泊邊好標籤

標籤: 中環海濱活動空間

盛夏摩天輪 AIA嘉年華2021 (附泊車指南)

萬眾期待的大型夏日盛事「盛夏摩天輪」於7月30日在香港摩天輪及AIA Vitality 公園正式對外開放。「盛夏摩天輪」將以耳目一新的形式亮相,提供豐富娛樂體驗與大家一同迎接盛夏,當中包括經典攤位遊戲、家庭機動遊戲設施及超過30個多元化主題的巨型打卡位。 夏日打卡公園: 率先同超過20個巨大打卡位影相 活動最值得注目的當然少不了超過20個巨大打卡位的打卡公園,展出多個以奇幻動物派對作主題的拍攝造景,包括迷幻大猩猩、邁阿密紅鶴舞池、DISCO獨角獸及多隻侏羅紀公園恐龍模型等,為場地注入生氣活力。愛影相打卡的絕不容錯過! 人氣攤位遊戲及機動遊戲 |  蠃取超過30萬隻毛公仔 各款人氣攤位遊戲將登陸香港摩天輪,訪客可挑戰自己技巧贏取獎品,而大會則會有超過30萬隻毛公仔可供訪客贏走,絕對是「掟公仔迷」的天堂! 另外,場內亦會有適合一家大小的機動遊戲設施,如碰碰車、充氣滑梯、笨豬跳彈床、旋轉木馬等,遊戲節目之豐富足夠讓小朋友「放足電」! 盛夏摩天輪日期:7月30日至9月12日時間:星期一至五 : 12PM-10PM | 星期六及日 : 11AM-11PM地點:AIA Vitality Park售票:https://www.zicket.co/zh-hant/summer-at-the-wheel-tickets-hong-kong 駕車人士請參閱泊邊好文章中環海濱活動空間 (中環摩天輪) 泊車泊邊好?,我地已經為你列出最方便最近同最平嘅停車場選擇比大家。 #中環 #最新活動 #泊邊好 (相片來源:Hong Kong...

「小孩 • 毛孩」合家歡音樂日

是次活動,由荷蘭領事館支持,亦是 Dutch Days in Hong Kong(香港荷蘭日)的活動之一,為推廣荷蘭及歐洲的藝術音樂文化。除了有令人期待的黃昏管弦樂音樂會,此活動亦設荷蘭手工藝及樂器等主題的親子工作坊,小朋友更有機會一同參與其中音樂表演活動。一家大小可以席地野餐遊樂,逛逛文創市集,與毛孩享受合家歡音樂日,人寵共「樂」。 「小孩 • 毛孩」合家歡音樂日舉行日期: 7月11日開放時間: 下午12時 - 下午9時活動地點: 中環海濱活動空間 揸車嘅朋友如果需要考慮泊車停車場的話,請參閱泊邊好文章中環海濱活動空間 (中環摩天輪) 泊車泊邊好? #中環 #寵物自駕遊 #親子自駕遊 #最新活動

中環海濱活動空間 (中環摩天輪) 泊車泊邊好?

中環海濱活動空間經常都有活動舉行,有時會近摩天輪嗰邊,有時會近龍和道嗰邊,所以如果泊IFC再行過去龍和道都有少少遠,加上又無日泊。所以泊邊好為你搵黎以下幾個停車場以供參考。 1. 天星碼頭停車場(按我導航)如果個活動入口喺龍和道的話,就應該係泊下一個大會堂停車場近啲。不過由於行車方向既關係,梗係黎天星碼頭停車場睇咗有冇位先,無位先再去大會堂停車場啦。時租價錢與大會堂停車場一樣。 2. 大會堂停車場(按我導航)如果天星停車場無位,就過黎大會堂停車場啦。其實大會堂停車場仲近。呢兩個場嘅優點係夜晚7點後時租勁平,只需$17一個鐘(請參閱泊好先)。 3. 香港站停車場(按我導航)要平就遠少少架喇,時租原本係$37一小時(請參閱泊好先)。但係如果你識玩泊車轉乘的話,只需$19一小時咋!!玩法好簡單,當你泊車之後,安心去中環海濱活動空間玩,返黎時先於中環站拍八達通入閘扮搭車,然後於香港站出閘,港鐵會收你大約$4車資。然後你就可以直接攞車拍八達通出車,無需做任何登記。就可以享有$19一小時優惠喇。另外,如果你星期日去泊車的話,無需做任何動作,就可以享有$110日泊優惠。 #中環海濱活動空間 #中上環 #最新活動

「Home Sweet Woof! @SummerFest 2021」寵物 x 親子市集嘉年華

中環海濱活動空間喺2021年7月29日至8月6日舉辦為期9日嘅「Home Sweet Woof! Festival」,重係SummerFest《中環夏誌》2021整個活動嘅壓軸節目添! 《中環夏誌》首個「寵物」x「家庭」嘉年華,可以參加基礎犬隻訓練、孩子與毛孩初體驗、大人同小朋友都啱玩既手工藝手作坊及遊戲,仲有健康生活資訊嘅分享活動,又或者行吓寵物、家庭及手作品既愛家市集,行到攰仲有寵物鮮食、特色小食、手工啤酒等消暑飲品比一家大細同狗狗一齊嘆添!休息完又可以同狗狗入喪玩區大玩特玩,仲有狗狗降溫區俾狗狗沖身架!所以好歡迎大家帶埋狗狗一齊嚟㗎!最~最~最~重要嘅係免費入場添! 「Home Sweet Woof! @SummerFest 2021」寵物 x 親子市集嘉年華日期:2021年7月29日至8月6日地點:中環海濱活動空間 (香港中環龍和道9號)泊車好介紹:天星碼頭停車場、大會堂停車場,如果都無位嘅話,就唯有泊IFC 2期啦 #中上環 #寵物自駕遊 #親子自駕遊

鄭中基”Drive In Ultra – WEE are Ronald Cheng”自駕演唱會 2021

全香港首個Drive In演唱會,但係幾分鐘就無晒車位門票。咁想揸車去坐低睇既朋友去中環海濱活動中心泊車泊邊好? 1. 天星碼頭停車場(按我導航)暫時睇floor plan,估計個入口會喺龍和道。(Drive In既入口喺耀星街)所以泊大會堂停車場應該係最近,不過由於行車方向既關係,梗係黎天星碼頭停車場睇咗有冇位先,無位先再去大會堂停車場啦。時租價錢與大會堂停車場一樣。 2. 大會堂停車場(按我導航)如果天星停車場無位,就過黎大會堂停車場啦。其實大會堂停車場仲近。呢兩個場嘅優點係夜晚7點後時租勁平,只需$17一個鐘(請參閱泊好先)。 3.  IFC2期(按我導航)唔介意比多少少錢,但係想一定有位既,當然係直接泊入IFC啦,時租$28(請參閱泊好先),另外有免費泊車優惠,啱晒行街食飯再去睇暴龍哥既朋友。 鄭中基"Drive In Ultra - WEE are Ronald Cheng"自駕演唱會 2021時間: 2021 年 4 月 24 及 25 日(星期六及日) 7:30pm地點:中環海濱活動空間...

其他受歡迎的資訊