泊邊好標籤

標籤: 分區泊邊好

旺角T.O.P 彌敦道700號泊車泊邊好?

T.O.P商場本身無停車場,附近嘅旺角中心都係無,揸車去嘅朋友就好麻煩。所以泊邊好為你揀咗最近同最平嘅停車場比大家。始創嗰啲長期無位嘅我哋當然無謂講。睇咗以下嘅比較先。 停車場時租步程中華基督教會望覺堂$38/$424分鐘洗衣街露天停車場$295分鐘旺角道壹號$237分鐘 1. 中華基督教會望覺堂停車場(按我導航)距離計係最近,不過你睇停車場名就知佢都唔係預外人會黎泊,所以收費極貴,除非你泊一泊攞野就走,否則建議寧願泊下面介紹嘅露天場。 2. 旺角洗衣街露天停車場(按我導航)旺角新開嘅爛地場,位置喺原本嘅聯運街露天停車場旁邊,不過入口改咗喺洗衣街港九潮州公會中學旁邊。所以一定要經洗衣街入,旺角道係入唔到的。咁爛地場價錢就會平啲架喇,時租$29,仲有日泊$150同夜泊$95。特別係夜泊相當抵泊,一至日夜晚6點後入車就可以$95泊到第二朝。 3. 旺角道壹號停車場 (按我導航) 反正依家條行人天橋已經開通咗,咁就可以泊遠少少都唔怕。所以今次介紹呢個可以話係全旺角最平嘅場,時租$23,已經短期內加咗幾次價,都仲係$23。真係好平,唯一缺點係要入車Lift。但係佢有一個優點,就係有全日泊,只需$150就可以泊到當晚12點,星期一至日通用。 時租價錢詳情,請按以下地圖: #區區泊邊好 #旺角

香港太空館泊車泊邊好?

香港太空館經過超過一年既翻新之後,喺2021年7月終於重開喇。但係去香港太空館究竟泊邊先好?泊邊好當然會為你解決泊車問題啦,今次為你介紹周邊3個最近又最平嘅停車場俾大家。有一個仲可以用$8泊6個鐘添。 1. 海港城 (海運大廈) 停車場(按我導航)海運大廈停車場就應該係人都識架喇,車位夠多,仲有免費泊車優惠。適合行街shopping再去文化中心嘅你。泊車後沿住尖沙咀碼頭巴士總站方向行5分鐘內就到。免費泊車優惠請按以下hashtag瀏覽商場專頁。停車場時租價錢請參閱泊好先。 2. K11 Musea(按我導航)K11 Musea又係另一個又近又有免費泊車優惠嘅停車場,如果你係夜晚去睇show的話,K11 Musea更加係首選。因為佢依家做緊一個 #限時夜泊優惠,只要你喺佢個商場嘅指定食肆任何消費的話,就可以由下午5點免費泊車至晚上12點。我當你去指定食肆買杯汽水咁計,十元八塊就可以泊足6個鐘。仲平過入錶呀!免費泊車優惠請按以下hashtag瀏覽商場專頁。停車場時租價錢請參閱泊好先。 3. 中間道停車場 H Zentre(按我導航)H Zentre做緊泊兩小時或以上,無條件免費一小時優惠,無需登記,無需消費,直接拍八達通出閘就會減番,係近期去尖沙咀既不二之選。另外,黃昏六點後入車時租價錢只係$15!全尖沙咀最平,再用埋上面講嘅免費一小時優惠,即係俾$15就可以泊2個鐘,又係平過入錶。同埋,中間道停車場個夜泊超平,只需$90就可以由晚上6點泊到第二朝8點。時租價錢請參閱泊好先。 #其他泊邊好文章 #海港城 #K11 Musea #H...

香港文化中心泊車泊邊好?

