請參閱新優惠：+Woo嘉湖免費泊車優惠2023年 置富場既泊車優惠出名搵笨，小心睇以下既要求： 必定要係Fortune+會員，並要用佢個名消費兼以電子貨幣方式比錢。要對收據名。 最少要幫襯兩間不同商戶(不包括百佳超級廣場)，其中一間一定要係食肆，同埋食滿$100。 最多只可以用三張單，每張單最少要$100。 記住！你要泊兩個鐘或以上先可以減到一個鐘，你唔可以泊59分鐘就走去換免費泊車，佢話不足一小時係免唔到一小時比你。 入車時間要喺夜晚6時前，但係換領時間只係去到7時！ #+WOO #天水圍

「吃」是旅行中最重要而不可缺少的一個環節。Klook、台灣觀光協會香港辦事處、tripTaiwan 今次以「跟著味蕾去台灣旅行」為主題，邀請 30 多個與「味蕾」有關的台灣地道品牌，於 8 月 20 日至10 月 31 日舉行「TaiwanWay Pop Up Store」，台北萬華、台南、屏東、南投及阿里山等 20 多個精品咖啡、300 多款台灣直送中秋選禮、文創生活好物，由南至北來一場台灣旅行，希望香港朋友在港也能體會到「台灣味」。 「台味見學」咖啡、喫茶工作坊台灣慢活咖啡文化流行，不少旅客在旅遊時也會到不同的咖啡店朝聖。「台灣咖啡體驗工作坊」由台灣人氣咖啡店，屏東「大和頓物所咖啡」主理人賴元豐 Paul、香港咖啡師與旅遊達人，深入淺出介紹台灣咖啡的特性，透過影片教學與互動學習，利用「聞咖啡」、「看咖啡」及「喝咖啡」三種感官來體驗不一樣的台灣咖啡風味。 隱身台北大稻埕老宅的「COFE - 喫茶咖啡」，以台灣茶巧克力風味在「2021 年世界朱古力大賽」中獲得 2 銀 2...

南豐紗廠係一個將舊工廈透過活化同保育而改建成既一個商場。由於佢係以非弁利嘅方法去營運，所以商場入面可以容納不同特式既小店，有餐廳，有關於粵劇嘅，有成衣嘅，亦都有為寵物而設嘅。再加上南豐紗廠本身個停車場太少，所以星期六日經常都大排長龍。泊邊好先帶大家遊覽吓南豐紗廠，之後再介紹荃灣周圍嘅停車場畀你。 南豐紗廠係寵物有善商場，所以你可以帶埋你嘅毛孩黎涼冷氣；咁當然，除咗毛孩當然要照顧埋小孩啦，呢度有個兒童遊樂場相當好玩。 南豐紗廠附近泊車泊邊好？ 南豐紗廠 the Mills（按我導航）先講番南豐紗廠停車場，佢有免費泊車優惠（可以按最底hashtag查閱），另外時租價錢亦唔貴，每小時$25，平過旁邊啲工廈，所以如果有位一定係泊佢。價錢詳情請參閱泊好先。 華力工業中心（按我導航）華力工業中心喺正南豐紗廠旁邊，收費係第一個鐘$25；第二個鐘開始$30。好處係近，缺點係佢本身都唔多位，只係其實喺地下空地度比個位你泊。 國際企業中心三期（按我導航） 新場，唔算貴，位置一流。喺南豐紗廠斜對面，不過星期六日依然係長爆。 華懋荃灣廣場（按我導航）介紹呢個場嘅最主要原因，係佢個停車場入口位於青山公路，咁你就唔駛塞沙咀道同白田壩街。同埋佢減咗價，只需$22。 達貿中心（按我導航）呢個場距離就遠少少咁多，同埋佢係貨車場，所以通道夠晒闊，新手都無難度。時租$25，星期一至六仲有日泊。 #南豐紗廠 #荃灣 #各區泊邊好介紹

我最鍾意食肉餅，仲揸車周圍去搵肉餅食。由蒸到煎，由咸魚到梅菜，連煲仔飯都一定要叫肉餅煲。但係點解有沙爹牛肉麵關注組，連芫荽同燒賣都有關注組，偏偏無肉餅關注組丫？你話呢個世界公平咩？所以今集開始，我會帶大家周圍去搵肉餅食，你知既，你唔知既都會一一介紹。 第一集帶大家去一間既出名，又有免費泊車既餐廳，就係屏山老地方。 唔好睇佢鋪頭細細，但係叫得自己做肉餅專門店，一定唔會失體。大家睇吓個餐牌，真係你諗得出既肉餅都有呀。以前啲飲食雜誌就專登介紹佢既生果肉餅系列，話啱晒女士們夠Fresh夠Juicy喎。而我每次黎都淨係叫一款，就係六重芝士煎肉餅飯喇。 大家睇到既只係表面，其實佢係有兩大塊肉餅，上面嗰塊佈滿住邪惡既芝士，而下面嗰塊肉餅就將芝士溶埋咗落去肉餅度一齊煎。所以呢一個飯有兩種不同芝士肉餅食法。睇相可能你唔覺，現實中，我同我太太無一次去食既時候係食得晒啲飯。所以大家都係集中進攻佢嗰兩塊芝士，飯係配菜黎咋！ 屏山老地方地址：元朗屏山塘坊村32-33號地下電話：23043288 屏山老地方設有專用免費停車場，位於上面地圖左手邊公廁附近（按我導航） 直接泊入去上圖鐵欄入面個停車場就可以，免費任泊，無論外賣還是堂食都歡迎，裏面有數個註明係屏山老地方既專用車位，唔好泊錯。 跟住泊邊好搵食自駕遊，下集再帶你食好嘢！！