好多人都問香港文化中心泊邊好，泊邊好當然會為你解決泊車問題啦，今次為你介紹周邊3個最近又最平嘅停車場俾大家。有一個仲可以用$8泊6個鐘添。 1. 海港城 (海運大廈) 停車場（按我導航）海運大廈停車場就應該係人都識架喇，車位夠多，仲有免費泊車優惠。適合行街shopping再去文化中心嘅你。泊車後沿住尖沙咀碼頭巴士總站方向行5分鐘內就到。免費泊車優惠請按以下hashtag瀏覽商場專頁。停車場時租價錢請參閱泊好先。 2. K11 Musea（按我導航）K11 Musea又係另一個又近又有免費泊車優惠嘅停車場，如果你係夜晚去睇show的話，K11 Musea更加係首選。因為佢依家做緊一個 #限時夜泊優惠，只要你喺佢個商場嘅指定食肆消費滿$50的話，就可以由下午5點免費泊車至晚上12點。免費泊車優惠請按以下hashtag瀏覽商場專頁。停車場時租價錢請參閱泊好先。 3. 中間道停車場 H Zentre（按我導航）H Zentre做緊泊兩小時或以上，無條件免費一小時優惠，無需登記，無需消費，直接拍八達通出閘就會減番，係近期去尖沙咀既不二之選。另外，黃昏六點後入車時租價錢只係$18！全尖沙咀最平，再用埋上面講嘅免費一小時優惠，即係俾$18就可以泊2個鐘。同埋，中間道停車場個夜泊超平，只需$95就可以由晚上6點泊到第二朝8點。 #其他泊邊好文章 #海港城 #K11 Musea #H...

香港鐵路博物館前身係舊大埔墟火車站，於1913年建成。由於80年代初九鐵將火車電氣化，所以喺1983年啟用咗新既大埔墟站 (即現時新達廣場對出嗰個)，所以沿有既舊大埔墟火車站就喺1984年列為法定古蹟，並改建成博物館。 亦都因為咁，所以香港鐵路博物館得以保留19世紀初香港既中式建築並夾雜英文標誌嘅特式。而最吸引人嘅地方特別係依家啲人叫呢度做文青打咭熱點，就係因為呢度展出咗 7 個歷史車卡，等小編呢個電車男為大家介紹吓。 首先有呢部係手搖四輪車，簡單講即係人力車，仲要左右各一個人用力推先會郁嘅車。當年係用黎檢查路軌或者緊急救援視察時可以高速去到現場。高速既定義係快過跑OK？ 呢部係1912年沙頭角支線通車時用過嘅蒸汽火車頭，呢條線你問你阿爸或者我阿爸都未必聽過。佢仲要係用窄軌運行嘅火車線。唔明？算，當我無講過。 睇埋火車嘅內部先，無風扇嗰用木櫈嘅就1911年嘅普通等車廂，有風扇嗰兩部好明顯一部係普通等一部係頭等啦，呢兩個車廂都係60年代後嘅產品，所以終於有電風扇同光管。 呢部51號叫亞歷山大爵士號，係G12型柴油機車，呢款火車頭喺台灣仲服役緊架，以前啲料真係耐用。不過為咗展出呢部亞歷山大爵士號，所以同一位置原本展出嘅前九廣鐵路黃色火車頭就無咗。我諗大家會想睇嗰部多過呢部亞歷山大爵士號既。 香港鐵路博物館最新開放安排開放時間星期一、三至日　　　　　: 上午10時至下午6時聖誕前夕及農曆新年除夕　: 上午10時至下午5時星期二(公眾假期除外)、農曆年初一及初二休館 地址：香港大埔大埔墟崇德街13號 入場費：免費 香港鐵路博物館泊車泊邊好？ 寶鄉邨停車場（按我導航）距離最近香港鐵路博物館嘅停車場，就係寶鄉邨停車場。呢度仲有中速充電器，揸電車嘅朋友都啱用。屋邨場價錢平又有日泊同24小時泊優惠，價錢請參閱泊好先。 如果寶鄉邨停車場無位的話，可以去崇德街搏吓咪錶位。唔介意行遠多兩步嘅，靖遠街咪錶位會易啲有位。 #其他泊邊好文章 #大埔

