被評為三級歷史建築，經過多年翻新工程嘅中環街市終於喺8月23日開放試業喇！翻新後總樓面面積有成120,000平方呎，雲集美食、購物、工作、休閒玩樂及文化教育元素於一身的全新地標。唯一一樣嘢佢係無既就係停車場喇。所以今集泊邊好教大家去中環街市泊車泊邊好。
1. 香港站停車場（按我導航） 實時車位：
要平就要行遠少少架喇，不過其實你可以穿IFC行天橋經恒生銀行直達中環街市，雨都唔駛淋其實係唔錯。時租原本係$37一小時（請參閱泊好先)。
但係如果你識玩泊車轉乘的話，只需$19一小時咋！！玩法好簡單，當你泊車之後，安心去中環街市行街，回家前先於中環站拍八達通入閘＂扮＂搭車，然後於香港站出閘，港鐵會收你大約$4車資。然後你就可以直接攞車拍八達通出車，無需做任何登記。就可以享有$19一小時優惠喇。
咩話？你想連$3.8都慳？好啦，行兩步平多兩蚊好無？臨入中環站之前，去近大館對出半山自動扶手梯行人天橋既港鐵優惠站，拍一拍八達通減$2，之後先好去中環站入閘，再去香港站出閘。就可以減多$2，淨係比大約$2港鐵賺。
2. IFC2期（按我導航）
唔想咁麻煩又唔想咁貴，咁就直接泊入IFC啦，時租$28（請參閱泊好先)。同上文講既一樣，穿過天橋直達中環街市。
3. 中環中心（按我導航）
如果講最近既停車場，一定係中環中心，中環中心時租$38。如果你打算速戰速決，買啲野就上車的話，直接入中環中心唔好諗。