日期：2022年12月9日至2023年1月1日（展期為24天）
時間：上午11時至晚上8時
入場費：港幣$8
| 時租 | 日泊 | |
| 柏寧酒店 | $38 (星期一至四) $45 (星期五至日) | $185 (入車至同日23:59) 只適用於星期一至四 |
| AIA友邦廣場 | $30 | $180 (08:00-18:59) |
| 怡和街68號地庫 | $33 (星期一至四) $35 (星期五至日) | N/A |
| WTC more 世貿中心 | $40 (星期一至四) $48 (星期五至日) | $180 (08:00-17:59) 只適用於星期一至四 |
| 天后栢景臺 | $21 | $105 (07:00-18:59) |
| 維景花園 | $16 /半小時 | $140 (入車至同日23:59) |
| 縉景臺 | $28 | $145 (08:00-19:59) |
| 電氣道148號 | $27 | N/A |
1. 柏寧酒店（按我導航）
兩星地獄場！！車位窄，某啲通道會比較窄。
註：星期六日有可能因封路而暫停開放。
柏寧酒店停車場車位特多，如果你係WIL Apps會員，仲可以用6000積分換一小時免費泊車。地點就腳。特別係依家WIL Apps名存實亡，喺柏寧酒店用晒佢就最抵喇。
2. AIA Tower 友邦廣場 （按我導航）
由於預計會封路或者要銅鑼灣入天后出既關係，泊車轉港鐵都係一個好做法。友邦廣場行去炮台山地鐵站唔駛3分鐘。有時租又有日泊。車位闊落，仲有三個免費中充位。
3. 怡和街68號地庫（按我導航）
考慮到柏寧酒店除時會封路，所以泊伊榮街呢邊係一個安全嘅選擇。價錢又唔算貴。
4. WTC more 世貿中心（按我導航）
世貿中心停車場終於重開，價錢就貴啲，不過位置都算唔錯，但係佢依家用1000 The Point積分就可以免泊一小時，喺銅鑼灣黎講完全係超值。不過車位就窄啲。同上落極斜。
5. 天后栢景臺 （按我導航）
講明先，呢個場，每次維園有活動，佢都全爆到七彩。不過佢價錢最平，仲有日泊，距離又最近。所以寫住先，你去到有位就有位。無就繼續睇下面幾個場。唯一好處係全場有成162個免費中叉位，啱晒揸電動車嘅朋友。
6. 維景花園 （按我導航）
四星地獄場！！地庫出入通道勁窄，車位極少。
如果天后栢景臺無位可以過黎望吓，有就有無就無，呢度好少時租位。地庫已經變晒做月租。
7. 縉景臺 （按我導航）
呢個場可以同下面個電氣道148號一齊講，反正價錢只係差少少，呢度仲有日泊添，可以過黎睇吓有冇位先。無既再去下一個街口蜆殼街入去電氣道148號停車場試試。呢兩個場算係可以步行既距離。如果你把心一橫諗住泊車轉地鐵的話，直接入AIA友邦廣場。
8. 電氣道148號 （按我導航）
雖然佢叫電氣道148號停車場，但係入口喺蜆殼街 (即電車路入)，呢個係信和場，所以信和會員泊車有九折。唔算多位，多個選擇咁解。
