淘大Donki預計喺今年12月就開喇，一如以往第一件事當然要睇定泊邊好先啦。淘大商場停車場本身都爆爆地，開埋Donki真係不得了。 時租日泊淘大商場$25日泊已取消$70 (21:00-07:59)彩頤居$17 / $19$95 / $120 (至同日午夜23:59)彩霞邨$22嘉和園$16 / $20$90 / $120 (08:00-17:59)得寶花園(牛下新城)$22 / $25$105 / $125 (08:00-17:59) 1. 淘大商場  (按我導航)如果有位的話，當然直接泊入淘大花園停車場，未去過嘅朋友要留意。入面好似個迷宮咁，你可以不停橋過橋，再上上落落去唔同既區泊車。唯一要留意，停車場入口在彩霞道而不是牛頭角道。泊車優惠方面，詳情請去泊邊好淘大商場專頁。 2. 彩頤居  (按我導航) 彩頤居停車場外人未必熟，但係需要玩日泊嘅朋友就會識佢，因為佢嘅日泊係呢區最平同最夜。不過對外車位極少，泊車後沿長樓梯落去就係淘大商場，非常近。但係調番轉，行上樓梯當然會比較吃力。 3. 彩霞邨...

香港站泊車轉乘優惠，適用於星期一至日。詳情如下： 1. 轉乘MTR港綫綫 時租：$19 註1：出入停車場之間，同一張八達通不可以使用超過9次。註2：識得玩既朋友，可以香港站入閘，步行去中環站出閘，同樣等於搭車轉乘。 2. 轉乘機場快綫 時租：$10 24泊：$105 / 每天 (最少要泊2天，最多泊14天)(以入車起計，每24小時為單位) 註：逢星期日及假期，香港站設有日泊優惠，只需$110，就可以由朝早8時泊至晚上8時，此乃正常優惠，無需使用泊車轉乘大法。 懂得使用泊車轉乘優惠，去海洋公園，去離島，去愉景灣，甚至係去中環街市及Donki等，都非常方便快快捷，沿IFC行人天橋可四通八達，比區內停車場時租收費平一半。 #區區泊邊好 #泊車轉乘

本文主要介紹閒日返工朋友既時租同日泊需要，及假日市民前往megabox既後備停車場選擇。如需了解E-Max九龍灣國際展貿中心泊邊好的話，請按此。如需了解郵輪碼頭泊車泊邊好的話，請按此。如需了解兒童醫院泊車泊邊好的話，請按此。 megabox至常悅道之間 一至五時租六日時租一至五日泊megabox$21$24NIL一號九龍$18$16NIL國際交易中心$21$21$158（至17:59）富臨中心$23$23$140（至23:59）業安工業大廈------其士商業中心$22$22NIL明輝停車場$20$20$80(07:30-18:30) 如果你係去megabox至常悅道之間返工見客等等。要朝早9點前先可能會有車位。否則只可以揀megabox或者其士商業中心。11點打後一號九龍及國際交易中心會有少量吉位出現，要睇彩數。而富通中心因為佢係全東九龍最大Tesla V3超充站，所以長期爆滿，我自己返工都無位呀。我自己有時會搏吓業安工業大廈時租，偶有吉位。室內場仲要平過附近既商廈。（註：2022年9月起，業安工業大廈取消時租，應該等拆） 至於日泊既朋友，泊邊好搵到個隱世停車場比你，就係明輝停車場 (即是三湘九龍灣貨運中心)，不過缺點係泊天台露天同要留匙。記得地下最前嗰個更亭比咗錢講日泊先好上天台，上到天台有人會招呼你。唔想留匙或者想泊室內既朋友可以考慮富臨中心，唔算太遠，日泊仲要去到夜晚12點，OT埋都唔驚。 假日想去megabox又唔想排停車場的話，可以泊企業廣場3期，同樣可以享有megabox免費泊車優惠，不過企業廣場3期既時租係露天兼唔太多位。想必然有位既可以考慮一號九龍或國際交易中心。 常悅道至美羅中心之間 一至五時租六日時租一至五日泊Centre Parc$24$24$160(至17:59)The Eastmark$22$20$160(至18:59）九龍灣運動場$8$12NIL創豪坊$22$22（六）$14（日）$150(至17:59)高銀金融國際中心$20$20$145（至23:59）九展 E-Max$20$20NIL 常悅道至美羅中心之間，停車場就好多，但係全部長期都FULL，特別係九巴廠附近。好彩有個長期有位既創豪坊可以幫吓手，至於美羅就麻煩啲，附近長滿，加上美羅同開達都貴都痴線。所以如果唔介意搭車Lift同留匙的話，可以泊The Eastmark（即大渣哥個場），否則過條隧道泊九龍灣運動場好過，$8一個鐘我諗大家都唔會有異議。不過The Eastmark個日泊算係咁，起碼可以泊到晚上7點。九龍灣好多場都只係去到6點，收6點既朋友完全用唔著。 至於億京中心至消防局之間，有位既選擇只有九龍灣國際展貿中心以及高銀金融國際中心。 註：相片取材自Wpcpey@Wiki #區區泊邊好 #九龍灣

西九龍裁判法院位於通州街501號，呢度仲設有小額錢債審裁處同埋調解中心。不過一講到泊車就好麻煩，今日教大家西九龍裁判法院泊車泊邊好： 1. 南昌薈停車場（按我導航）南昌薈係典型屋村多層停車場，超多位，不過車位就窄啲，泊到上最高就無死，反正有Lift唔駛行。佢仲有12/24小時泊，如果你預算要搞全日既就啱晒，例如近期既國安法案件，吓吓都搞通宵咁滯。雖然睇地圖佢同西九龍裁判法院只係一街之隔。但係缺點係停車場嘅升降機係位於南昌薈商場旁邊，所以行喺上黎係一頭一尾，差唔多係由南昌站行去法院咁。價錢詳情請參閱泊好先。佢個停車場入口喺條村最入嗰個位，你由欽州街西入去西村路行到尾就會見到下面個閘，入閘之後直行就會見到多層停車場，直接上到最頂啦。 2. 東京街錶位（按我導航）講真，最近西九龍裁判法院而合法泊車嘅地方，正正係東京街錶位。雖然呢度啲車多數快黎快走，我都試過無數試有位泊，但係始終得6個位，上庭又唔可以遲到。所以我一般路過有就有，無就泊下一個介紹嘅停車場。記得要入錶同唔好違泊，每日12點左右會抄一轉。 3. 麗翠苑停車場（按我導航）除咗東京街錶位之外，我最常泊既停車場就係開既麗翠苑。可能你會問點解南昌薈近咁多唔泊要泊到黎麗翠苑？上面講咗，我一般由東京街西直落睇吓有冇錶位先算，以前無麗翠苑就麻煩好多，要兜好大個圈先去得番南昌薈，依家一條直路就簡單得多，所以無錶位就直入麗翠苑，上庭記住唔好遲到。時租$18，無日泊，價錢詳情請參閱泊好先。 4. 海達邨停車場 （按我導航） 依家多咗人識泊麗翠苑，所以已經好難有位泊。好彩新開既海達邨停車場開咗喇。海達邨即係英華書院同V Walk既對面，遲下一定FULL到七彩，暫時無乜人知就要好好理用。房署場，時租公價$18，但係兩小時後變咗$36，泊得耐要諗諗。 #區區泊邊好