好多人都問香港文化中心泊邊好,泊邊好當然會為你解決泊車問題啦,今次為你介紹周邊3個最近又最平嘅停車場俾大家。有一個仲可以用$8泊6個鐘添。 1. 海港城 (海運大廈) 停車場(按我導航)海運大廈停車場就應該係人都識架喇,車位夠多,仲有免費泊車優惠。適合行街shopping再去文化中心嘅你。泊車後沿住尖沙咀碼頭巴士總站方向行5分鐘內就到。免費泊車優惠請按以下hashtag瀏覽商場專頁。停車場時租價錢請參閱泊好先。 2. K11 Musea(按我導航)K11 Musea又係另一個又近又有免費泊車優惠嘅停車場,如果你係夜晚去睇show的話,K11 Musea更加係首選。因為佢依家做緊一個 #限時夜泊優惠,只要你喺佢個商場嘅指定食肆任何消費的話,就可以由下午5點免費泊車至晚上12點。我當你去指定食肆買杯汽水咁計,十元八塊就可以泊足6個鐘。仲平過入錶呀!免費泊車優惠請按以下hashtag瀏覽商場專頁。停車場時租價錢請參閱泊好先。 3. 中間道停車場 H Zentre(按我導航)H Zentre做緊泊兩小時或以上,無條件免費一小時優惠,無需登記,無需消費,直接拍八達通出閘就會減番,係近期去尖沙咀既不二之選。另外,黃昏六點後入車時租價錢只係$15!全尖沙咀最平,再用埋上面講嘅免費一小時優惠,即係俾$15就可以泊2個鐘,又係平過入錶。同埋,中間道停車場個夜泊超平,只需$90就可以由晚上6點泊到第二朝8點。時租價錢請參閱泊好先。 #其他泊邊好文章 #海港城 #K11 Musea #H...

香港科學館泊車泊邊好?

香港科學館終於翻新完畢,即刻好多網友問香港科學館泊邊好喎?等我哋話你知啦,其實科學館附近最少都有四個停車場咁多,加上價錢又差唔多,所以都好容易有位泊,等我哋由最平講到最貴啦。 時租日泊新東海商業中心$24N/A康宏廣場$25$160(07:00-19:59)港晶中心$25$130(08:00-19:59)希爾頓大廈$28$180(入車起計10小時) 1. 新東海商業中心(按我導航)新東海商業中心未必係最近科學館嘅停車場,但係都唔會遠好多,過條馬路就到科學館,步程都只係 3 分鐘。不過新東海啲位都幾闊落,車位又多,星期六日都有專屬升降機上落,一家大細就最方便。時租$24,不設日泊。價錢詳情請參閱泊好先。 2. 康宏廣場停車場(按我導航)康宏廣場停車場就喺上面講嘅新東海旁邊,不過個停車場入口就喺康達徑,即係兩個停車場都係要兜路入。想順路啲嘅就要睇埋以下介紹嘅兩個場,不過咁後先介紹,一定有古惑嘅。講番康宏先,時租$25,日泊$160。價錢詳情請參閱泊好先。 3. 港晶中心停車場(按我導航)港晶中心停車場應該非常出名喇,以前仲係唱K嘅年代大家都應該泊過,佢嘅缺點係要搭車Lift,所以有時要留匙。地獄指數3星。價錢詳情請參閱泊好先。 4. 希爾頓大廈停車場(按我導航)呢個場我哋其實唔太介紹大家泊的,有人泊過話好闊落好光猛。但係佢門口就係泊車檔,品流就複雜少少,所以我哋都唔敢入去泊,大家有興趣嘅可以去試吓。如果講距離計,希爾頓其實係最近科學館入口嘅,仲可以行天橋過去添。價錢詳情請參閱泊好先。 最後同各位爸爸媽媽介紹番呢個 "博物館通行證",只需$100,就可以有最多 4 人(需記名)全年免費出入香港 7 間收費博物館,包括香港歷史博物館、香港文化博物館、香港藝術館、香港海防博物館、孫中山紀念館、香港科學館及香港太空館嘅常設展館。你淨係睇科學館嘅成人收場費都要$20,所以呢$100包一家四口仲要全年任玩的確係當相抵deal。 #全港博物館 #泊邊好 #尖沙咀

