政府嘅設施無停車場呢個問題，真係呢世都唔會解決。好彩，有泊邊好為你介紹元朗體育館（即元朗圖書館）及元朗劇院既泊車好介紹。順帶一提，元朗體育館係接種復必泰疫苗嘅場館，而據場館工作人員講，打針嗰日係唔好揸車，不過呢啲資訊政府係唔會同你講。 如需知道元朗大馬路泊車泊邊好的話，請按此；如需知道Yoho Mall 附近泊邊好的話，請按此。 1. 元朗游泳池停車場（按我導航）呢個場好多師兄都知架喇，都開咗好多年，所以假日都會有機會爆。好處係算平，閒日$8半個鐘，缺點係遠離B仔糖水，不過去元朗劇場就啱晒，因為佢喺正元朗劇場對面。價錢詳情請參閱泊好先。 2. 馬田村露天停車場（按我導航）呢個場位於元朗體育館後面，過馬路就係，非常近。去B仔糖水或者古月聚就方便得多，仲要超平兼一定有位。無錯，呢啲村口爛地，你肯泊佢自然有位比你，多多都受。時租閒日只係$10，仲有日泊。價錢詳情請參閱泊好先。 3. 怡豐花園停車場（按我導航）講真，雖然我成日泊呢個場，但係大家聽過就算。無錯，地點黎計佢最近，但係時租要$20，同埋得3定4個時租位，所以你地長期都泊唔到架喇。價錢詳情請參閱泊好先。 元朗體育館地址：元朗馬田路52號元朗文化康樂大樓3樓元朗劇院地址：新界元朗體育路9號 #元朗 #區區泊邊好

1. 香港迪士尼樂園（按我導航）近就一定貴。香港迪士尼樂園日泊$260，不設時租。 1. 迪欣湖（按我導航）時租$50，假日經常爆滿，加上不設日泊，前往香港迪士尼樂園者不應考慮。不過，真係去迪欣湖既朋友遇到爆滿又點算呢？ 網友報料：原來有時佢會開放埋旁邊個迪士尼旅遊巴士場比你泊車，日泊$260，不設時租。不過，只要你喺迪欣湖有消費過，出車時出示消費單據，佢就會用番時租 $50/小時去計錢，然後退番尾數錢俾你。呢度你可以比現金或者信用咭，記得要帶埋呢張收據去迪欣湖停車場門口搵工作人員吸印，咁你離開出車時就會退番未用既時租錢比你。如果都係唔明白既，睇吓我地好友HK Driver Mike所拍既片啦。 https://www.youtube.com/watch?v=mwX5NGWmwZo 2. 欣澳露天停車場（按我導航）無論去香港迪士尼還是愉景灣，泊欣澳露天停車場都是不二之選。價錢平，車位超多，甚少爆滿。我甚至泊欣澳露天停車場再轉乘B5號巴士前往港珠澳大橋往澳門，都唔泊港珠澳大橋停車場。時租$15/$25，日泊$120/$160。《收費詳情》 不過問題在，如果泊欣澳要去迪欣湖，先要搭港鐵迪士尼綫去迪士尼站，再轉R8巴士。好似好麻煩。咁我講多一招比你，睇你點取捨。就係泊去青衣長發邨或長安邨，再喺長安巴士總站入面搭龍運巴士E31或E32線去青馬大橋巴士站轉R8去迪欣湖。以前青馬大橋要比錢時可能你會咁樣考慮既，依傢青馬大橋免費，就真係睇你點睇。當中長發邨有24小時泊，而長安邨有日泊。 #離島 #區區泊邊好 #親子自駕遊 #遊樂自駕遊 其餘熱門泊邊好文章：東涌泊車泊邊好？D2 Place滿晒附近泊車泊邊好？港外線碼頭搭船去離島玩泊車泊邊好？全港Donki尋寶地圖海洋公園泊車泊邊好The Wave / 觀塘工業區 泊車泊邊好？

南豐紗廠係一個將舊工廈透過活化同保育而改建成既一個商場。由於佢係以非弁利嘅方法去營運，所以商場入面可以容納不同特式既小店，有餐廳，有關於粵劇嘅，有成衣嘅，亦都有為寵物而設嘅。再加上南豐紗廠本身個停車場太少，所以星期六日經常都大排長龍。泊邊好先帶大家遊覽吓南豐紗廠，之後再介紹荃灣周圍嘅停車場畀你。 南豐紗廠係寵物有善商場，所以你可以帶埋你嘅毛孩黎涼冷氣；咁當然，除咗毛孩當然要照顧埋小孩啦，呢度有個兒童遊樂場相當好玩。 南豐紗廠附近泊車泊邊好？ 南豐紗廠 the Mills（按我導航）先講番南豐紗廠停車場，佢有免費泊車優惠（可以按最底hashtag查閱），另外時租價錢亦唔貴，每小時$25，平過旁邊啲工廈，所以如果有位一定係泊佢。價錢詳情請參閱泊好先。 華力工業中心（按我導航）華力工業中心喺正南豐紗廠旁邊，收費係第一個鐘$25；第二個鐘開始$30。好處係近，缺點係佢本身都唔多位，只係其實喺地下空地度比個位你泊。 國際企業中心三期（按我導航） 新場，唔算貴，位置一流。喺南豐紗廠斜對面，不過星期六日依然係長爆。 華懋荃灣廣場（按我導航）介紹呢個場嘅最主要原因，係佢個停車場入口位於青山公路，咁你就唔駛塞沙咀道同白田壩街。同埋佢減咗價，只需$22。 達貿中心（按我導航）呢個場距離就遠少少咁多，同埋佢係貨車場，所以通道夠晒闊，新手都無難度。時租$25，星期一至六仲有日泊。 #南豐紗廠 #荃灣 #各區泊邊好介紹

志蓮淨苑是一座佛寺，以仿照唐代的木結構建築為特色，採用天然建材，用榫接方式結合，完全不用釘子，整體高雅古樸。毗連的南蓮園池則是古色古香的園林，同樣以唐代建築為藍本。漫步其中，樹木、山石、小橋、池水，就像一幅幅山水卷軸展現在眼前，有遠離煩囂之感，特別令人覺得寧靜平和。喜歡素菜的，可以到園內的「龍門樓」找一個靠窗座位，一邊吃一邊欣賞外面的人造瀑布，悠閒又愜意。 志蓮淨苑及南蓮園池泊車泊邊好？ 1. 荷里活廣場（按我導航）價錢詳情請參閱泊好先。 2. 悅庭軒停車場（按我導航）價錢詳情請參閱泊好先。 ＃黃大仙 ＃其他泊邊好文章 #廟宇 相片取自網絡的 Calvin Sit。