「Donald Duck Geometric World」唐老鴨樂園@時代廣場

時代廣場又有新搞作!! 今年喺人見人愛嘅唐老鴨87歲生日,為咗同一班粉絲們一齊慶祝,唐老鴨嚟咗銅鑼灣時代廣場開嘉年華會! 由即日起直至2021年6月13日,時代廣場將化身為首個以唐老鴨為主題嘅幾何樂園嘉年華《Donald Duck Geometric World》,有7大主題展區,有得玩仲有大量打卡位!!

7大唐老鴨與好友主題互動專區
走入正門已經被2.7米高嘅唐老鴨發聲大屁屁吸引住!! 打卡之外,巨型大屁屁上面仲有個按鈕,按落去就會聽到長達10秒唐老鴨對你嘅抱怨!!雖然被佢鬧緊,但係都依然覺得超得意有趣!!

喺發聲大屁屁後面,有個「唐老鴨互動表情隧道」,通過打卡一流嘅霓虹燈隧道,就可以進入互動專區,只要跟住螢幕上面唐老鴨嘅指示做動作,成功挑戰後就可以掃描螢光幕顯示嘅QR Code,下載限定《Donald Duck Geometric World》唐老鴨手機桌布一張。共有八款不同設計,想要儲齊,就要不斷挑戰喇!!

充滿少女心嘅打卡位有「夢幻光影鞦韆」,兩個鞦韆喺唐老鴨同女友黛絲嘅剪影,情侶必影!!
旁邊嘅「扭扭迷幻盒子」,好似入咗迷幻室咁,前面仲有Huey、Dewey同Louie陪你影相。
中間位置有一排好吸睛嘅搖搖板! 「玩味搖搖鴨」區入面,有得影相仲可以一齊玩㗎!!

最後,就係6米高嘅「唐老鴨趣怪帽子」,除咗外型吸引,裡面仲內有乾坤,帽入面原來有巨型哈哈鏡,鬼馬嘅唐老鴨同黛絲已經急不及待喺裡面擺出趣怪表情喇,一齊企喺鏡面前影張得意相啦!

「唐老鴨珍品展」
喺地面玩夠,就可以上埋商場2樓中庭參觀「唐老鴨珍品展」。著名首辦公仔創作達人Eric So原來亦喺唐老鴨粉絲,屋企更擁有HEROCROSS出品的合金製唐老鴨可動人偶,故此是次與HEROCROSS一拍即合, Eric更為唐老鴨換上貫徹其以球證為主題嘅個人時裝品牌Referee嘅全新造型,設計出幾款在今次展覽首度公開亮相嘅Donald Duck Referee特別版本珍藏人偶以及一系列別注精品,Eric將一向鬼馬和好動嘅唐老鴨搖身一變成沉實穏重嘅球證,絕對有驚喜!! 此外,Eric還以獨有嘅「So Fun」風格,特別為唐老鴨設計了一個充滿玩味的全新造型,並將同步於活動期間搶先登場! 而大家只要掃描場內產品旁的QR code,就可以直接喺官網上訂購。

另外,仲可以報名參加「霓虹剪影屋」入面舉辦嘅唐老鴨霓虹燈工作坊,將親手製造嘅霓虹燈牌帶放屋企。參加工作放詳情可以留意時代廣場Facebook最新消息: http://www.facebook.com/HKTimesSquare/

#時代廣場 #銅鑼灣 #最新活動