spot_img

西九文化區 / M+博物館 / 故宮博物館泊車泊邊好? 及 免費泊車優惠

西九文化區設有四個停車場,如果你計埋戲曲中心的話有五個添。而最近西九文化區嘅自由空間就泊藝術公園(E區)停車場,而如果你想去公園的話就可以泊項目辦公室停車場。當中項目辦公室停車場嘅時租價錢仲平啲添,不過就露天囉。

講咗咁耐不如睇咗地圖先,唔係睇到一舊雲。我哋係由右手邊講起,即係近九龍站、M+嗰邊係行車入口:

跟住落黎,我地沿住柯士甸道西入口順序介紹呢三個停車場:

1. F區停車場 / M+博物館按我導航

F區停車場明顯係為咗M+博物館而設嘅,註:M+博物館已於2021年11月12日開幕。不過如果下面嘅E區停車場無位都可以泊佢嘅,反正喺旁邊咁近。兩個停車場同價:$28 / $32。

M+博物館入場預約網址:按此連結

M+博物館開放時間:
星期二至四、週末及公眾假期:早上10時至下午6時
星期五:早上10時至晚上10時
星期一:休館

泊邊好專員Y爺原來係M+博物館嘅VIP,仲已經優先入咗去睇。佢仲推介咗幾個入場必睇必打卡嘅藝術品,同埋入場排隊攻略。當中有一件藝術品,每人限睇30秒咋!!係咪好珍貴呢?想知就去呢篇文章度睇定先啦>> 西九文化區 | M+博物館優先睇 | 六大展區 | 必睇打咭推介 | 排隊攻略


2. 藝術公園(E區)停車場按我導航

一開頭就講咗,要去西九文化區嘅自由空間,泊E區呢個就最近,所以假日常滿。時租價錢$28 / $32,之前星期一至六既日泊優惠已取消,不過多咗夜泊19:00-06:59,星期一至四$80;星期五至日$100。另外,E區停車場有十數個中速充電站,相當方便。


3. 香港故宮文化博物館 (B區) 停車場按我導航)

故宮博物館只有46個車位,我估大家都無乜機會可以泊到。入黎望一望,無位就去埋下面項目辦公室停車場,都無位就拿拿聲去番E同F區泊喇。

故宮博物館將會設有EV電動車充電位,數量暫時未知,因為仲未裝好。時租價錢同其餘三個場一樣$28 / $32,無日泊 / 夜泊。


4. 項目辦公室停車場按我導航

如果你只係想去公園或者近海嗰邊放吓狗的話,泊項目辦公室停車場就近啲,時租$28 / $32。


西九文化區附近實時車位數量

停車場實時車位
戲曲中心
免泊優惠只適
用於戲曲中心內消費
F區 / M+
有免泊優惠
藝術公園(E區)
有免泊優惠 / 有EV充電
項目辦公室
露天 / 有免泊優惠
故宮博物館 (B區)NA有免泊優惠
圓方Elements
九龍站停車場

西九文化區免費泊車優惠

(只適用於B區、E區及F區停車場;任何一間指定餐廳或輕食店以電子消費滿以下金額)

日期$200或以上$400或以上
星期一至五2小時2小時
星期六日及假期1小時2小時

註:以下收據不適用於免費泊車禮遇:任何以現金或禮券或商戶現金券付款的收據;任何購買自由空間(包括但不限於留白Livehouse)演出門票的收據;任何於留白Livehouse其他消費的收據;及任何重印、影印本或手寫收據。

兌換櫃檯位置:

> 項目辦公室 (A區) 停車場地下服務中心
> 香港故宮文化博物館 (B區) 地下低層保安室1
> 藝術公園(E區)停車場地庫一樓服務中心
> 西九文化區管理局大樓2樓禮賓部

本文所有相片取材自西九文化區網站 (https://www.westkowloon.hk/tc/home) 只為介紹泊車用途


未咁快完!圓方Elements 做緊4小時免費泊車優惠,星期日及公眾假期,喺九龍站門外仲有紅頂小巴直達西九文化區,腳骨力都慳返。想知圓方Elements免費泊車優惠玩法?請參閱泊邊好文章Elements 圓方專享4小時免費泊車優惠2022年3月


12月8日更新:
連續多個星期六日,西九文化區停車場都全數爆滿,車龍仲要塞到出番去迴旋處。亦都因為咁E區停車場仲要加價添,所以泊邊好教大家善用泊車轉乘優惠,唔駛塞車之餘仲可以慳番一半停車場錢。

慳錢大法就係將車泊去奧海城一期停車場 (按我導航),然後再搭一個站東涌綫就可以去到西九文化區。而泊車轉乘之後,時租只係$13咋!!平過E區停車場一半!!仲唔駛塞車添!!!


繼續,有網友提議可以泊中港城停車場,時租$31,仲有日泊優惠,星期六日日泊只需$80。泊車後可以喺門口轉乘296D直達西九文化區。(按我導航

而由2022年6月18日開始,中港城仲推出咗「泊遊西九」泊車優惠,只要逢星期六日或假期,而你有即日既西九文化區內門票,再去中港城 “食” $200野,就可以免費泊車5小時,其實都唔錯。有興趣了解詳情既朋友,請參閱中港城「泊遊西九」泊車優惠


12月22日更新:
高鐵站停車場將於12月23日朝早07:00起重新開放!!以後去西九又多個停車場選擇,雖然行過去就遠少少咁多,不過九龍站去M+既天橋預計年尾就會開放,到時就順路好多。

2022年1月8日起,因為疫情關係,高鐵站停車場又暫停開放,敬請留意!

標準時租:$32
日泊:$130 (08:00-19:59)
夜泊:$100 (20:00-07:59)

泊車轉乘時租:$17
註:港鐵暫時未公佈可以用邊個站出入而獲得泊車轉乘優惠,但係按估計,九龍站及柯士甸站都應該可以。


2022年5月27日更新:

位於佐敦渡華道既威信露天停車場開咗喇,時租只係$12,仲有日泊 / 夜泊$80 (08:00-17:59 / 18:00-07:59),以後去西九文化區又多一個選擇。

相關文章:西九文化區 | M+博物館優先睇 | 六大展區 | 必睇打咭推介 | 排隊攻略

#西九文化區 #尖沙咀 #最新活動

spot_img