新場，夠闊落好泊，室內場時租當然會貴少少，但係有日泊。所以去亞博館工作既朋友都啱用。泊車後可以沿天橋行過去亞博館，打風落雨都唔怕，絕對係好選擇！泊邊好Y爺再到場地視察，有興趣既朋友可以睇下面最新片段。 北停車場 （按我導航）設有電動車收費充電區, 位於車場M層位置。 https://youtu.be/RE7LR_TB_nI 南停車場 （按我導航）- 暫時會喺北停車場滿咗，又或者亞博有大型活動當日開放。- 電動車收費充電區暫未開放 https://youtu.be/SJSVCiaYOYU 收費表 一般停車場收費（適用於所有顧客） 時租HK$28 / 小時日租(於00:00 - 23:59最少泊車滿6小時)HK$180 / 天 電動車充電服務（電動車收費充電區） 時租HK$12 / 小時 收費及有關資訊：https://bit.ly/46LCUCL #赤鱲角

（乘電車跨過大海YouTube版，可以睇到由東涌到香港海關既行車片段以及過關方式，跟住有港珠澳大橋既注意事項，然後一鏡過陪你揸車去到澳門既全個過程，教埋你點泊澳門口岸東停車場，總之就好睇啦。） https://youtu.be/h8rkDNVGvWQ "港珠澳大橋澳門口岸泊車轉乘計劃" 推出咗喇！！依家大家都可以揸住你自己部車，經港珠澳大橋，直達澳門...門口，泊喺澳門口岸嘅東停車場。而最重要既係，依家澳門東停車場仲要係免費任泊，最長可以泊大約8日添！所以你車住一家大細過去澳門，除番開仲平過搭金巴。 先講吓最基本既申請要求： 有關私家車可以由不多於兩名指定司機駕駛進入澳門停車場，其中一名司機必 須為申請人(即登記私家車車主本人，或獲公司車主授權提出申請的人士)。 如登記車主為註冊公司，另一名指定司機亦須獲得該公司以書面授權。 指定司機必須持有可駕駛私家車的香港正式駕駛執照。 僅限指定司機駕駛有關私家車，其他人士不得駕駛。 只可以係私家車申請，貨VAN都唔得 跟住到你部車嘅要求，以下係 "唔可以" 既事項，第一點即係不可超過九個座位： 包括駕駛員座位在內，座位超過九個; 總重量超過 3.5 公噸; 高度超過 2 公尺; 少於四輪的機動或非機動車輛; 載有可對停車場、停車場內任何使用者或停泊的車輛的安全構成危險的物品， 尤其是有毒、不衛生或易燃的物品;產生的廢氣超過澳門法定限度 (http://bo.io.gov.mo/bo/i/2016/51/regadm30_cn.asp)。 跟住講吓申請既過程，上網睇你會見到好覆雜，所以我會盡諒簡化咁話比大家知。如果你唔想煩，唔想搞咁多文件野嘅話，泊邊好誠意推出《港珠澳大橋澳門口岸泊車轉乘》代辦服務，有興趣既朋友請拉到最底。 1. 先上運輸署網站申請封閉道路通行許可證（即禁區紙），呢度要比$540（一年費用）。政府話萬一唔批既話係會退番錢比你嘅。而同一時間，香港運輸署係會幫你向澳門同大陸申請埋，所以你喺香港運輸署網上申請咗，比埋錢就OK。等通知就可以。 2. 大約一個星期多啲（官方話14個工作天），你會收到香港運輸署既電郵，話你知申請成功定失敗。如果成功的話，再等多幾日，就會分別收到澳門同埋大陸既電郵通知。再過幾日，好快你就會收到香港運輸署寄比你既封閉道路通行許可證。(註：2023年7月開始，澳門不會再發出email，香港批咗等於澳門都批咗) 3. 當你收到大陸公安個電郵之後，就即刻可以買大陸保險（因為港珠澳大橋係喺大陸範圍，所以要買大陸保險；但係由於你要進入澳門範圍泊佢個澳門口岸東停車場，所以你亦都要買埋澳門保險。