泊邊好標籤

標籤: 公園

啟德大道公園泊車泊邊好?

啟德大道公園位於啟德市中心,廣植花木,是市民休憩和舒展身心的好去處。 面積約3.2公頃的啟德大道公園鄰近啟德車站廣場,提供多元化的康體設施,滿足不同年齡人士的需要。設施包括主題花園、兒童遊樂場、健身設備和籃球場。 提提大家,寵物係唔可以入去啟德大道公園架! 啟德大道公園泊車泊邊好? 1. 啟朗苑(按我導航)最近啟德大道公園應該係啟朗苑,時租$18。如果佢無位就去下面介紹嘅啟晴邨,同樣係時租$18。 2. 啟晴邨 (按我導航) #區區泊邊好 #各區公園泊邊好 #親子自駕遊

沙田交通安全公園 (附泊車介紹)

交通安全就應該從細就培養既,所以反正帶小朋友出街玩,不如帶佢地公交通安全公園,既有得玩又可以學習吓。 全港一共有四個交通安全公園,各有特式,今次介紹既呢個位於沙田崗背街1號,即係河畔花園 / 花園城裏面。開放時間係朝8至晚11,免費入場,不過單車要自備。 自細就教佢地認識唔同既路牌,最好教埋佢地大車既盲點,咁將來出到街,都唔怕小朋友無啦啦跑出馬路。 沙田交通安全公園地址:沙田崗背街1號開放時間:每日上午8時至晚上11時查詢電話:2637 6303 駕車人士如果想去沙田交通安全公園,有好多停車場選擇。 1. 花園城一期 / 三期 (按我導航)花園城一期同三期都一樣價錢$18 / $26,而二期係不設時租的,價錢可參閱泊好先。正常黎講呢兩個場好少會滿,如果真係滿既話,泊河畔花園都可以,總之喺沙田圍嗰個圈入面你隨手泊一個都唔會太貴。如果你想要日泊,可以考慮下面既沙角邨,過條天橋,行5分鐘左右。 2. 沙角邨 (按我導航) 沙角邨係領展場,有免費泊車優惠,又有12泊同24泊。12泊只需$90 / $110 (價錢請參閱泊好先)。 #沙田 #公園 #親子自駕遊

水上運動及康樂主題區 | 水上單車 | 灣仔海濱長廊 (附泊車資訊)

https://youtu.be/TXJlZ2ohtlE 水上運動及位於灣仔海濱的維多利亞港首條「海岸堤階」連同鄰近長約280米的新海濱長廊將於下周五(十二月二十四日)正式開放,把港島北的海濱長廊延長四成至7.4公里,市民將可從石塘咀沿海濱區步行至炮台山。 位於灣仔北鴻興道的「水上運動及康樂主題區(第二期)」佔地約5 200平方米,包括長約280米的新海濱長廊,令港島北連貫的海濱長廊進一步延長至7.4公里。短短一段新長廊能令港島北海濱長廊的總長度增加四成,有賴「先駁通,再優化」的措施,兩端的海濱已有不少部分分別接通,而即將開放的地段就是拼圖中關鍵的一塊,正好把兩端連接起來。 主題區將全日開放,除了提供草地、戶外桌椅、遮陽及兒童遊樂等設施外,亦設有多功能活動場地,以及可供船隻上落水體的滑道,以便將來舉行水上競賽。有關設計已吸納水上運動團體的意見,包括他們過去兩年在主題區內港舉辦龍舟比賽、帆船環島大賽、樂天級小帆船等活動時收集的用家意見。 除上述設施外,市民由今日起可透過網站(www.coralseaferryservice.com.hk)租用場地內的20艘水上單車,當中三艘更是維港首批以本地創作人麥雅端的插畫作品「Chocolate Rain」為題的特別版。水上單車活動將試行半年,視乎反應再作安排。 水上單車開放時間:星期一至日 10:00-18:00每節45分鐘,二人船每節$200,四人船每節$280。新張期內有低至半價優惠!請按以上連結預約。 主題區亦是寵物友善場地,歡迎市民帶同繫上牽繩的寵物到訪。 主題區剩餘部分的用地,包括防波堤末端和鴻興道近香港遊艇會旁的部分用地,將會在相關工務部門釋出工地後展開海濱優化工程,預計在二○二二年底逐步開放予市民使用。 水上運動及康樂主題區地址及位置: 「水上運動及康樂主題區(第二期)」位於灣仔北臨時公共運輸交匯處至鴻興道天橋對開,從灣仔渡輪碼頭或灣仔北臨時公共運輸交匯處步行約五分鐘便可到達;如從灣仔港鐵站A5出口經行人天橋前往,步程約15分鐘;從銅鑼灣港鐵站C出口經堅拿道西天橋前往,步程則約九分鐘。 鷹港公眾停車場/鷹君中心(按我導航)除上落車道較窄外,本人覺得鷹港公眾停車場是首選。經行人天橋前往灣仔碼頭,步行5分鐘就到達水上運動及康樂主題區。呢度設有時租$31及日泊$180。(以泊好先為準) 距離黎講,泊銅鑼灣經堅拿道行人天橋過去都唔遠,官方上面講咗話9分鐘就到。但係可惜新時代中心停車場暫停營業,而銅鑼灣二期停車場又貴又無日泊。所以泊邊好介紹鷹君中心一個場,如果不幸爆滿,可選擇對面新鴻基中心或華潤大廈。 註:網絡圖片 #區區泊邊好 #灣仔

