尖沙咀有大量停車場，只要你肯比錢就總有一個喺附近。所以本文主要係比較免費泊車優惠以及日泊，特別係一啲隱藏嘅優惠。 時租日泊夜泊免費泊車優惠中港城$31$150(07:00-18:59)$80(19:00-06:59)$100/免1$200/免2$300/免3海港城$30 (海運)NILNIL$100/免1$200/免2 $300/免3K11 Musea$30 (一至四)$41 (五至日)$180(08:00-18:59)只適用於一至五$50*(17:00-23:59)只適用於一至五$2.5*/免2 (一至四)$300/免3 (一至四)$300/免1 (六、日)$500/免2 (六、日)H Zentre中間道$18* (一至四)$19.5* (五至日)$9* (每日18:00後)$185(08:00-17:59)$95(18:00-07:59)$600/免2西九龍高鐵站$18(泊車轉乘)$130(08:00-19:59)$100(20:00-07:59)NIL凱譽$35 $160(08:00-17:59) NILNIL天文臺道8號$35$160(08:00-17:59)$100(20:00-07:59)NIL 1. 中港城（按我導航）中港城最抵係佢個日泊，不過當然位置黎計佢已經叫遠黎尖沙咀。不過如果你係想去美麗華或者The One的話，中港城都還可以的。 2. 海港城 （按我導航） 海港城優點係車位多，就算要排隊都唔駛等好耐。仲有佢個泊車優惠非常易攞$100就已經免泊1小時。不過如果你想要日泊就無喇。 3. K11 Musea（按我導航）有睇開泊邊好既朋友，都知道我地一早就已經教大家點玩盡K11 Musea既免費泊車優惠。不過唔講你唔知，原來佢仲有個隱藏日泊架，唔需要登記，直接拍八達通入閘，只要你19:00前出閘就可以有日泊優惠，計落仲抵過對面H...

荔枝角公園位於深水埗西，東為美孚一期，南接葵涌貨櫃碼頭路，西靠荔景山道，北則為荔灣道，交通四通八達，市民可乘地鐵、西鐵及巴士前往。荔枝角公園分為三期建造，總面積達17.65公頃，園內提供多項康體設施，而鄰近配套設施則有荔枝角公園游泳池、體育館及圖書館。 荔枝角公園隨咗可以帶小朋友黎玩之外，佢仲有寵物區可以帶埋你嘅毛孩黎活動吓。另外潮流興賞花，荔枝角公園仲係香港花卉展覽既其中一個展區添，仲唔夠特別嘅話，櫻花特別喇掛？依家唔駛去日本，喺荔枝角公園就可以睇到富士櫻喇。 依家睇咗相先，最尾會教大家泊車，仲要喺美孚搵到個$15一小時又唔駛行餐死既場。 睇完櫻花，去埋荔枝角公園內嘅嶺南之風就可以玩吓穿越喇。「嶺南之風」是一個中式公園，於二零零零年十一月十一日正式開放給市民遊覽，每日的開放時間為上午七時正至下午十一時正。由於公園位處九龍荔枝角的填海區，而荔枝又是嶺南名果，故以傳統嶺南風格造園。全園面積達12500平方米，水景面積約為2600平方米，佔全園面積約百分之二十。 整個公園分為十個景區，園內的建築物皆環繞著中央水池向外伸延，以院落迴廊為布局。其建築藝術也是採用嶺南風格，如陶塑、瓦作、灰塑、石雕和木砌等，而假山石則以英德太湖石為主。此外，園內掛有多副對聯，撰聯人有梁啟超、劉華東、李文田、康有為等。公園由東門至橋廊屋檐，均綴以彩色光纖燈飾，令園景在月夜下更添嫵媚。園的內外廣植樹木，綠樹成蔭；此外，更有精緻的盆景擺設，供遊人欣賞。好多古裝劇喺嶺南之風呢度取影架。 荔枝角公園 / 嶺南之風泊車泊邊好？ 荔枝角公園好大，由泳池開始去到寶輪街 (九巴廠)， 所以有好多個入口亦有好多個泊車點比你揀。不過一定唔會泊入去美孚新村入面嘅停車場，因為全部都時租$30以上。 1. 荔枝角公園停車場（按我導航）雖然呢個停車場叫做荔枝角公園停車場，不過佢其實位於泳池同室內運動場嗰邊。同你真係要賞花既西鐵站有少少距離。加上價錢又唔見得平又少位，時租每半小時要$12以上。如果唔介意行幾步既朋友可以直接睇下一個介紹。價錢詳情請參閱泊好先。 2. 盈暉薈停車場（按我導航）盈暉薈即係以前黑暗中對話嗰個商場，時租$18起，仲有日泊。價錢詳情請參閱泊好先。 3. 寶輪街露天停車場（按我導航）一開始已經同大家講咗，荔枝角公園有好多個入口，所以如果你唔好諗埋一邊，反方向由寶輪街出發的話，就會有新發現！呢個寶輪街露天停車場平時時租只需$17(最低消費2小時)，除咗巴士廠旁邊嗰個$15之外，應該算全美孚最平，仲要唔駛行咁滯，一泊好車行番出對面馬路就係荔枝角公園 (嶺南之風) 既寶輪街入口。價錢詳情請參閱泊好先。 #公園 #荔枝角 #熱門泊車地方介紹 #最新活動 #最新市集

