spot_img

深水埗泊車泊邊好

深水埗違泊多塞車多,就算你想比錢入停車場,都地獄到你唔想泊。本文會教大家喺深水埗既黃金高登一帶為中心點,去介紹泊車泊邊好。如果你係想去以下地方既請參閱另文介紹:

西九龍裁判法院泊車泊邊好?
南昌公園泊車泊邊好?


時租日泊
金必多大廈$30 / $34NIL
石硤尾邨$18$90
The Campton$28$160
長沙灣政府合署$30 / $40$130 (六、日)
西九龍中心$25NIL
麗安邨$24 / $25$125

1. 金必多大廈按我導航
3星地獄場,價錢貴,加上元州街長期塞車。其實都無乜理由會泊佢,除咗近高登。


2. 石硤尾邨按我導航
如果你唔介意穿條隧道行8分鐘的話,泊過黎石硤尾邨係最平嘅。仲有日泊添。不過,有日泊既場缺點就係排長龍好難等。啲車唔走。所以要泊就最啲黎,11點前要入場。


3. The Campton 按我導航
呢個新場絕對係呢一區依家既首選,雖然價錢貴過西九龍中心$3,但係呢度又闊又多位。仲有中速充電器同Tesla Wall Connecter,喺呢區黎講,係電動車主既福音。加上佢行過去高登都只係5分鐘唔駛,去運輸署都係過條馬路,所以小編極力推薦。


4. 長沙灣政府合署按我導航
呢個場真係好貴,閒日中午時段要成$40一個鐘,所以只適合喺附近攞一攞就走既朋友,唯一優點係出入口喺長沙灣道,可以避塞車。佢既收費都幾覆雜,詳情請按下面地圖。
註:呢個場仲係用停車票出入,所以出閘前要去繳費處比錢。


5. 西九龍中心 按我導航
西九龍中心基本上唔駛介紹,唔駛排隊的話實係泊佢。時租算平,又有免費泊車優惠。唯一係佢上落部電梯又熱又多人。


6. 麗安邨按我導航
如果你需要日泊,就要考慮佢喇。喺正西九龍中心後面。不過又因為有日泊既關係,請早啲黎排,11點前唔入車都幾難有位。


註:網絡相片

#區區泊邊好 #西九龍中心

spot_img