西九文化區 / M+博物館泊車泊邊好? 及 免費泊車優惠

西九文化區設有三個停車場,如果你計埋戲曲中心的話有四個添。而最近西九文化區嘅自由空間就泊藝術公園(E區)停車場,而如果你想去公園的話就可以泊項目辦公室停車場。當中項目辦公室停車場嘅時租價錢仲平啲添,不過就露天囉。 講咗咁耐不如睇咗地圖先,唔係睇到一舊雲。我哋係由右手邊講起,即係近九龍站、M+嗰邊係行車入口: 跟住落黎,我地沿住柯士甸道西入口順序介紹呢三個停車場: 1. F區停車場 / M+博物館(按我導航) F區停車場明顯係為咗M+博物館而設嘅,註:M+博物館已於2021年11月12日開幕。不過如果下面嘅E區停車場無位都可以泊佢嘅,反正喺旁邊咁近。兩個停車場同價:$28 / $32。 M+博物館入場預約網址:按此連結 M+博物館開放時間:星期二至四、週末及公眾假期:早上10時至下午6時星期五:早上10時至晚上10時星期一:休館 泊邊好專員Y爺原來係M+博物館嘅VIP,仲已經優先入咗去睇。佢仲推介咗幾個入場必睇必打卡嘅藝術品,同埋入場排隊攻略。當中有一件藝術品,每人限睇30架咋!!係咪好珍貴呢?想知就去呢篇文章度睇定先啦>> 西九文化區 | M+博物館優先睇 | 六大展區 | 必睇打咭推介 | 排隊攻略 2. 藝術公園(E區)停車場(按我導航) 一開頭就講咗,要去西九文化區嘅自由空間,泊E區呢個就最近,所以假日常滿。時租價錢$28 / $32,之前星期一至六既日泊優惠已取消,不過多咗夜泊19:00-06:59,星期一至四$80;星期五至日$100。另外,E區停車場有十數個中速充電站,相當方便。價錢詳請請參閱泊好先。 3. 項目辦公室停車場(按我導航) 如果你只係想去公園或者近海嗰邊放吓狗的話,泊項目辦公室停車場就近啲,時租$28 / $32,價錢詳請請參閱泊好先。 西九文化區免費泊車優惠 (只適用於E區及F區停車場;任何一間指定餐廳或輕食店以電子消費滿以下金額) 日期$200或以上$400或以上星期一至五2小時2小時星期六日及假期1小時2小時 註:以下收據不適用於免費泊車禮遇:任何以現金或禮券或商戶現金券付款的收據;任何購買自由空間(包括但不限於留白Livehouse)演出門票的收據;任何於留白Livehouse其他消費的收據;及任何重印、影印本或手寫收據。 兌換櫃檯位置:藝術公園(E區)B1停車場服務中心 本文所有相片取材自西九文化區網站 (https://www.westkowloon.hk/tc/home) 只為介紹泊車用途 未咁快完!圓方Elements 做緊5小時免費泊車優惠,星期日及公眾假期,喺九龍站門外仲有紅頂小巴直達西九文化區,腳骨力都慳返。想知圓方Elements免費泊車優惠玩法?請參閱泊邊好文章Elements...

油麻地泊車泊邊好

https://www.youtube.com/watch?v=e1bezfBnBQ4 自從油麻地多層停車場拆卸之後,想喺油麻地泊車就真係難。有見及此,今集區區泊邊好會介紹4個喺油麻地多層停車場附近既停車場畀大家參考,希望幫到大家。咁當然會順路介紹埋該去既景點啦。最後仲會同大家破地獄,揸部BMW 330i出入德興街嘅伊利停車場,仲有秘技教大家點樣可以安全逃出四樓,有興趣嘅朋友可以先睇片,想直接睇停車場資訊嘅請參閱下面: 時租日泊駿發花園$25 / $28$135 (07:00-18:59)$150 (入車至同日23:59)鴉打街爛地$30N/A彌敦道238號$30N/A寶來大廈(5星地獄場)星期一至六$20 (00:00-17:59)$26 (18:00-23:59)星期日$20$120 (08:00-17:59)入車時需與職員登記日泊 駿發花園停車場(按我導航)位置黎講最近油麻地多層停車場嘅正規停車場,亦係去菓欄買生果嘅首選,不過由於選擇少,所以都幾FULL吓。價錢$25 / $28,仲有日泊,價錢詳情請參閱泊好先。 鴉打街露天停車場(按我導航)位置一定係靚,近廟街煲仔飯,喺正廟街牛雜旁邊。只係爛地場你敢唔敢泊,時租$30仲有夜泊。價錢詳情請參閱泊好先。 彌敦道238號停車場(按我導航)如果你想去近佐敦呢邊,又唔想去到童軍中心咁遠的話,無可避免要黎德興街。不過原來德興街除咗出名地獄嘅伊利停車場之外,畀多十蚊,有呢個正正常常嘅彌敦道238號停車場,外表好似好舊咁你經過都唔敢泊入去,但係裏面原來好光猛,仲有自動門同升降機上番地面,時租$30。價錢詳情請參閱泊好先。 寶來大廈伊利停車場(按我導航)馳名5星地獄場,出入通道勁窄,未去過嘅朋友請睇咗上面條片先好決定去唔去,不過出奇地車位原來勁闊,加上地獄嘅關係,時租特平,$20 / $26 仲有日泊,都係嗰句,睇咗片你有信心先好去。價錢詳情請參閱泊好先。 #泊邊好文章 #搵食自駕遊 #親子自駕遊 #遊樂自駕遊 #旺角 其餘熱門泊邊好文章:東涌泊車泊邊好?D2 Place滿晒附近泊車泊邊好?港外線碼頭搭船去離島玩泊車泊邊好?全港Donki尋寶地圖海洋公園泊車泊邊好The Wave / 觀塘工業區 泊車泊邊好?

