如果有個 港外線碼頭 停車場，畀大家自駕泊車喺碼頭隔離，然後坐船出去玩，咁就真係正喇。
不過香港又點會咁完美。好在喺中環港外線碼頭附近都有啲停車場，今次就介紹三個室內停車場， 地點都距離碼頭不遠，大約7-10分鐘路程。由於距離差距不大，我地就從價錢方面去比較應該預算玩幾耐而泊邊個場。
呢三個停車場，分別係香港站停車場，ifcmall同林士街停車場。三個停車場既特點請睇下面總結，依家睇咗價錢同實時車位先：
| 停車場 | 實時車位 | 時租 | 日泊 |
| ifc mall | N/A | $28 | NIL |
| 林士街 | $23 | $180 (一至六 07:00-18:59) $120 (日 08:00-23:59) | |
| 香港站 | $19 (泊車轉乘) | $110 (日 08:00-17:59) | |
| 天星碼頭 | $23 | $180 (一至六 07:00-18:59) $120 (日 08:00-23:59) | |
| 大會堂 | $23 | $180 (一至六 07:00-18:59) $120 (日 08:00-23:59) |
總結
星期六，小心林士街日泊陷阱，日泊至晚上七點咋，食完飯先出黎一定過鐘，咁就成為二百幾蚊；
星期六，如打算於ifc mall購物$300，首選泊ifc mall，因為有3小時免費泊車，之後比多3至4個鐘正價都仲平過林士街日泊；否則可考慮香港站泊車轉乘優惠，玩法如下：
先去香港站泊車，搭船去離島玩，玩完返黎時先於中環站拍八達通入閘扮搭車，然後於香港站出閘，港鐵會收你大約$4車資。然後你就可以直接攞車拍八達通出車，無需做任何登記。
（註：由泊車至攞車之間，你張八達通只可以使用９次，所以淨係用黎搭船畀來回錢好喇，唔好再用嗰張八達通比錢買野）
星期日，香港站或者林士街日泊都好平，但如果於離島晚飯後取車，須注意停車場日泊限時
(註：香港站假日日泊時間為08:00-20:00；林士街為08:00-23:59)
香港站日泊乃正常優惠，無需使用泊車轉乘秘技。
以上資料僅供參考，實際最佳安排視乎個別情況考慮。
一直以來大部分人想去港外線碼頭搭船去離島玩，總會諗起天星碼頭停車場或者大會堂停車場。首先，呢兩個場既價錢同林士街係一樣，而以停車位數量黎講，林士街多過天星同大會堂多多聲。記住，林士街、天星同大會堂星期一至六嘅日泊只係到晚上7點，所以唔好以為日泊$180好穩陣。
#泊邊好文章 #搵食自駕遊 #親子自駕遊 #遊樂自駕遊 #港島
其餘熱門泊邊好文章：
東涌泊車泊邊好？
D2 Place滿晒附近泊車泊邊好？
全港Donki尋寶地圖
海洋公園泊車泊邊好
The Wave / 觀塘工業區 泊車泊邊好？
