尖沙咀同銅鑼灣泊車一向麻煩，泊mira place佢個泊車優惠又要指定店鋪（Donki不在指定店鋪之列）；泊The One，貴得黎仲要無位，咁去尖沙咀 Donki 泊邊好？一齊黎睇啦！ 1. 中間道停車場 H Zentre雖然遠少少，但係H Zentre做緊泊兩小時或以上，無條件免費一小時優惠，無需登記，無需消費，直接拍八達通出閘就會減番，係近期去尖沙咀既不二之選?（按我導航） 2. 童軍中心去佐敦或者尖沙咀近佐敦嗰邊，泊童軍中心一定無錯，價錢平仲有24小時泊。價錢請參閱泊好先。（按我導航） 3. 中港城唔好以為中港城好遠，其實只要你識穿行人天橋去九龍公園，幾分鐘就到Donki。時租價錢貴海港城港威大廈一元，但有日泊優惠，星期六日日泊只需$80，價錢請參閱泊好先。（按我導航） 當然，以距離黎計，喺韓國街有兩個比以上三個都要近嘅停車場，但係各有缺點，視乎你點選擇。1) 皇悅酒店，要留匙。時租貴。2) 26號金巴利道，要入車Lift，要留匙。陀地場。 #區區泊邊好 #尖沙咀 #Donki

先講清楚，如果你係想帶寵物出黎玩的話，只有啟德跑道公園係寵物共享公園。而啟德郵輪碼頭公園係寵物不可進入的。 啟德跑道公園位於前啟德機場跑道的末端，係喺郵輪碼頭大樓外面嘅，好似下面張相咁。 呢度有個1.5公頃的大草坪比你帶小朋友或者寵物黎放電就啱晒，依家因為大家都無得去旅行，仲多咗黎人露營同野餐添，呢度24小時開放架。 而啟德郵輪碼頭公園係位於郵輪碼頭大樓既天台，兩個公園係獨立的。提提大家，呢個天台係睇唔到煙花的。因為有煙花時係會封天台的，而郵輪碼頭內嘅其餘地方都無位睇到煙花。 啟德郵輪碼頭公園 / 啟德跑道公園泊車泊邊好？呢度暫時得一個停車場咁大把。記住呢度係唔可以泊車過夜的，夜點11前一定要離場。 1. 啟德郵輪碼頭停車場（按我導航）雖然呢度得一個停車場，位又唔算好多，但係好多時佢滿咗都照比你入泊走廊的。另外，呢度價錢其實唔算貴，時租$10 / $15，價錢請參閱泊好先。唯一好處係有Tesla Supercharge。 2. 啟匯 Harbourside HQ 停車場（按我導航）啟匯係一座新起嘅商廈，所以大量車位，時租又平，星期六日只需$10一個鐘，仲有日泊$60，你話抵唔抵先。不過呢度你唔會行去郵輪碼頭咁遠架喇，最盡你行去兒童醫院轉小巴或巴士去啦，車程都係4分鐘，是但一部巴士見車就上就可以。停車場價錢詳情請參閱泊好先。 3. 觀塘碼頭一帶如果你星期六日去郵輪碼頭的話，仲可以考慮泊喺觀塘碼頭一帶，例如觀塘碼頭廣場停車場、振萬廣場停車場等。再喺觀塘碼頭轉渡海小輪去郵輪碼頭。船程只需10分鐘，每小時逢15分開出一班；回程每小時逢25分鐘由郵輪碼頭開出直達觀塘碼頭。渡輪詳情請參閱運輸署網頁。 #各區公園泊邊好 #九龍東 #寵物自駕遊 #親子自駕遊

兩層高日本人氣藥妝專門店「matsukiyo 松本清」旗艦店即將於10月21日在Fashion Walk隆重開幕，是在全港面積最大的分店，樓高兩層，佔地逾8,500呎。hello會員可獨家換領VIP優先入場證，率先於10月18日入場掃貨！由即日起，會員於恒隆商場手機應用程式可憑500 hello積分換領「matsukiyo 松本清」旗艦店VIP優先入場證乙張。首500位成功換領之會員，可於當日尊享九折優惠盡情購物；讚好並追蹤「matsukiyo 松本清」Facebook和Instagram，可額外獲贈松本清自家品牌「MK保濕潔面膏」。凡惠顧滿港幣300元更可獲贈開幕限定購物袋乙個。獨家禮遇豈止於此？開業首兩星期於店內惠顧滿港幣100元並登記成為新會員更可獲贈港幣20元松本清香港電子券，立即攜閨密摯友親臨開心掃貨，齊齊變靚！ 咁究竟去松本清應該泊邊好？ 1. Fashion Walk停車場  （按我導航）最近當然係泊番去Fashion Walk停車場啦，仲有免費泊車優惠添。時租又唔算太貴，當然我以同區黎講啦。 2. 柏寧酒店停車場 （按我導航）Wilson場呢期最抵玩嘅就係Wil積分喇，用3000積分就可以換到一個鐘，而喺咁多個Wilson場當中，柏寧酒店都算係時租價錢最貴而又可以用分換泊車嘅場，所以大家可以多多利用。但係記得，用積分時係可以換超過一張免費泊車券，然後一次過用黎泊車，係要一次過用。你用咗一張就無得再encore第二張架喇。 其餘皇室堡或者遠少少可以用The Point積分換泊車嘅wtc more，可以參閱以下地圖，地圖內有齊佢地嘅時租或者日泊價錢等等。 #銅鑼灣 #區區泊邊好

香港單車館公園位於將軍澳寶康路105-107號，佔地約5.3公頃。園內有廣闊嘅草坪和人工湖，仲可以畀你放搖控船添，呢度景觀優美。公園另設有多項康體設施，包括極限運動場、露天劇場、緩跑徑、運動攀登牆、兒童遊樂場，長者健體園地等等，唔少得嘅當然係喺單車館外租單車踩去海濱甚至係康城啦。 呢黎介紹呢個大草地夠晒畀小朋友跑跑跳跳。 仲有呢個都幾大嘅兒童遊樂場。 呢度有得租單車，同用Apps租嗰啲比就一定係貴喇架喇。但係話晒都係dup頭車，用shimano波箱、碟剎。好似離咗題添。 將軍澳公園 / 香港單車館公園泊車泊邊好？ 將軍澳運動場停車場（按我導航）最近就當然泊番佢旁邊個運動場停車場啦，不過都幾貴星期六$12 / 星期日$18 係半小時唔係一小時呀！所以想平就過條天橋，去下面介紹嘅尚德停車場喇。而將軍澳運動場停車場收費請參閱泊好先。 TKO Spot停車場（按我導航）TKO Spot即係尚德商場嘅新名。我知大家實會問點解唔介紹香港單車館停車場，明明又近又平。啱呀，佢真係平，但係因為佢太平，假日收費竟然十蚊都唔駛。咁所以你都無謂浪費時間去排，入面大把車係當月租咁泊。講番TKO Spot，想去將軍澳公園記得係泊去 A停車場同埋泊到上三樓，一出就見到條天橋，對面就係將軍澳公園。時租收費$21 / $24；仲有12/24小時泊。價錢詳情請參閱泊好先。 東港城 East Point City停車場（按我導航）位置距離計，南豐廣場同連理街都近過東港城。不過東港城車位足又平過晒其餘周邊嘅停車場，反正將軍澳係天橋之城，泊完車穿條天橋就去到南豐，咁梗係泊東港城啦，另外東港城仲可以用The Point積分換領免費泊車。時租收費$15 / $18。價錢詳情請參閱泊好先。 #香港各大公園 #親子自駕遊...