我知平時係可以直接揸車上山，所以呢篇文係講封路嘅日子泊車泊邊好嘅。 又當然，我都知我哋嘅讀者咁醒，泊大本型、鯉魚門廣場或者高翔苑轉巴士14S甚至行上山呢啲我地唔駛介紹啦。 又調番轉，泊都會駅之後沿新路行番上山嘛。我知大家都知，但係都會駅又無免費泊車優惠，仲成日無位講黎做乜丫，梗係講啲你無諗到嘅泊車地點啦。 1. 翠善街露天停車場（按我導航）距離計，呢個露天場最近將軍澳華人永遠墳場將軍澳呢邊嘅入口，泊完車行幾步就到。入口如下圖，喺維景灣畔旁邊。提提大家，唔好比Google地圖呃到你，以為你可以由藍塘傲嗰邊行番過黎。我可以答你係唔得嘅，雖然條唐賢街喺正呢個入口嘅旁邊。但係你見到呢道閘就估到因為管理嘅問題，所以唔會有中間位比你入。講番翠善街露天停車場先，時租$12無乜吸引，但係佢日泊只需$50，真係拜完山再去PopCorn附近食埋個晏先走都仲得。價錢詳情請參閱泊好先。 2. 調景嶺體育館停車場（按我導航）如果你唔想泊爛地，無問題，正對面就有呢個調景嶺體育館停車場比你泊。咁體育館就少啲位架喇，不過就有半小時計，每半小時$5 / $8。價錢詳情請參閱泊好先。 3. Park Central 將軍澳中心停車場（按我導航）唔係整估你，將軍澳中心做緊個超抵嘅限時泊車優惠，就係$1泊5小時免費泊車優惠！！你無睇錯，理論上真係$1，又真係可以泊5個鐘，詳情請睇泊邊好嘅介紹文。優惠做到2021年8月31日。泊車之後，入番商場，穿過下面條天橋去番調景嶺體育館，過馬路去番維景灣畔就係。而考慮泊呢個場嘅朋友多數都係為咗免費泊車優惠或者想用The Point積分換泊車。價錢詳情請參閱泊好先。 其餘熱門泊邊好文章：東涌泊車泊邊好？D2 Place滿晒附近泊車泊邊好？港外線碼頭搭船去離島玩泊車泊邊好？全港Donki尋寶地圖海洋公園泊車泊邊好The Wave / 觀塘工業區 泊車泊邊好？

香港都有恐龍主題既公園？無錯，仲要係康文署轄下既公園，即係常設都有恐龍既兒童遊樂場。 坪石遊樂場的兒童遊樂場以遠古恐龍時代為主題，大量仿古化石與圖騰裝飾，並且設有許多如滑梯、山洞等設施，令小朋友置身恐龍歷險感覺，所以很受小朋友歡迎，係放電既好地方。而喺咁多個玩樂設施當中，最特別是其中一個攀爬架附設油壓升降機，小朋友踏在升降台上會慢慢降下，非常有趣，是大人小朋友必玩設施之一。 1. 坪石遊樂場停車場（按我導航）少數公園停車場但可以泊室內場，喺正坪石遊樂場停車場門口，距離遊樂場大約3分鐘路程。玩玩返想返車補給都十分方便，而且價錢又唔貴(周末首兩小時$6/半小時，隨後$9/小時)。 2. 彩興苑停車場（按我導航）假如坪石遊樂場停車場滿晒，咁就要兜返出去彩興苑停車場。好在唔係距離好遠，完全係可接受程度(周末每小時$18)。

