北角匯 x 福岡魅力情報站 (JTB 期間限定店)

希望在明天,可能好快可以飛日本呢! 所以一定要嚟已換上全新佈置嘅「福岡魅力情報站」 JTB 期間限定店啦!多個 #福岡人氣景點 迷你版呈現眼前,俾你望梅止渴 + 提早為福岡之旅做 Research。

景點1:著名「戀木神社」– 近8呎高鳥居 同鳥居前心心相印「戀參道」,同另一半嚟影相打卡確一流!
景點2:必go「河內藤園」 — 被 CNN 譽為「日本最美場所」之一嘅浪漫紫藤隧道,在彷真度極高嘅迷你版內,跟一串串披垂搖曳嘅紫藤合照,一定呃到like
景點3:「鬼滅聖地巡禮」– 喺fans之間傳言話人氣動漫 #鬼滅之刃 唔少場景都以福岡景點為原型,好似 #溝口竈門神社#繪馬掛所…等,隨時撞到cosplay嘅 #炭治郎#禰豆子

大家都想寫繪馬許願?開放期內逢星期六、日及公眾假期,只要嚟影相並上載至Instagram 或 Facebook,加埋Hashtag #FUKUOKAHK 即可獲溝口竈門神社或 #戀木神社 繪馬一個。你可以喺祈願繪馬寫上心願及放入收集箱,福岡縣香港事務所及日資旅行社JTB就會幫你送到去日本並掛上繪馬架!!!繪馬每日派發名額有限,送完即止啊!

福岡魅力情報站 (JTB 期間限定店)
開放日期﹕即日至 2 月 28 日
開放時間﹕上午 10 時半至晚上 10 時
地點﹕北角匯 1 期 (酒店基座) 地下 G32 號鋪
祈願繪馬派發時間﹕開放期內逢星期六、日及公眾假期由上午 11 時至晚上8 時 (或至送完即止)

免費泊車優惠,請參閱泊邊好北角匯專頁