618上海街泊車泊邊好?

618上海街係由市建局活化保育而改建成既商場,呢度係本港較少擁有完整騎樓嘅唐樓群,所以喺呢次保育入面,騎樓同麻石柱佔咗好重要嘅一環,你仲可以睇到1920年代嘅老店風貌同廣告。 叫得做商場,但係呢度啲鋪都係以懷舊同特式為主,例如有一間鋪係賣80年代日用品嘅,例如以前工廠妹必備嘅銀色鋁質飯壺你見過未?仲有日式古著店同埋懷舊文具鋪連餐廳,想睇嘅自己揸車去睇啦! 講咗咁耐,究竟去618上海街泊車泊邊好? 1. 朗豪坊停車場(按我導航)以距離黎計同知名度黎講,泊朗豪坊都係首選,不過價錢貴同埋星期六日長期排隊呢個問題就解決唔到嘅。唔想排隊就睇埋下面嘅介紹啦,至於朗豪坊停車場時租價錢詳情請參閱泊好先。 2. 廣東道1112號多層停車場(按我導航)唔想排隊又想平少少嘅話,廣東道呢個場啱晒你。其實又唔係話遠好多,豪華戲院你仲記唔記得喺邊?就係喺嗰度行番出上海街之嘛,5分鐘都唔駛。時租只需$28,平朗豪坊成十蚊一個鐘呀!價錢詳情請參閱泊好先。 3. 旺角道壹號停車場(按我導航)泊邊好介紹得比你點止咁少?再搵多一個再平啲嘅場比你,只需$23一個鐘,仲要行少一條馬路。係咪好吸引先?唯一缺點係要入車LIFT,唔知點解好多人都好怕入車LIFT,明明同泊位一樣之嘛。價錢詳情請參閱泊好先。 #泊邊好文章 #搵食自駕遊 #親子自駕遊 #遊樂自駕遊 #旺角 其餘熱門泊邊好文章:東涌泊車泊邊好?D2 Place滿晒附近泊車泊邊好?港外線碼頭搭船去離島玩泊車泊邊好?全港Donki尋寶地圖海洋公園泊車泊邊好The Wave / 觀塘工業區 泊車泊邊好?

合味道紀念館香港泊車泊邊好?

仲記唔記得以前喺機場T2見到一家大細拎住個好似汽球咁既自製杯麵?依家無得去旅行,又無乜親子好活動?唔怕,因為合味道紀念館返黎喇,今次仲要開喺鬧市添! 合味道紀念館香港位於尖沙咀中港城商場,佔地一萬平方呎,應該就大過機場T2好多喇,入面仲有3個工作坊,當中有一個仲係全球獨有!! 1. 榖物麥片工作坊 (My Granola Factory) 2. 我的合味道工作坊 3. 出前一丁工作坊 除咗工作坊之外,打咭位當然唔少得啦,呢度有巨型杯麵。 門票及開幕日期尚未公佈,由於泊車優惠等資料有待更新,故此泊車泊邊好介紹將於合味道紀念館香港開幕後再補上。 無得去旅行,合味道紀念館香港又未開幕,不如等泊邊好帶你重溫吓日本橫濱嘅杯麵博物館(合味道紀念館橫濱)先丫! 合味道紀念館香港終於開幕喇,有興趣既朋友請即刻去以下網址預約啦!https://www.cupnoodles-museum.com.hk/ 地址:九龍尖沙咀廣東道33號中港城2樓26-35號電話:3406 6600時間:一、二、四、日: 上午11:15 -下午 8:15 五、六、公眾假期:上午11:15 -下午 9:15 ...

其他受歡迎的資訊