卑路乍灣海濱長廊泊車泊邊好?

卑路乍灣海濱長廊開咗已經一年,相信好多朋友都好想去又唔知點去架喇。其實佢係位於堅尼地城嘅城西道,即係卑路乍灣巴士總站旁邊。如果同之前介紹過嘅中西區海濱長廊 (西區副食品批發市場段) 相比起黎,卑路乍灣呢度細好多。不過卑路乍灣呢度勝在啱小朋友黎玩。因為佢嘅遊樂設施都係要你用腦自由組合去玩嘅。另外,公園既一旁仲有個養植植物嘅園區,仲可以買埋菜走,一齊黎睇啦。 要去卑路乍灣海濱長廊,就要由士美菲路同城西道交界嘅行人過路燈過去巴士總站方向,即係上圖嘅位置。 過咗巴士總站,眼前呢一大遍空地就係卑路乍灣海濱長廊喇。 喺呢度玩可以盡情發揮你嘅小宇宙,你見到啲卡板同小朋友坐住嗰個箱下面都係有轆嘅。有人當車坐,有人叠起佢做迷宮。 呢度有一個比寵物黎玩嘅空間添。 上面個溫室要join導賞團先入得嘅。 玩到攰,呢度有間Cafe。 仲可以買埋菜返屋企,係咪好特別呢?至於泊車泊邊好?繼續睇落去。 時租日泊步程 美暉大廈停車場 $18/$20$96 星期一至五(入車至當晚23:59) 2分鐘 堅尼地城停車場 $13N/A4分鐘 海怡花園停車場 $22$115星期一至五(入車至當晚23:59)4分鐘 1. 美暉大廈停車場(按我導航)美暉大廈停車場算正正常常,位置算近又唔太貴。時租$18 / $20,星期一至五仲有日泊。呢度好多年都無加過價喇。《收費詳情》 2. 堅尼地城停車場(按我導航)亦即係有啲人叫佢做〝士美菲路市政大廈停車場〞。呢度係全堅尼地城最多位最正常嘅場仲要係政府場添,所以都幾經常爆滿,時租收費$13,相當抵泊。但係可能地區問題啦,加上政府場都係少許窄架喇,不過勝在夠光猛同啲位睇到就一定泊到咁滯,所以都非常值得大家一試。《收費詳情》 3. 海怡花園停車場(按我導航)海怡花園停車場收費較貴,$22一小時,星期一至五有日泊。另外就係佢嘅地獄指數達4粒星。上落車道超窄,仲要勁多柱,入到去好似去咗竹林深處咁,車位又窄,聞說有啲位你睇到但係唔會泊到,有啲位泊到落唔到車。如非必要,泊邊好建議大家泊附近嘅堅城中心停車場,時租收費一樣,只係無日泊。《收費詳情》 #各區公園泊邊好 #西區

東岸公園主題區泊車泊邊好?

