Deprecated: The behavior of unparenthesized expressions containing both '.' and '+'/'-' will change in PHP 8: '+'/'-' will take a higher precedence in /home/parkbin/domains/parkbin.hk/public_html/wp-content/plugins/modula-slider/includes/class-modula-slider.php on line 1368

Deprecated: The behavior of unparenthesized expressions containing both '.' and '+'/'-' will change in PHP 8: '+'/'-' will take a higher precedence in /home/parkbin/domains/parkbin.hk/public_html/wp-content/plugins/modula-slider/includes/class-modula-albums-slider.php on line 945
《港車北上》保險上載問題 (交強險 + 商業險) | Parkbin 泊邊好
spot_img

《港車北上》保險上載問題 (交強險 + 商業險)

收到好多觀眾查詢,知道大家對《港車北上》既保險有好多問題,有啲車主用緊既車保公司無做有效先認,所以買唔到。有啲公司有得賣有效先認,但係又做唔到一年。又有啲車主想搵大陸全保,但係香港又買唔到,仲有就係究竟點樣上載保險,上載完又點樣下載番個大陸粵字牌。本文一一為你解答。

註:於《港車北上》相關保險話題中,泊邊好並不以持牌仲介人的身份、或以獲得轉介保險經紀的代表處理。如對保險內容及理賠有任何疑問,建議諮詢專業人士。本文只作為《港車北上》相關內容作資訊性介紹。

交強險

首先你必定要買既就係交強險。交強險的全名是「機動車交通事故責任強制保險」,在內地屬於強制性責任保險,當發生交通意外導致人身傷亡(但不包括本車人員及受保人)及財產損失時,保險公司則會作出責任保額以內的賠償。而保費則是由國家統一規定,全國統一收費標準,但不同汽車型號的交強險價格也不同,主要取決於「汽車座位數」 。但係交強險最大問題係唔夠賠,因為佢第三者財物損失淨係賠¥2,000,真係撞到支街燈都唔夠賠,所以你有可能需要加購商業險。(註:非專業意見,建議諮詢專業人士。)

商業險

商業險係一種買投保額既保險,簡單講就係買得大賠得大,最少你可以買¥100萬賠償額,但係一般建議港車北上最好買¥300萬。咁就點揸都安心好多。


另外,有啲觀眾想除咗賠比人之外,都想保障埋自己車上面既乘客。於是乎有保險公司加推咗 「駕乘無憂」駕乘人意外險 (附加險,多個額外保障)。同樣係按你想買既投保額去計算保費,呢個保險係可以保障你自己部車既司機同埋乘客,住院、傷殘甚至死亡等等既賠償。由20萬至50萬保額不等。(註:圖片截錄自網絡,泊邊好並不對下圖內容及價錢作出保證,下圖只供觀眾了解港車北上保險相關資訊,並沒有宣傳及誘導成份)


另外,可能你喺不同既港車北上討論區,成日聽到有人叫你買埋 "三者醫保外醫療費用責任險” (三責醫外險),究竟係乜野黎既呢?

呢個就係指,如果對方因為你既過錯而受傷,但係佢所需要既藥物或者醫療器材,係醫療保險裏面唔包既話,你就要另外貼錢賠比對方。例如輪椅等等。

不過講明先,其實我地珠海既同事話,呢樣野大陸人係好少買既,佢都唔明點解香港人咁鍾意買。(註:非專業意見,建議諮詢專業人士。)


最後,如果你想買車損險 (類似香港既全保),保埋你自己部車的話,當然可以啦,車損險會因為不同既車款同年份而保費有所不同。一般日系油車,你預全保+交強險+三保保費約¥5000-¥8000左右,新能源車會貴幾千。(註:非專業意見,以上所寫價錢只是由大陸同事所知而所估算,並不代表真實保險價錢,建議諮詢專業人士。)

車損險最抵係佢無墊底費,撞咗幾錢保險會賠晒。仲要包埋入水、無法找到第三方、中石仔爆玻璃都包。

提提大家,購買車損險係要做一個拜四角既動作,就係你作實要買之後,保險公司會比個即日有效既驗車碼你,咁你要搵張白紙,寫低今日日期同驗車碼(最好用箱頭筆寫,唔係太淺色睇唔到),跟住圍住你部車影4隻角既相,再加一張影你車頭玻璃上面個底盤編號既相。相既要求係,要見到張紙既字,但係張紙唔可以遮到部車;部車一定要見到晒四隻角,唔可以比車/柱等等遮到。可以參考以下圖片教學。


凡惠顧泊邊好做港車北上代辦、免試換證代辦等,港車薈都會送出《加華加油站》油咭一張,除咗首次增值有折之外,更可享有每升最高$0.6既入油優惠,入油又可以儲分,儲分可以換禮品、每次入油入夠¥260仲送你盒裝紙巾或者免費洗車一次,抵到爆呀!!


以下內容係教大家上載保險去港車北上系統既。首先網址係:https://gcbs.singlewindow.gd.cn/

1. 首先,右上角註冊 (如果你未註冊的話,記得要用收到SMS既大陸電話號碼去註冊)
2. 如果已經註冊,請按登錄

3. 登錄完,第一個畫面,正中間藍色個格仔,已經寫明係 "填寫保險信息",即係上載保險咁解,你一撳落去就得。

4. 呢度會顯示你個車牌同車架號,唔需要理。你依家只需要輸入"保單編號就得"(一般係10859字頭既);然後再輸入保險公司名稱,呢度要打簡體既。最後輸入埋你份保險既開始日期同完結日期就可以。

5. 之後去到呢頁,只需要上載你份交強險既第一頁就可以,記得要用JPG格式檔案上載。

6. 上載完,會自動跳返出黎呢頁,你會見到交警審核四個大字,就即是上載成功。跟住你就無野要做,等10日8日左右,運輸署會寄返張ZMB禁區紙比你。

7. 幾日後,你再上港車北上網頁版,左手邊揀"我要查詢",之後跟下面幅圖,下載番個粵字大陸字牌,就可以預約出行,揸車北上架喇。

註:本文內容只作《港車北上》相關資訊介紹用,並沒有傳在宣傳或誘導成份,如對大陸保險有任何查詢,應直接向大陸了解。

泊邊好港車北上Whatsapp:52737573。

港車北上車保查詢,請聯絡三擇車保格價平台,或Whatsapp至52989927。

#遊樂自駕遊 #港車北上