spot_img

將軍澳

將軍澳最新活動推廣

將軍澳區免費泊車

泊邊好

屯門DONKI驚安之殿堂泊車泊邊好?

大家喺各大Facebook Page都見到屯門Donki已於7月20日開幕,仲要係全港最大嘅Donki添喎,呢間仲有屋台區、情熱價格區同埋日本物產區添。 講番地址先:屯門市廣場1期UG/F 001-023號鋪營業時間:上午8時至凌晨1時 屯門市廣場 (即係人稱屯門市中心) 既好處係佢本身已經有3個停車場,再加埋佢周圍嘅相連商場同屋苑數埋都有9個停車場咁滯,不過假日依然係大排長龍。所以今日就介紹幾個附近嘅停車場比區外朋友參考。屯門牛可以無視呢篇文章,你懂的。 1. 屯門市廣場 (按我導航至3期停車場)屯門市廣場雖然有3個停車場,不過一般都係用1期同3期兩個,2期就忘記佢啦。但係無論閒日定假日都好滿吓。另外要提提大家既係,呢個場係出晒名攞泊車優惠麻Q煩嘅。星期六日及公眾假期如果你想攞免費泊車優惠的話,你一定要泊3期停車場先有。但係你睇吓下面張地圖,3期其實係另外一座建築物黎,泊完車要行番去屯門市廣場的,當然,可能商場知道自己多人泊車想做分流掛。 另外屯門市廣場於7月20日至9月30日推出一個屯門市廣場 x DON DON DONKI 愈夜愈想買 免費泊車優惠,想夜晚10點後先去Donki嘅朋友可以睇睇。 詳細價錢請參閱泊好先。 2. 屯門栢麗廣場停車場 (按我導航)屯門柏麗廣場係一個多層停車場,所以優點係價錢平車位特多,缺點當然係相對嘅要兜好多層先有位。不過我好推薦大家泊呢個,因為多數有位之餘佢又唔係話行好遠,佢喺正屯門大會堂旁邊,由平台行番去屯門市廣場都係5分鐘內嘅事。時租$16/22,算好合理架喇,詳細價錢請參閱泊好先。 3. 屯門政府合署停車場 (按我導航)一提到政府合署停車場,大家就知道一定平到笑。無錯,閒日夜晚7點後時租只需$5,仲平過入錶。佢位於上面介紹既栢麗廣場停車場前少少,所以你可以睇咗呢個有冇位先,冇先去柏麗都未遲,詳細價錢請參閱泊好先。 4. 新都大廈停車場 (按我導航)拿‧我都講咗屯門牛可以無視呢篇文章架啦。我知你實話有幾個近好多嘅停車場例如華都花園停車場、屯門時代廣場停車場同埋錦薈坊停車場做乜唔介紹丫嘛?呢幾個場長期無位,介紹區外人黎只會齊齊塞死屯隆街屯順街。所以區外人黎得行街,都唔介紹泊遠少少咁多,順手參觀埋華道大道同埋英皇戲院架?所以最近而又最有可能有位嘅最後一個選擇就係新都大廈喇(即係英皇戲院所在嘅商場)。詳細價錢請參閱泊好先。 5. 屯門仁政街露天停車場 (按我導航)其實我覺得上面介紹嘅栢麗廣場停車場已經算無敵,咁多層咁多位都好少真係FULL到排唔到隊嘅。不過有人問屯門有冇爛地場喎?咁就等我哋介紹埋呢個終極嘅爛地場俾大家。佢係喺城‧點嘅後面嘅天橋底。泊呢度行入屯門市廣場唔駛30秒,穿天橋底行入去就係,所以都好近。不過個停車場入口就隱蔽左少少,區外人未必熟呢頭。詳細價錢請參閱泊好先。

東岸公園主題區泊車泊邊好?