位於銅鑼灣天后興發街至屈臣道 (即係東區走廊天橋底) 之間嘅東岸公園主題區將於2021年9月25日開放。呢度有一條170米長既防波堤,仲有草地休憩空間同埋兒童遊樂設施。而最重要嘅係,呢度將會係全港島首個不設欄杆嘅斜堤。 而早前發展局搞嘅維多利亞港字型藝術裝置設計比賽亦已經有結果,得獎者就係黃鋈暉同林熹敏,佢地所創作既巨型字體藝術裝置就會喺呢個東岸公園主題區度展出,到時大家就可以去打咭喇。 東岸公園主題區泊車泊邊好? 1. 天后海景大廈停車場(按我導航)呢個場真係又近又平,泊完車行去公園都唔駛兩分鐘。而最抵嘅係,逢星期日及公眾假期,時租半價!!不過位就唔太多,仲要留匙,同埋注意呢個場星期一至日都係收八點。價錢詳情請參閱泊好先。 2. 維多利中心停車場(按我導航)就喺上面介紹嘅海景大廈停車場正對面,所以行出去東岸公園一樣咁近。呢個仲係多層停車場黎添,位就一定夠,只係價錢貴好多。價錢詳情請參閱泊好先。 3. 海峰園(露天)停車場 (按我導航) 想要日泊的話,可以考慮海峰園,日泊只需$120,但係記住,係泊露天嗰個,而唔係屋苑嗰個,屋苑嗰個係$160的。簡單講,去到停車場口,轉左就係露天,直去就係屋苑。價錢詳情請參閱泊好先。 最後講埋啦,屈臣道同埋威非路道都有數十個錶位的。所以你可以先輚入去威非路道經興發街同景明道入番去屈臣道睇咗錶位先。 #各區公園泊邊好 #銅鑼灣

觀塘海濱公園 / ​觀塘海濱音樂噴泉泊車泊邊好?

觀塘海濱公園都開咗幾年,而因為價值5000萬嘅音樂噴泉嘅啟用令到更多市民想去觀塘海濱公園睇吓。 註:觀塘海濱道公園亦會在本文後半部介紹,泊車位置跟觀塘海濱公園相同。 觀塘海濱公園位於觀塘繞道天橋底,有多種康樂設施,包括有1000米長嘅海濱步道比你跑步、亦有特色塔樓地標、兒童遊樂場、健身站、觀景亭同感官花園等等。 一般人都諗住佢近住觀塘碼頭,所以就會諗泊車泊去萬兆豐中心或者絲寶國際大廈或者宏基資本大廈。咁諗就錯晒啦,又貴又少位。今日泊邊好為你介紹兩個比較新開嘅停車場,當中仲有女士專用車位比女車主用添,咩黎?一齊黎睇落去啦。 1. 綠景NEO停車場(按我導航)綠景NEO停車場其實就係喺絲寶對面,亦即係觀塘海濱公園對面。有中速充電器,又多位,極少爆滿。時租只需$20,又有日泊,不過未係最平,陣間再講。而佢最特別嘅係有"女士專用車位",有去過泊嘅女司機話啲位真係闊啲架喎。我都泊過呢個場,不過見到咁樣真係唔好意思泊埋去,上多一層泊充電位好過。價錢詳情請參閱泊好先。 2. 海濱匯停車場(按我導航)雖然海濱匯停車場就遠咗少少咁多,其實真係好少。過多一條馬路咁大把。但係佢係全條海濱道最平嘅停車場。星期六日黎泊只需$16,日泊仲要係$60。所以喺呢度泊車真係完全唔駛睇錶。揸電動車嘅朋友仲開心,呢個場係全場都係充電位,有慢叉13A、有中叉仲有中電快叉。車位又多。絕對無介紹錯架。價錢詳情請參閱泊好先。 觀塘海濱道公園 觀塘海濱道公園位於綠景NEO旁邊,觀塘海濱公園對面,所以你只需要參考上面嘅泊車介紹就可以。海濱道公園算係一個比較靜態嘅公園,所以你睇相見到除咗少量健身設施之外,都係以大草地為主。 (圖片來源:康文+++Facebook Page) 相關文章: 觀塘泊車泊邊好 - Parkbin 泊邊好The Wave / 觀塘工業區 泊車泊邊好? - Parkbin 泊邊好 #各區公園泊邊好 #九龍東 #親子自駕遊