荔枝角公園位於深水埗西，東為美孚一期，南接葵涌貨櫃碼頭路，西靠荔景山道，北則為荔灣道，交通四通八達，市民可乘地鐵、西鐵及巴士前往。荔枝角公園分為三期建造，總面積達17.65公頃，園內提供多項康體設施，而鄰近配套設施則有荔枝角公園游泳池、體育館及圖書館。 荔枝角公園隨咗可以帶小朋友黎玩之外，佢仲有寵物區可以帶埋你嘅毛孩黎活動吓。另外潮流興賞花，荔枝角公園仲係香港花卉展覽既其中一個展區添，仲唔夠特別嘅話，櫻花特別喇掛？依家唔駛去日本，喺荔枝角公園就可以睇到富士櫻喇。 依家睇咗相先，最尾會教大家泊車，仲要喺美孚搵到個$15一小時又唔駛行餐死既場。 睇完櫻花，去埋荔枝角公園內嘅嶺南之風就可以玩吓穿越喇。「嶺南之風」是一個中式公園，於二零零零年十一月十一日正式開放給市民遊覽，每日的開放時間為上午七時正至下午十一時正。由於公園位處九龍荔枝角的填海區，而荔枝又是嶺南名果，故以傳統嶺南風格造園。全園面積達12500平方米，水景面積約為2600平方米，佔全園面積約百分之二十。 整個公園分為十個景區，園內的建築物皆環繞著中央水池向外伸延，以院落迴廊為布局。其建築藝術也是採用嶺南風格，如陶塑、瓦作、灰塑、石雕和木砌等，而假山石則以英德太湖石為主。此外，園內掛有多副對聯，撰聯人有梁啟超、劉華東、李文田、康有為等。公園由東門至橋廊屋檐，均綴以彩色光纖燈飾，令園景在月夜下更添嫵媚。園的內外廣植樹木，綠樹成蔭；此外，更有精緻的盆景擺設，供遊人欣賞。好多古裝劇喺嶺南之風呢度取影架。 荔枝角公園 / 嶺南之風泊車泊邊好？ 荔枝角公園好大，由泳池開始去到寶輪街 (九巴廠)， 所以有好多個入口亦有好多個泊車點比你揀。不過一定唔會泊入去美孚新村入面嘅停車場，因為全部都時租$30以上。 1. 荔枝角公園停車場（按我導航）雖然呢個停車場叫做荔枝角公園停車場，不過佢其實位於泳池同室內運動場嗰邊。同你真係要賞花既西鐵站有少少距離。加上價錢又唔見得平又少位，時租每半小時要$12以上。如果唔介意行幾步既朋友可以直接睇下一個介紹。價錢詳情請參閱泊好先。 2. 盈暉薈停車場（按我導航）盈暉薈即係以前黑暗中對話嗰個商場，時租$18起，仲有日泊。價錢詳情請參閱泊好先。 3. 寶輪街露天停車場（按我導航）一開始已經同大家講咗，荔枝角公園有好多個入口，所以如果你唔好諗埋一邊，反方向由寶輪街出發的話，就會有新發現！呢個寶輪街露天停車場平時時租只需$17(最低消費2小時)，除咗巴士廠旁邊嗰個$15之外，應該算全美孚最平，仲要唔駛行咁滯，一泊好車行番出對面馬路就係荔枝角公園 (嶺南之風) 既寶輪街入口。價錢詳情請參閱泊好先。 #公園 #荔枝角 #熱門泊車地方介紹 #最新活動 #最新市集

大家行西隧時有冇見到西區副食品批發市場外面有個公園好大好靚呢？呢個就係去年新開嘅中西區海濱長廊喇，而呢一部份係稱為西區副食品批發市場段。呢一段嘅公園係畀小朋友放電用嘅，如果你想帶寵物去玩的話就要去中環段 (2022年4月21日起已開放俾寵物喇)。睇吓下面嘅相，呢個公園嘅設計係用番海濱黎做主題，好睇又好玩。 呢度分咗４段，由兒童遊樂場開始計係第１段，下圖見到嘅就係第３段。過咗第４段之後會去到另一個相連嘅公園。 係咪好想玩哆啦A夢入面嘅大水管呢？香港都有得玩喇！呢度就係豐物道海濱休憩用地喇，又稱「捐山窿」公園。一場黎到海濱長廊梗係過黎玩埋個大水管啦。 中西區海濱長廊 (西區副食品批發市場段) / 豐物道海濱休憩用地（「捐山窿」公園）開放時間：24小時開放 中西區海濱長廊 (西區副食品批發市場段) 泊車泊邊好？ 香港商業中心停車場（按我導航）如果你係想去遊樂場嗰邊嘅，距離計最近係泊香港商業中心。泊完車沿電車廠方向經紅綠燈行幾分鐘就到中西區海濱長廊。香港商業中心呢度有一田超市，方便你玩完順手買餸返屋企。黎一田購物仲有免費泊車優惠，詳情請參閱泊邊好香港商業中心專頁。入車前記得睇清楚係第一個停車場，上面中間紅色寫住〝香港商業中心〞嗰個先係呀。 中山紀念公園體育館停車場（按我導航）如果你係想去「捐山窿」公園，即係豐物道海濱休憩用地的話，泊中山紀念公園呢邊就會近好多。當中，中山紀念公園體育館停車場最抵泊，時租$10。價錢詳情請參閱泊好先。 中山紀念公園停車場（按我導航）其實喺上面講嘅中山紀念公園體育館停車場旁邊，不過價錢就貴好多，要$14 / $26。價錢詳情請參閱泊好先。