位於銅鑼灣天后興發街至屈臣道 (即係東區走廊天橋底) 之間嘅東岸公園主題區將於2021年9月25日開放。呢度有一條170米長既防波堤,仲有草地休憩空間同埋兒童遊樂設施。而最重要嘅係,呢度將會係全港島首個不設欄杆嘅斜堤。 而早前發展局搞嘅維多利亞港字型藝術裝置設計比賽亦已經有結果,得獎者就係黃鋈暉同林熹敏,佢地所創作既巨型字體藝術裝置就會喺呢個東岸公園主題區度展出,到時大家就可以去打咭喇。 東岸公園主題區泊車泊邊好? 1. 天后海景大廈停車場(按我導航)呢個場真係又近又平,泊完車行去公園都唔駛兩分鐘。而最抵嘅係,逢星期日及公眾假期,時租半價!!不過位就唔太多,仲要留匙,同埋注意呢個場星期一至日都係收八點。價錢詳情請參閱泊好先。 2. 維多利中心停車場(按我導航)就喺上面介紹嘅海景大廈停車場正對面,所以行出去東岸公園一樣咁近。呢個仲係多層停車場黎添,位就一定夠,只係價錢貴好多。不過讀者話呢個場好地獄吓,我地就未泊過,暫時評住三星地獄先,即係七人車如非必要勿入。價錢詳情請參閱泊好先。 3. 海峰園(露天)停車場 (按我導航) 想要日泊的話,可以考慮海峰園,日泊只需$120,但係記住,係泊露天嗰個,而唔係屋苑嗰個,屋苑嗰個係$160的。簡單講,去到停車場口,轉左就係露天,直去就係屋苑。價錢詳情請參閱泊好先。 最後講埋啦,屈臣道同埋威非路道都有數十個錶位的。所以你可以先輚入去威非路道經興發街同景明道入番去屈臣道睇咗錶位先。 #各區公園泊邊好 #銅鑼灣 #區區泊邊好

Golden Scene Cinema 高先電影院 泊車泊邊好?

高先電影院都開咗幾個月,但係原來好多人都仲未知間戲院喺邊,亦唔熟嗰頭邊度有得泊車。咁泊邊好當然要幫吓你啦,不過你要有心理準備,堅尼地城多地獄場喎。 首先講咗地址先,高先電影院位置係堅尼地城吉席街2號。簡單講就係吉席街同北街嘅街口。電話係+852 2151 1226。 1. 美暉大廈停車場(按我導航)美暉大廈停車場算正正常常,位置算近又唔太貴。時租$18 / $20,星期一至五仲有日泊。呢度好多年都無加過價喇。《收費詳情》 2. 海怡花園停車場(按我導航)其實心水清嘅朋友就會知道吉席街2號咪就係海怡花園囉,而海怡花園自己都有停車場,做乜唔介紹咗先?因為海怡花園停車場收費較貴,$23一小時,另外就係佢嘅地獄指數達4粒星。上落車道超窄,仲要勁多柱,入到去好似去咗竹林深處咁,車位又窄,聞說有啲位你睇到但係唔會泊到,有啲位泊到落唔到車。你想挑戰吓嘅可以一戰,如果無興趣挑戰嘅請睇泊邊好YouTube Channel嘅 地獄遊記 - 海怡花園。《收費詳情》 3. 堅尼地城停車場(按我導航)亦即係有啲人叫佢做〝士美菲路市政大廈停車場〞。呢度係全堅尼地城最多位最正常嘅場仲要係政府場添,所以都幾經常爆滿,時租收費$13,相當抵泊。但係可能地區問題啦,加上政府場都係少許窄架喇,不過勝在夠光猛同啲位睇到就一定泊到咁滯,所以都非常值得大家一試,可惜去睇戲就遠咗少少,當行街啦。《收費詳情》 其餘熱門泊邊好文章:大嶼山自駕遊泊車泊邊好?D2 Place滿晒附近泊車泊邊好?港外線碼頭搭船去離島玩泊車泊邊好?全港Donki尋寶地圖海洋公園泊車泊邊好The Wave / 觀塘工業區 泊車泊邊好?

西營盤(海味街)泊車泊邊好?

呢幾年抄牌拖車都好密,真係唔可以再泊低部車走咗去買海味。其實海味街附近都有唔少停車場,今日就等我地為大家介紹吓。 時租日泊一洲國際廣場$29NIL粵財大廈$20$120(08:00-19:59)中銀信用卡中心$30NIL縉城峰$24NIL 一洲國際廣場停車場(按我導航)睇名你未必知喺邊,但係講馬會或者好彩酒樓就應該好多人識。不過停車場入口喺威利麻街。 粵財大廈停車場 (按我導航) 你見佢咁平就一定知有問題。佢係四星地獄場黎,地獄原因係要入車Lift,仲要部Lift好窄。一部七人車加左右鏡係咁多,仲要係最難玩既尾入頭出。如果你泊五樓都還好,雖然係露天,不過通道闊好多。如果阿叔叫你泊三樓 (機會細啲),一出Lift左右都係柱,考起好多人。呢個場只收現金,有可能要留匙。 中銀信用咭中心停車場 (按我導航) 未泊過,無乜評語。睇落正正常常咁。不過價錢較貴同距離遠咗少少。多數人會泊一洲國際。 縉城峰停車場 (按我導航) 如果你想去西營盤地鐵站、東邊街、正街嗰邊,可以泊縉城峰停車場。有啲人話佢只限訪客,但係我地有車友去泊過完全無問題。但係唔排除要睇門口阿姐面色。 (註:相片取材自Queens18F@Wiki) #區區泊邊好 #香港島區區泊邊好