鴨脷洲風之塔公園泊車泊邊好?

風之塔公園雖然開咗十多年,但係佢位於香港仔避風塘南邊,景靚又可以順手坐街渡去香港仔,都係幾有趣嘅體驗黎,特別係喺市區成長嘅小朋友,依家搭船嘅機會都唔多,莫講話街渡添。 呢度有個細細嘅遊樂場,但係黎得呢度都唔係為咗佢,有就算啦。 再行過少少有呢個表演場地,疫情前都好多地區活動搞嘅,依家就當櫈坐啦。 呢度仲有個室內嘅常設展覽,介紹造船業嘅歷史,免費入場架! 終於講到戲肉,風之塔。可惜依家因為要興建電梯而暫時封閉。等我為大家介紹吓佢先啦,佢係一座真係可以畀你行上去既觀景台,高10米。外形就好似一艘傳統漁船。行上觀景台就可以望晒成個香港仔避風塘景色。而呢座塔有個特色就係佢有個會因為當時風速而變色嘅電子指示燈,當風速超過一定速度時就會禁止遊人上塔。而最勁嘅係,呢個電子指示燈係用太陽能發電嘅。十年前黎講好勁架喇。 香港仔 - 鴨脷洲街渡 喺風之塔公園旁邊,你會見到呢個〝碼頭〞,就可以搭街渡去對面岸嘅香港仔海傍。船程唔駛5分鐘,船費只需$2.5咋!如果香港仔塞車或者停車場無位,泊過黎鴨脷洲再轉街渡過去香港仔,計番都有著數丫。 鴨脷洲風之塔公園泊車泊邊好? 1. 鴨脷洲海濱長廊停車場(按我導航)最近又最平就梗係爛地停車場啦,呢個場都幾唔起眼,無乜招牌,你去到仲以為係街市嘅上落貨區。價錢詳情請參閱泊好先。 2. 悅海華庭停車場(按我導航)唔想部車晒就泊室內場啦,都係好近碼頭,仲有日泊同24小時泊。泊完去香港仔嘅朋友就一流。價錢詳情請參閱泊好先。 #南區 #其他泊邊好文章 #公園

渡輪碼頭畔主題區 | 灣仔海濱長廊 泊車泊邊好?

灣仔臨時海濱花園位於灣仔會展至新灣仔碼頭之間,大家睇相都可以睇到都幾靚咁啦。至於泊車方面,可以參考香港會議展覽中心泊車泊邊好。你可以考慮泊入會展再行過黎,或者泊鷹港公眾停車場/鷹君中心,泊車後沿行人天橋行去灣仔碼頭方向就到。 如果你想去可以踩水上單車嘅水上運動及康樂主題區,只需往鴻興道方向行5分鐘就到。水上單車預約及詳情請參閱 水上運動及康樂主題區 | 水上單車 | 灣仔海濱長廊 (附泊車資訊)。 #其他泊邊好文章 #灣仔

其他受歡迎的資訊