每逢周末同長假期，會展都會人山人海，因為有好多不同種類既展覽喺會展舉行。隨著疫情既慢慢過去，一眾展覽又再不知不覺間復辦！想知去會展泊邊好？想知去會展充電泊邊好？跟我黎啦！
| 時租 | 日泊 | 電動車充電 | |
| 會展 (博覽道中) | $27 | $210 (入車至同日23:59) 註：入場後需登記，只收現金 | 13A |
| 會展 (港灣道) | $30 | $190 (07:00-17:59) 註：入場後需登記，只收現金 | Tesla Wall x3 |
| 灣仔政府大樓 | $26 / $30 | N/A | AC x30 |
| 鷹君中心 | $31 | $180 (入車至同日23:59) | 13A |
| 瑞安中心 | $32 | $180 (入車至同日23:59) 只適用於星期六、日 | Tesla Wall x1 AC x1 |
| 中環廣場 | $32 | Tesla Wall x3 | |
| 金鐘停車場 | $36 | $210 (07:00-18:59) | AC x11 DC x2 |
| 紅磡站停車場 | $22 | $105 (入車至同日23:59) 只適用於泊車轉乘東鐵優惠 | AC x2 |
1. 博覽道中停車場（按我導航）
收費較平，車位多。時租$27，全日泊$210。
註：日泊只收現金，並需於入車後到繳費處登記。
2. 會展廣場停車場(港灣道)（按我導航）
收費較貴，車位少。時租$30起，日泊$190。
註：日泊只收現金，並需於入車後到繳費處登記。
3. 灣仔政府綜合大樓停車場（按我導航）
位置近，收費算平，$13 (星期一至五晚上7時後) / $15 (星期六、日)半小時。只可惜營業時間太短，星期一至五只限晚上7時後，星期六日黎講係唔錯嘅選擇，泊車後要行樓梯上地面，落雨天又要淋住雨過番會展。但係揸電動車既朋友就啱晒，政府場有免費充電，充電器數量又夠多。營業時間及收費請參閱下面地圖。
4. 鷹港公眾停車場／鷹君中心（按我導航）
除上落車道較窄外，本人覺得鷹港公眾停車場是會展以外首選。可由天橋前往會展，不怕風吹雨打。加上大型活動，例如書展及動漫節等，排隊入口會由鷹君天橋開始，更為方便。設有時租$31及日泊$180。
5. 瑞安中心停車場（按我導航）
位置佳，車位少，首選灣仔政府綜合大樓停車場，泊滿或營業時間不乎之備選。設有時租$32及日泊$180 (日泊只適用於星期六、日)。
6. 中環廣場（按我導航）
介紹呢個場純粹因為佢有3個Tesla Wall Connector，啱晒揸Tesla既朋友。不過大時大節都唔預佢會有位啦，所以要叉電泊政府綜合大樓似乎仲好，否則可以再考慮下面嗰個。
7. 金鐘停車場（按我導航）
自從東鐵綫開通過海段之後，去會展真係方便咗好多。當中大家唔介紹搭一個站的話，可以試吓泊金鐘停車場。貪佢夠大，基本上實有位。仲要佢有好多充電器，快充同中充都有齊。依家仲有最多4小時免費中充優惠。揸電動車既朋友可以諗諗佢。
8. 紅磡站停車場（按我導航）
呢個場非常適合去會展做野嘅朋友，因為如果你泊紅磡站再轉東鐵綫，係有泊車轉乘日泊優惠。日泊只需$105就可以泊到當晚23:59。既可以慳番隧道錢同時間，泊車又平。係一個唔錯既選擇。唯一缺點係呢個停車場步行番去港鐵站幾麻煩，要轉幾程Lift，又有少少露天路段。
其餘熱門泊邊好文章：
東涌泊車泊邊好？
D2 Place滿晒附近泊車泊邊好？
港外線碼頭搭船去離島玩泊車泊邊好？
全港Donki尋寶地圖
海洋公園泊車泊邊好
The Wave / 觀塘工業區 泊車泊邊好？
