好? #全港Donki泊邊好 #其他泊邊好文章 #中上環

香港濕地公園泊車 及 屏山天水圍公共圖書館 天水圍親子文青一天遊

香港濕地公園停車場車位少,就算開放埋後備停車場都好,都成日爆滿又行得遠。官方教大家泊遠少少去附近既屋苑停車場。但係泊車後究竟係搭一個站輕鐵好定行路好?一家大細。如果要搭輕鐵,不如泊遠少少串埋做天水圍親子文青一天遊啦。 香港濕地公園 香港濕地公園擁有佔地1萬平方米的室內訪客中心和60公頃的濕地保護區。訪客中心設有主題展覽廊、放映室、禮品店、餐廳及室內遊戲區。展覽廊展示濕地在生物多樣性、文明發展和自然保育的重要性。 濕地保護區包括人造濕地和為水鳥而重建的生境。座落保護區的濕地探索中心讓遊客親身體驗濕地生趣。其他設施包括溪畔漫遊徑、演替之路、紅樹林浮橋和三間觀鳥屋則引領遊客走進不同的生境。 香港濕地公園的建築及園景設計享譽國際,榮獲本地及海外專業團體所頒發的多項大奬,包括香港建築師學會、英國園境師學會及美國城市土地學會。於2013年,公園更被全港市民選為21世紀香港十大傑出工程項目之一。 香港濕地公園開放時間:星期一至日 上午10時至下午5時 (逢星期二休館,公眾假期除外)收費: 標準票$30;優惠票$15停車場時租:$8 一小時(按我導航) 如果香港濕地公園停車場爆滿,可選擇以下鄰近停車場: 1. 俊宏軒停車場(按我導航)俊宏軒停車場,時租價錢超平只需$13,車位又多。一般都好少會滿。價錢詳情請參閱泊好先。 2. Wetland Seasons Park 停車場(按我導航)暫時只開放與居民及訪客使用,大家當參考住先。停車場專員Jong-un Kim報料,原來Wetland Seasons Park停車場已經開咗,時租價錢$16,不過車位唔多。但係勝在近,泊完車行去入口都唔駛5分鐘。連Google Map都未有。 3. 天水圍天業路露天停車場(按我導航)露天場一定夠晒平$10,仲有日泊。距離同濕地公園本身個後備停車場差唔多咁遠,預行10分鐘左右。價錢詳情請參閱泊好先。 屏山天水圍公共圖書館 屏山天水圍公共圖書館係全港第二大嘅圖書館。面積達6100平方米。除此之外,佢仲係全港第一間設有戶外閱讀環境的公共圖書館,即係你可以拎埋啲書出去圖書館不同樓層嘅室外花園坐低睇書。呢個感覺係其他圖書館比唔到你架。 屏山天水圍公共圖書館位於天水圍西鐵站旁邊,而圖書館旁設有大型露天停車場。 屏山千葉停車場(按我導航)屏山千葉停車場喺圖書館旁邊,露天場一定平$10,仲有大量車位唔驚會爆。價錢詳情請參閱泊好先。如果你打算去濕地公園的話,其實可以考慮泊車喺呢度,再行3分鐘去天水圍西鐵站底下既輕鐵站搭705號綫直達濕地公園站,車程14分鐘。咁就可以連埋屏山天水圍公共圖書館一齊玩,一日內動同靜都玩齊晒。 最後,泊邊好為你介紹天水圍屏山附近嘅食肆比大家參考,滿足埋你個胃:一糖甜品尋找肉餅的故事 – 屏山老地方 #元朗 #天水圍 #香港各大公園泊車熱點 #搵食自駕遊 #親子自駕遊 註:部份相片取自濕地公園官方網站及網上相片

嗇色園黃大仙祠(黃大仙廟)泊車泊邊好?

來香港拜拜,怎麼能不找大名鼎鼎的黃大仙呢?聽說大仙「有求必應」,籤文靈驗,所以終年香火鼎盛,前來求籤問卜的善信和旅客絡繹不絕。如果有興趣,還可以求支籤請大仙指點迷津。 供奉黃大仙的嗇色園黃大仙祠是香港數一數二的著名廟宇。這裡崇奉儒、釋、道三教,除了黃大仙,還同時供奉觀音菩薩、孔子等,三教融合是一大特色。拜拜之餘,不妨遊覽古色古香的建築與庭園,看看特別的「五形」建築佈局,祠中的飛鸞台、經堂、玉液池、盂香亭及照壁,分別代表了「金、木、水、火、土」五行。 每年除夕夜,這裡可熱鬧了。眾多善信會在黃大仙祠外排隊爭相「搶頭香」,希望求得一年好運氣,年年盛況空前,是香港別具特色的賀歲習俗。 嗇色園黃大仙祠泊車泊邊好? 1. 黃大仙公共運輸總站停車場(按我導航)大型露天停車場,車位都算多,價錢又平,仲有日泊同夜泊。所以夜晚黎泊車搶頭柱香都無問題。價錢詳情請參閱泊好先。 2. 黃大仙中心北館停車場(按我導航)距離黎講,同上面介紹嘅露天停車場差唔多。可以叫做一左一右咁包圍黃大仙祠。唯一問題係車位唔太多,平時都好多人黎泊車行商場,所以撞正好日就難上加難。價錢就一定貴過露天架喇,不過以領展商場計叫正常價,廿蚊多啲咁。當然有免費泊車優惠同24小時泊等等。價錢詳情請參閱泊好先。 #黃大仙 #其他泊邊好文章 #廟宇 註:相片取自網絡

PMQ泊車泊邊好?

好多人以為,上到半山PMQ附近,遠離商場又無商廈就一定無停車場。其實仲有住宅停車場比你揀架!今日為你介紹兩個最近PMQ既停車場。 1. 聚賢居(按我導航)最近PMQ,步行唔駛2分鐘,又唔算貴得好過份。時租$38(請參閱泊好先),同中環中心一樣。所以你泊中環中心行上黎都係咁多錢,泊聚賢居算啦。 2. 荷李活華庭(按我導航)比聚賢居遠少少咁多,步行都係5分鐘內,但係收費平啲$17半小時(請參閱泊好先)。 去得PMQ,點會咁早走呀?不如去埋:中環Donki驚安之殿堂泊車泊邊好?同埋大館泊車泊邊好?