旺角T.O.P 彌敦道700號泊車泊邊好？

T.O.P商場本身無停車場，附近嘅旺角中心都係無，揸車去嘅朋友就好麻煩。所以泊邊好為你揀咗最近同最平嘅停車場比大家。始創嗰啲長期無位嘅我哋當然無謂講。睇咗以下嘅比較先。

1. 中華基督教會望覺堂停車場（按我導航）
距離計係最近，不過你睇停車場名就知佢都唔係預外人會黎泊，所以收費極貴，除非你泊一泊攞野就走，否則建議寧願泊下面介紹嘅露天場。

2. 旺角洗衣街露天停車場 已結業（按我導航）
旺角新開嘅爛地場，位置喺原本嘅聯運街露天停車場旁邊，不過入口改咗喺洗衣街港九潮州公會中學旁邊。所以一定要經洗衣街入，旺角道係入唔到的。咁爛地場價錢就會平啲架喇，時租$34，仲有日泊$165同夜泊$85。特別係夜泊相當抵泊，一至日夜晚6點後入車就可以$85泊到第二朝。

3. 旺角道壹號停車場 （按我導航）
反正依家條行人天橋已經開通咗，咁就可以泊遠少少都唔怕。所以今次介紹呢個可以話係全旺角最平嘅場，時租$25，已經短期內加咗幾次價，都仲係$25。真係好平，唯一缺點係要入車Lift。但係佢有一個優點，就係有全日泊，只需$160就可以泊到當晚12點，星期一至日通用。

時租價錢詳情，請按以下地圖：

#區區泊邊好 #旺角