不過澳門保險我哋最尾先講），大陸保險價錢同點樣買下一段再講。買大陸保險比較麻煩，要預番幾日至一星期時間。 4. 買完大陸保險之後，要上珠海交警互聯服務平台，左手邊揀 "信息查詢" 就可以上載番你個大陸保險，比佢審批。呢度又要等2-3個工作天。（留意，佢要求你保險生效咗之後先可以上載。所以你預咗要蝕幾日，唔好懶醒買保險時生效期寫後啲，想審批完先用。成個計劃，香港運輸署張禁區紙，大陸保險同澳門保險都係唔同生效日期，預咗蝕半個月比佢地啦，唔好煩喇。） 5. 大陸保險都買完之後，基本上大公告成。咁你幾時想去澳門既話，就早幾日（我預一個星期啦）上澳門口岸東停車場網上預約平台度預約車位，唔預約係無得入既。預約個方式係用時段去計，佢一個時段係8個小時（00:00-08:00，08:00-16:00，16:00-24:00）所以一日就有3個時段，而你最長可以連續預約24個時段，即係大約8日。仲要係免費泊車既，抵晒啦！！不過留意，你BOOK長啲好過短，因為你遲咗走既話係要收幾百蚊港幣附加費，咁明明係免費，你就BOOK長啲，約多幾個時段啦。預約時，個網會問你攞 "批准編號" 既，個編號喺澳門政府比你個電郵度。所以三地政府比你既電郵記得keep好佢，唔好刪除。 5.1. 叫得5.1而唔係6，因為喺你預約停車場之後，佢會問你買咗澳門保險未，你揀即時購買就得，跟住就跟佢指示喺網上面買埋就得，網上買澳門保險有效期係9天。所以你每次出發前先買都未遲。 (以下係2023年7月4日開始既新玩法，不需再預約，但係可以留位，詳情如下：) 5. 當停車場實時車位剩額不少於600個時，毋需預留車位，直接入場；當停車場實時車位剩額少於600個時，須先預留車位方可入場停泊。 預留車位方式：5.1 使用 “澳門出行” APP (IOS下載、Android下載)，點擊 “東停車場”...

2023年2月6日啟用既《香園圍口岸》係全港第一個可以泊車過關既陸路口岸。一泊好車，行過關，即刻到達深圳，唔使轉火車，又唔使轉巴士。一出關就係商場，仲有深圳地鐵。所以呢個口岸對揸車既朋友真係好有用。而佢泊車個收費仲平過你搭火車呀！ 前往香園圍口岸教學 1. 沿吐路港公路，追 "香園圍口岸" 路牌 2. 經龍山隧道 3. 繼續追 "香園圍口岸" 路牌，唔使驚會過咗關。 4. 去到尾會見到 "P私家車及電單車" ，行呢個牌下面條線就啱 5. 沿天橋直上，就會到達口岸停車場 2023年2月24日前，停車場 "私家車" 收費（有約400個車位，當中有120個中速充電位）。註：2023年2月17日開始，只可以預約，不接受Walk-in泊車。 標準收費網上預約優惠時租$10$924泊$80$70夜泊$60$55 2023年2月24日開始加價，新價錢如下： 時租$1524泊$150夜泊$80超時收費$60 (首2小時之每1小時)$75 (其後每1小時) 泊邊好建議大家出發前一晚做網上預約，一黎平啲，二黎唔使驚無位。預約請去呢個網址：https://hywparking.com.hk/car-park/carParkBooking?lang=zh_TW 提提大家幾樣野： 預約咗，可以遲到，唔可以早到，早到一分鐘都會額外收你一個鐘錢 過咗預約時間先出車，唔單止要額外計你時租錢，仲要加收罰款的；所以泊邊好建議大家唔好衰孤寒，要預約就約多幾個鐘。 