呢幾年抄牌拖車都好密，真係唔可以再泊低部車走咗去買海味。其實海味街附近都有唔少停車場，今日就等我地為大家介紹吓。 時租日泊一洲國際廣場$29NIL粵財大廈$20$120(08:00-19:59)中銀信用卡中心$30NIL縉城峰$24NIL 一洲國際廣場停車場（按我導航）睇名你未必知喺邊，但係講馬會或者好彩酒樓就應該好多人識。不過停車場入口喺威利麻街。 粵財大廈停車場 （按我導航） 你見佢咁平就一定知有問題。佢係四星地獄場黎，地獄原因係要入車Lift，仲要部Lift好窄。一部七人車加左右鏡係咁多，仲要係最難玩既尾入頭出。如果你泊五樓都還好，雖然係露天，不過通道闊好多。如果阿叔叫你泊三樓 (機會細啲)，一出Lift左右都係柱，考起好多人。呢個場只收現金，有可能要留匙。 中銀信用咭中心停車場 （按我導航） 未泊過，無乜評語。睇落正正常常咁。不過價錢較貴同距離遠咗少少。多數人會泊一洲國際。 縉城峰停車場 （按我導航） 如果你想去西營盤地鐵站、東邊街、正街嗰邊，可以泊縉城峰停車場。有啲人話佢只限訪客，但係我地有車友去泊過完全無問題。但係唔排除要睇門口阿姐面色。 (註：相片取材自Queens18F@Wiki) #區區泊邊好 #香港島區區泊邊好

大家行西隧時有冇見到西區副食品批發市場外面有個公園好大好靚呢？呢個就係去年新開嘅中西區海濱長廊喇，而呢一部份係稱為西區副食品批發市場段。呢一段嘅公園係畀小朋友放電用嘅，如果你想帶寵物去玩的話就要去中環段 (2022年4月21日起已開放俾寵物喇)。睇吓下面嘅相，呢個公園嘅設計係用番海濱黎做主題，好睇又好玩。 呢度分咗４段，由兒童遊樂場開始計係第１段，下圖見到嘅就係第３段。過咗第４段之後會去到另一個相連嘅公園。 係咪好想玩哆啦A夢入面嘅大水管呢？香港都有得玩喇！呢度就係豐物道海濱休憩用地喇，又稱「捐山窿」公園。一場黎到海濱長廊梗係過黎玩埋個大水管啦。 中西區海濱長廊 (西區副食品批發市場段) / 豐物道海濱休憩用地（「捐山窿」公園）開放時間：24小時開放 中西區海濱長廊 (西區副食品批發市場段) 泊車泊邊好？ 香港商業中心停車場（按我導航）如果你係想去遊樂場嗰邊嘅，距離計最近係泊香港商業中心。泊完車沿電車廠方向經紅綠燈行幾分鐘就到中西區海濱長廊。香港商業中心呢度有一田超市，方便你玩完順手買餸返屋企。黎一田購物仲有免費泊車優惠，詳情請參閱泊邊好香港商業中心專頁。入車前記得睇清楚係第一個停車場，上面中間紅色寫住〝香港商業中心〞嗰個先係呀。 中山紀念公園體育館停車場（按我導航）如果你係想去「捐山窿」公園，即係豐物道海濱休憩用地的話，泊中山紀念公園呢邊就會近好多。當中，中山紀念公園體育館停車場最抵泊，時租$10。價錢詳情請參閱泊好先。 中山紀念公園停車場（按我導航）其實喺上面講嘅中山紀念公園體育館停車場旁邊，不過價錢就貴好多，要$14 / $26。價錢詳情請參閱泊好先。