觀塘泊車一直都係個大問題，apm長期排隊，工業區入面咁多選擇又唔知邊個平，更加唔知有冇伏。今日泊邊好一次過列晒最抵泊既觀塘商業區停車場出黎比較吓，為咗方便溝通，本文以The Wave為中心點介紹。如需了解APM/裕民坊一帶泊車泊邊好，請參閱觀塘泊車泊邊好。 停車場一至五時租六時租日時租一至五(日泊)六(日泊)日(日泊)利寶時中心$24*$24*$24*NILNILNIL泓富廣場$24$24$23$138138$100榮昌工業大廈$30*$30*$30*NIL$70$70皇廷廣場$28$28$28$180$180$90觀塘廣場$24$24$20$148$148$85新怡生$28$28$28$160$160$120美興工業大廈N/A$20$20NILNILNIL中美中心$22$22$22NILNILNIL 我哋睇咗上面個分析表先，以星期一至六計，時租價錢相差不大；星期日就必定選擇觀塘廣場或美興工業大廈，又平又多位。日泊方面，星期六最平竟然係榮昌工業大廈；而星期日就有較多選擇。以下會逐個停車場介紹。 1. 利寶時中心（按我導航）要留匙，近碼頭嗰邊，視乎你近碼頭定去apm附近，否則可選擇泓富廣場或觀塘廣場，唯一優點係可以半小時計算。價錢詳情請參閱泊好先。 2. 泓富廣場（按我導航）較近apm同地鐵站，由於佢對面就係觀塘廣場，價錢唔會貴得去邊。不過有得揀我寧願泊觀塘廣場。觀塘廣場多位又闊落，最多泊高啲，一定有位比你泊。價錢詳情請參閱泊好先。 3. 榮昌工業大廈（按我導航）呢個場嘅優點係佢喺apm後面，apm爆滿時泊呢度經後門行番入apm都算近。特別係星期六11點後開始就有日泊，仲要$70咁平。如果你打算喺apm行街睇戲食飯而apm滿晒嘅話，諗都唔駛諗泊過黎榮昌工業大廈就無錯。但係閒日以時租計就要泊佢旁邊個巧明街107號，時租平好多。價錢詳情請參閱泊好先。 4. 皇廷廣場（按我導航）呢個係遠距離嘅另一選擇，不過有食開華嫂冰室嘅朋友一定泊過呢個場。因為華嫂冰室就喺正佢門口。價錢詳情請參閱泊好先。 5. 觀塘廣場（按我導航）其實講咁多個都不及觀塘廣場好，夠晒多位，又唔算貴。特別係星期日，無論時租定日泊都非常平，所以星期日如果apm排長龍嘅，過黎觀塘廣場好過啦，穿條天橋入番地鐵站再去apm，真係落雨都唔怕。價錢詳情請參閱泊好先。 6. 美興工業大廈（按我導航）論距離計，美興工業大廈應該係最近The Wave，不過要留意佢開放時間，簡單講就係非Office Hour先開。詳情請睇下地圖，點選美興工業大廈個icon就可以睇到詳情。 7. 中美中心（按我導航）喺正上面既美興工業中心正對面，依家做緊打對台優惠，時租$22。明係想同美興工業中心打過。唯一要小心既係，唔知佢呢個時租$22做到幾時。因為佢以前係一貫工廈場既計法，半小時開始計，每半小時越黎越貴，遞增式既計法。所以入場前睇清楚門口個牌先。 其他工業區既停車場選擇，請睇下面地圖，如需要考慮觀塘充電泊邊好的話，請參閱觀塘區充電泊邊好。 如果有喺觀塘返工嘅朋友，有其他更好嘅選擇，歡迎到泊邊好Facebook Page留言指教。 相關文章： 觀塘海濱公園 / ​觀塘海濱音樂噴泉泊車泊邊好？ 觀塘泊車泊邊好 #區區泊邊好

隨住東鐵綫過海段通車，以後過海除咗可以泊九龍站玩泊車轉乘之外。紅磡站都有得玩喇。 泊車轉乘港鐵日泊優惠價錢 (日泊時段為05:30-23:59)： 第一天日泊：$105第二天日泊：$185第三天起每天日泊：$105 註1：紅磡站只有日泊泊車轉乘，沒有時租泊車轉乘。要時租嘅請去九龍站或奧運站；註2：只接受八達通付款；註3：出入停車場之間，同一張八達通不可使用超過9次。 如果想知去紅館泊車泊邊好的話，請參閱以下文章： https://www.parkbin.hk/九龍/紅磡/紅磡香港體育館紅館泊車泊邊好/ #區區泊邊好 #泊車轉乘

