旺角泊車泊邊好

本文集中介紹西洋菜南街及波鞋街為中心嘅停車場介紹，包括最平時租日泊以及較大機會有位嘅停車場。如到以下地方請參閱另文介紹：

旺角T.O.P 彌敦道700號泊車泊邊好？

618上海街泊車泊邊好？

1. 朗豪坊（按我導航）
基本上去旺角，朗豪坊係最就腳嘅，所以時租價錢直逼銅鑼灣，亦都係咁，閒日定星期六日都長期排隊。好彩嘅係佢車位夠多，加上車出車入都算快。叫排得過《收費詳情及免費泊車優惠》；如果唔想排又唔介意留匙嘅，可以考慮新興停車場，要留匙，佢幫你揸入lift再泊入地庫，時租$34。

2. 旺角洗衣街露天停車場 已結業（按我導航）
旺角新開嘅爛地場，位置喺原本嘅聯運街露天停車場旁邊，不過入口改咗喺洗衣街港九潮州公會中學旁邊。所以一定要經洗衣街入，旺角道係入唔到的。咁爛地場價錢就會平啲架喇，時租$34，仲有日泊$165同夜泊$85。

3. 安百利停車場 （按我導航）
網友介紹話呢個場抵泊，又經常有位。係隔咗條火車橋，所以價錢會相宜啲。唔介意比多幾蚊行少幾步的話，可以睇下一個依利大廈停車場。

4. 依利大廈停車場 （按我導航）
呢個停車場以前啲人叫佢做泉章居，喺正麥花臣場館正對面，所以去波鞋街或者去CGA香港電競館最近係佢。雖然佢要入車Lift，但係部Lift大到貨車都入到，新手都完全無難度。上面啲車位唔算窄。價錢又平過家樂坊，所以性價比唔錯，點都好過泊金雞丫。時租閒日$30，星期六日$35。自從2022年放售私人車位後，常滿，慘情。

5. 家樂坊 / 栢裕商業中心（按我導航）
地獄指數達3星，通道少少窄，車位超級窄，仲要貴過人。鬼叫佢位置靚咩。時租價錢星期一至日都係$36，夜晚10點後至第二朝9點時租係$26。車位極多，所以好少會滿。我去旺角都成日會泊佢。不過我會泊到上頂，好多時旁邊都無車泊。

6. 百利達廣場（按我導航）
唔想泊家樂坊的話，泊百利達廣場都係一個好選擇，車位正常闊度，易等電梯。小心上落彎位對頭車就可以。不過時租車位比較少，多數時間要排吓隊，但係好快有車出入。

時租價錢詳情，請按以下地圖：

#區區泊邊好 #旺角