spot_img

銅鑼灣活力避風塘主題區泊車泊邊好?

又一個維港既主題區開放喇,今次到位於銅鑼灣既《活力避風塘主題區》。位置黎講大家都好熟架喇,就係喺wtc more世貿中心對出既維多利亞港,即係原本怡和午炮既地方。所以交通都算方便,玩完仲可以去銅鑼灣行陣街先走。

《活力避風塘主題區》面積約10,900平方米,長約715米,係繼灣仔《水上運動及康樂主題區》之後,另一個採用無欄杆既梯級式沿岸設計。呢度提供一條長約90米既海岸堤階,令公眾同海面距離拉近。大家就可以無隔地欣賞避風塘同維港日落景緻。

灣仔就有水上單車踩,咁呢度又有咩娛樂設施呢?就係有嘩啦嘩啦 Walla-Walla歷史文化遊喇。主題區將會重現三艘昔日既經典船《嘩啦嘩啦》,比市民穿梭避風塘,體驗箇中既獨有文化。你仲可以登上全港唯一既水上三角天后平安堂內參觀,亦可以參水上市集同放祈願水燈。係咪好好玩呢?整個船程45分鐘,收費同預約就去呢個網睇啦。網址:CORAL SEA FERRY (coralseaferryservice.com.hk)


揸車既朋友可以參考以下地圖泊車,最近既當然會係wtc more停車場,又可以用The Point積分換泊車。如果你係信和會員或者有信和電動車優惠既朋友,泊旁邊既信和中心都係好選擇。

至於你想保證一定有位既,就要揀柏寧酒店停車場喇,提提你,呢個場用Wil積分換泊車就最抵,同一時間可以換多過一個鐘架。

註:相片來自香港政府網站

#區區泊邊好 #銅鑼灣 #各區公園泊邊好

spot_img