spot_img

西區

西區最新活動推廣

西區免費泊車

泊邊好

烏溪沙站泊車轉乘港鐵優惠

時租日泊夜泊星期一至五$20$80(07:00-18:59)$100(19:00-06:59)星期六日及假期$24$100(07:00-18:59) $100(19:00-06:59) 泊車轉乘優惠價:每小時:$9開放時間:05:10 - 同日01:55 (不可過夜) 好多人都問點入烏溪沙站停車場 (按我導航) ,其實你只要直入銀湖天峰。遇到有保安問,你就話上車站停車場佢就會放行。除非大時大節會爆滿,而唔比你上去之外,平時係暢通無阻。上到盡直行去到尾,一左一右都係住戶停車場,唔好入,計正價時租的。你再直去就會見到下面個牌,寫住"港鐵烏溪沙站(泊車轉乘停車場),咁你過左閘之後左轉就係。 #馬鞍山 #泊車轉乘 #區區泊邊好

啟岸 / 啟岸巷子泊車泊邊好?

土瓜灣除咗有地鐵之外,舊樓重建後都有唔少值得去打卡或者食野既地方。例如《啟岸巷子》就好似去咗京都咁喇。 夜晚去就更加靚,但係啟岸竟然無停車場,所以泊邊好就為你揀咗兩個最近又平既停車場俾大家。 1. 陽光廣場 (按我導航)陽光廣場同埋佢對面既半島廣場都係差唔多距離,泊車後行幾分鐘就到啟岸巷子,不過陽光廣場平少少咁多。有時租又有日泊。請按下面地圖了解收費詳情。 2. 昌盛閣停車場(按我導航)三星地獄場,一睇下面個街景你就知佢係地底山洞場,下面又暗又窄。唯一優點係平,無論時租同日泊都極平,同埋行去啟岸超近,過條馬路就到。入唔入就睇你手車喇。 註:相片取自lemontea_bichonfrise@IG 及hkmalls@IG #區區泊邊好

東區裁判法院泊車泊邊好?

自從無咗爛地停車場之後,西灣河泊車就難上加難。唯一希望係將來政府大樓落城後會有公眾停車位啦。不過我哋解決咗今日個問題先,東區裁判法院泊車泊邊好? 1. 嘉亨灣停車場 Grand Promenade(按我導航)最近法院又好泊,價錢又合理,時租$18 / $20,價錢詳情請參閱泊好先。 2. 港島東體育館停車場(按我導航)如果萬一嘉亨灣無位的話,你只要沿住太康街 (碼頭邊) 行,就搏一搏有冇錶位啦,萬一連錶位都無。唔駛怕,順住行去到香港電影資料館,旁邊嘅港島東體育館就有停車場喇。一如其他嘅體育館停車場,時租價錢以半小時計算 $10 - $16.5。價錢詳情請參閱泊好先。

紅磡站停車場泊車轉乘港鐵優惠

隨住東鐵綫過海段通車,以後過海除咗可以泊九龍站玩泊車轉乘之外。紅磡站都有得玩喇。 泊車轉乘港鐵日泊優惠價錢 (日泊時段為05:30-23:59): 第一天日泊:$105第二天日泊:$185第三天起每天日泊:$105 註1:紅磡站只有日泊泊車轉乘,沒有時租泊車轉乘。要時租嘅請去九龍站或奧運站;註2:只接受八達通付款;註3:出入停車場之間,同一張八達通不可使用超過9次。 如果想知去紅館泊車泊邊好的話,請參閱以下文章: https://www.parkbin.hk/九龍/紅磡/紅磡香港體育館紅館泊車泊邊好/ #區區泊邊好 #泊車轉乘