spot_img

天水圍

天水圍最新活動推廣

天水圍區免費泊車

泊邊好

愉景灣 / 愉景灣酒店泊車泊邊好?

大家都知愉景灣唔可以直接揸車入去,所以一係搭巴士一係搭船入去。不過你又知唔知泊邊度轉車去愉景灣/ 愉景灣酒店最方便最抵呢?一齊睇落去啦! 1. 欣澳露天停車場(按我導航)設有時租及日泊,大量車位,價錢平。於欣澳泊車後,可到旁邊的欣澳巴士總站轉乘愉景灣巴士區外線DB03R號前往愉景灣廣場,或轉乘DB03P前往愉景(北)商業中心或愉景灣酒店。《收費詳情》。 2.  IFC2期(按我導航)近近地唔想咁麻煩,就直接泊入IFC啦,時租$28(請參閱泊好先)。之後沿CitySupery旁邊條天橋去3號碼頭轉船去愉景灣。 到達愉景灣後,需轉乘愉景灣區內巴士4號線前往愉景(北)商業中心或愉景灣酒店。 function vacancy(parkid){ fetch("https://resource.data.one.gov.hk/td/carpark/vacancy_"+parkid+".json") .then(function(response) { return response.json(); ...

上環文娛中心 | 上環市政大廈泊車泊邊好?

時租日泊夜泊蘇杭街69號停車場$30N/AN/A信德中心停車場$28N/AN/A林士街停車場$23$180$65 1. 蘇杭街69號停車場 (按我導航) 雖然佢係叫蘇杭街,但係停車場入口喺畢街。價錢大家都睇到係最貴嘅一個,但係距離上環文娛中心係最近。時租$30。 2. 信德中心停車場 (按我導航) 老牌停車場,大家泊慣泊熟。時租$28,如果你想平就要行多幾步泊林士街,下面再介紹。 3. 林士街停車場 (按我導航)無論你想平,定係想要日泊或夜泊。林士街都係呢區嘅不二之選。由於價錢太多變化,請按《收費詳情》慢慢參詳。 #中上環 #區區泊邊好

車公廟 / 車公誕市場年宵泊車泊邊好?

經過不停既彈出又彈入之後,大家今年終於有乾貨年宵喇!不過得一個,就係位於大圍沙田翠田街足球場原本既車公誕市場喇。開放日期係由2021年2月9日至26日,共設32個乾貨攤檔,營運時間與車公廟開放時間相同(朝八晚六)。 去車公誕市場泊車泊邊好?1. 新翠商場(新翠邨)距離計最近車公廟,不過價錢係本文中最貴,車位仲要偏窄。永遠都係越近就越貴($22/$26)。(按我導航) 2. 車公廟體育館如果以前就會介紹大家泊秦石邨,但係去年開咗車公廟體育館之後,當然去泊新場啦,平啲仲近啲。($8/$15 半小時計)(按我導航) 3. 金獅花園越遠就越平,所以金獅花園係最平(一至日都係$14),同新翠比金獅花園車位正常好多。(按我導航) 想知其他常去地方泊車泊邊好?例如紅館泊邊好?會展泊邊好?Donki泊邊好?請即去《區區泊邊好》搵答案啦。有專人幫你格晒價,有街景仲有導航添。 #區區泊邊好 #沙田 #廟宇

Golden Scene Cinema 高先電影院 泊車泊邊好?

高先電影院都開咗幾個月,但係原來好多人都仲未知間戲院喺邊,亦唔熟嗰頭邊度有得泊車。咁泊邊好當然要幫吓你啦,不過你要有心理準備,堅尼地城多地獄場喎。 首先講咗地址先,高先電影院位置係堅尼地城吉席街2號。簡單講就係吉席街同北街嘅街口。電話係+852 2151 1226。 1. 美暉大廈停車場(按我導航)美暉大廈停車場算正正常常,位置算近又唔太貴。時租$18 / $20,星期一至五仲有日泊。呢度好多年都無加過價喇。《收費詳情》 2. 海怡花園停車場(按我導航)其實心水清嘅朋友就會知道吉席街2號咪就係海怡花園囉,而海怡花園自己都有停車場,做乜唔介紹咗先?因為海怡花園停車場收費較貴,$23一小時,另外就係佢嘅地獄指數達4粒星。上落車道超窄,仲要勁多柱,入到去好似去咗竹林深處咁,車位又窄,聞說有啲位你睇到但係唔會泊到,有啲位泊到落唔到車。你想挑戰吓嘅可以一戰,如果無興趣挑戰嘅請睇泊邊好YouTube Channel嘅 地獄遊記 - 海怡花園。《收費詳情》 3. 堅尼地城停車場(按我導航)亦即係有啲人叫佢做〝士美菲路市政大廈停車場〞。呢度係全堅尼地城最多位最正常嘅場仲要係政府場添,所以都幾經常爆滿,時租收費$13,相當抵泊。但係可能地區問題啦,加上政府場都係少許窄架喇,不過勝在夠光猛同啲位睇到就一定泊到咁滯,所以都非常值得大家一試,可惜去睇戲就遠咗少少,當行街啦。《收費詳情》 其餘熱門泊邊好文章:大嶼山自駕遊泊車泊邊好?D2 Place滿晒附近泊車泊邊好?港外線碼頭搭船去離島玩泊車泊邊好?全港Donki尋寶地圖海洋公園泊車泊邊好The Wave / 觀塘工業區 泊車泊邊好?