大圍（本文泛指大圍港鐵站附近既積福積輝街一帶）一向想泊車真係好艱難。一係就泊街或者搏嗰少量嘅錶位，如果唔係就要泊出名地獄嘅富嘉花園。所以今集區區泊邊好，我地就為大家介紹吓大圍仲有咩好停車場可以泊。而最特別嘅係，我地今集請咗喺YouTube發佈4K POV行車片好出名嘅HK Driver Mike黎同我地一齊挑戰富嘉地獄，當然唔少得大圍區嘅飲食情報介紹啦。有興趣嘅朋友可以睇以下既片段，齋想睇停車場嘅朋友請繼續睇落去。 https://www.youtube.com/watch?v=bw0De9MsO6w 圍方停車場（按我導航）全新既圍方停車場，完美解決咗大圍泊車既難題，仲有18個中速充電位，可能唯一缺點係時租較為貴。免費泊車優惠請參閱：圍方 - Parkbin 泊邊好 海福花園停車場（按我導航）沿住港鐵站天橋行就可以黎到海福花園停車場。唯一缺點係時租只可以泊露天位，同埋過番大圍要經天橋，不過依家天橋都有電梯，應該唔算缺點啦？而最重要係咩呀？佢仲平過地獄場，咁唔駛諗啦。價錢詳情請參閱泊好先。 富嘉花園停車場（按我導航）人生難免會泊幾次地獄停車場既。咁富嘉花園點解被稱為地獄呢，首先上落通道窄，其次係車位勁窄，泊完都開唔到門，而最衰既係佢無電梯，你泊幾高就要行番幾多層樓梯。不過，如果你有睇上面條片的話，我地版油係咁衝都無問題，事實上無大家想象中咁窄，學阿Mike話齋，沙田區大把場窄過佢。至於車位窄，只要你泊高多幾層，同埋搵啲柱邊位泊，咁都OK開到門。佢係有啲位有水喉突出黎嗰排位窄啲，其餘啲位都算正常既。咁當然，最近大圍港鐵站，價錢一定係最貴架喇。價錢詳情請參閱泊好先。 #區區泊邊好 #沙田

屯門青山灣海濱長廊位於屯門三聖邨，屯門避風塘與青山灣泳灘之間嘅防波堤上面。總面積約八千多平方米，總長度為八百多米。喺呢度你可以喺長廊上漫步、踩單車、放狗等等，黃昏既時候仲可以睇到夕餘暉，吹住海風，係唔錯架。行到攰，旁邊就係三聖海鮮市場。可以買啲手信 (海鮮) 返屋企煮，甚至即場食都得。唔講你唔知，喺三聖邨呢個咁細嘅地方竟然有五個停車場咁多，所以唔怕無位泊。 由於五個停車場嘅價錢只係兩蚊左右上落，所以我哋由近至遠咁講。 1. 屯門三聖街露天停車場（按我導航）三聖街停車場就喺長廊嘅入口旁邊，講位置佢就最近架喇。同埋留意番，呢條三聖街你會見到兩個分開嘅爛地停車場的，不過都係一間黎，所以價錢一樣。你見第一檔無位就去下一檔就OK。價錢詳情請參閱泊好先。 2. 三聖商場停車場（按我導航）如果你唔想泊爛地要曬住部車的話，就揀三聖商場停車場啦，閒日個價錢嘅差距會大啲，但係星期六日爛地同三聖商場只係相差一蚊。咁就直入商場算啦，車位又多。價錢詳情請參閱泊好先。 3. 屯門三聖街6號露天停車場 (青山灣泳灘)（按我導航）同樣係爛地場，同埋係三聖街。不過呢個場其實係俾青山灣泳灘嘅市民用居多嘅，不過由於行車方向嘅關係，佢係一入三聖街第一個場，價錢同上面講既三聖街爛地係一樣，所以你都可以睇吓呢度有冇位先再去下一個。要小心嘅就係呢個場嘅入口好唔起眼，你要望實左手邊唔好錯過。價錢詳情請參閱泊好先。 4. 恒福商場停車場（按我導航）恒福商場停車場就真係最遠喇，因為佢喺三聖輕鐵站巴士總站旁邊。不過價錢係最平，閒日時租只需$11，仲平過爛地。提提你，唔好上平台呀，時租喺地下，一上平台就$40一個鐘架喇。價錢詳情請參閱泊好先。 #屯門 #區區泊邊好