網上預約可以用八達通或者信用咭，但係你入閘時要用番同一張八達通或者信用咭先可以入到閘；所以用信用咭比錢既朋友，你要確定你真係有張實體信用咭先好呀！ 預約最少要泊2小時，最長可以泊7天 您可喺預約入場時間最少4小時前更改或取消預約，但係每次更改或取消預約須繳付港幣$100的行政費。即係有可能仲貴過重新預約。 唔明既朋友，我地一早拍咗條片，大家睇吓就會易明好多。 https://youtu.be/btGv_kirWgI 2023年2月11日更新，由於今日香園圍口岸停車場滿到瀉。所以介紹埋周邊既停車場比大家知。呢個係新開既香園圍口岸松記停車場 （按我導航）。有時租有日泊夜泊，不過就貴少少啦。呢度泊好車，有行人隧道直達香園圍口岸離境大樓，呢度即係九巴79K既巴士總站。所以唔算話太遠。停車場收費如下： 一至五六日及假期時租$15$18日泊(08:00-19:00)$100$100夜泊(19:00-08:00)$80$80 #區區泊邊好 如果真係無位泊，可以去上水玩寶石湖邨泊車轉乘港鐵，時租只需$5。但係唔可以泊過夜，最遲當晚零晨2:15要出車。 即睇》》 https://www.parkbin.hk/6byv #泊車轉乘

位於大埔林村既香港許願節終於又返黎喇，活動日期係年初一至年十五 (22/1 - 5/2)，而開放時間係每日上午8時30分至傍晚6時30分。以防大家太耐無去而忘記咗，喺新春期間，外來車輛係唔可以行林錦公路，即係去唔到林村的。要去林村就要搭巴士，特別係新春特別路線63R。 咁所以上落車既車站位置，就係你要搵位泊車既地方，本文就係想教大家呢樣野，方便大家安排泊車泊邊好。 首先講番九巴63R，佢係由大埔墟總站開出，經大埔超級城 (其實係大埔太和路原本K12嗰個站)、太和廣場，之後直達林村許願樹。 重點1：不要在大埔墟上車 第一件事要提大家，唔好喺大埔墟站上車！！！以過去咁多年既經驗，特別係年初一至三。大埔墟站要排超過一個鐘先上到巴士，唯一好處係有位坐。不過你排隊企咁耐其實都抵銷咗。 重點2：揸電動車可考慮泊大埔東昌街康體大樓停車場 第二件事，泊去年新開嘅《大埔東昌街康體大樓停車場》，再過條天橋去大埔超級城站上車就近喇。呢度收費又平，紅日每半小時$7啫，仲有60個免費既中速充電器畀你。 https://youtu.be/PpFK0Su8yaA 重點3：速戰速決，泊太和 第三件事，我本人就多數揀太和上車，因為呢度係室內停車場同室內巴士站，唔怕好天曬落雨淋。同埋呢度係尾站，所以部部巴士埋到黎得番幾個企位，上完就走，速戰速決好多。而太和泊車就無乜得選擇，太和B同太和A兩個領展場就梗架喇，當中近麥當勞嗰邊既太和B場流量會大啲，所以大機會啲有位。另外泊太和可以玩免費泊車優惠，一家人去完林村可以過黎行超市或者食個飯先走，唔消費既，攞佢個電動車泊車優惠亦係唔錯。 另外，去年(2022年) 太和A場新增咗6個Tesla V3 Super Charge，仲有6個Tesla Wall Connector添。不過提提大家，千忻唔好用Super Charge！唔好用Super Charge！唔好用Super Charge！因為由太和上巴士去到林村，分分鐘都塞30-45分鐘，仲未計你要排隊出番黎太和。所以你係唔會趕得切返黎拎車，比人扣逾時收費就無謂喇。 如果有其他泊車問題，歡迎去我地Facebook或者IG度發問架。 註：網絡相片 #區區泊邊好