好多人都問香港文化中心泊邊好，泊邊好當然會為你解決泊車問題啦，今次為你介紹周邊3個最近又最平嘅停車場俾大家。有一個仲可以用$8泊6個鐘添。 1. 海港城 (海運大廈) 停車場（按我導航）海運大廈停車場就應該係人都識架喇，車位夠多，仲有免費泊車優惠。適合行街shopping再去文化中心嘅你。泊車後沿住尖沙咀碼頭巴士總站方向行5分鐘內就到。免費泊車優惠請按以下hashtag瀏覽商場專頁。停車場時租價錢請參閱泊好先。 2. K11 Musea（按我導航）K11 Musea又係另一個又近又有免費泊車優惠嘅停車場，如果你係夜晚去睇show的話，K11 Musea更加係首選。因為佢依家做緊一個 #限時夜泊優惠，只要你喺佢個商場嘅指定食肆消費滿$50的話，就可以由下午5點免費泊車至晚上12點。免費泊車優惠請按以下hashtag瀏覽商場專頁。停車場時租價錢請參閱泊好先。 3. 中間道停車場 H Zentre（按我導航）H Zentre做緊泊兩小時或以上，無條件免費一小時優惠，無需登記，無需消費，直接拍八達通出閘就會減番，係近期去尖沙咀既不二之選。另外，黃昏六點後入車時租價錢只係$18！全尖沙咀最平，再用埋上面講嘅免費一小時優惠，即係俾$18就可以泊2個鐘。同埋，中間道停車場個夜泊超平，只需$95就可以由晚上6點泊到第二朝8點。 #其他泊邊好文章 #海港城 #K11 Musea #H...

西九文化區設有四個停車場，如果你計埋戲曲中心的話有五個添。而最近西九文化區嘅自由空間就泊藝術公園（E區）停車場，而如果你想去公園的話就可以泊項目辦公室停車場。當中項目辦公室停車場嘅時租價錢仲平啲添，不過就露天囉。 講咗咁耐不如睇咗地圖先，唔係睇到一舊雲。我哋係由右手邊講起，即係近九龍站、M+嗰邊係行車入口： 跟住落黎，我地沿住柯士甸道西入口順序介紹呢三個停車場： 1. F區停車場 / M+博物館（按我導航） F區停車場明顯係為咗M+博物館而設嘅，註：M+博物館已於2021年11月12日開幕。不過如果下面嘅E區停車場無位都可以泊佢嘅，反正喺旁邊咁近。兩個停車場同價：$28 / $32。 M+博物館入場預約網址：按此連結 M+博物館開放時間：星期二至四、週末及公眾假期：早上10時至下午6時星期五：早上10時至晚上10時星期一：休館 泊邊好專員Y爺原來係M+博物館嘅VIP，仲已經優先入咗去睇。佢仲推介咗幾個入場必睇必打卡嘅藝術品，同埋入場排隊攻略。當中有一件藝術品，每人限睇30秒咋！！係咪好珍貴呢？想知就去呢篇文章度睇定先啦>> 西九文化區 | M+博物館優先睇 | 六大展區 | 必睇打咭推介 | 排隊攻略 2. 藝術公園（E區）停車場（按我導航） 一開頭就講咗，要去西九文化區嘅自由空間，泊E區呢個就最近，所以假日常滿。時租價錢$28 / $32，之前星期一至六既日泊優惠已取消，不過多咗夜泊19:00-06:59，星期一至四$80；星期五至日$100。另外，E區停車場有十數個中速充電站，相當方便。 3. 香港故宮文化博物館 (B區) 停車場（按我導航) 故宮博物館只有46個車位，我估大家都無乜機會可以泊到。入黎望一望，無位就去埋下面項目辦公室停車場，都無位就拿拿聲去番E同F區泊喇。 故宮博物館將會設有EV電動車充電位，數量暫時未知，因為仲未裝好。時租價錢同其餘三個場一樣$28 / $32，無日泊 /...