中秋連放4日長假，梗係要去2022工展會購物節啦！購物節將於9月9日至12日喺亞洲國際博覽館舉行，場內設6大展區，集購物玩樂於一身，分佈於「休閒食品區」、「健康養生區」、「生活家品區」、「服飾美容區」、「Go Mall主題館」及「智能電子產品區」，雲集眾多品牌和商戶，入場仲有多重獎賞，有機會嬴取高達總值60萬的豐富禮品！
適逢香港回歸祖國25年及廠商會成立88年，今年新設兩大特色主題展區—「香港回歸祖國25周年展區」及「廠商會88周年懷舊區」，內設展覽、懷舊特色手工藝及攤位遊戲等精彩活動！現場仲有低於1折筍貨等你掃！每日首2,500名入場人士更送您入場禮品！記得唔好錯過盡興購物嘅機會啊！
2022工展會購物節詳情：
展覽日期 ：2022年9月9至12日（星期五至一）
開放時間 ：上午10時至晚上7時（9月9至11日）；
上午10時至下午5時30分（9月12日）
地點 ：亞洲國際博覽館2號展館（東面入口）
入場費用 ：港幣$10
大會網址 ：www.hkbpe.com.hk
備註 ：購物節於每天結束前30分鐘及最後一天結束前1小時停止入場；身高1米或以下小童、65歲或以上長者及殘疾人士免費進場；現場不設售票處售賣實體門券，改為於入口設八達通，讓入場人士以八達通付費入場。
特別交通安排：
> 4條免費穿梭巴士路線(屯門、元朗、天水圍、荃灣至亞洲國際博覽館，每30分鐘一班次)
> 機場快綫即日來回博覽館站車票港幣$47元
> 免費乘搭東涌特快巴士X1
駕車人士可以參考泊邊好介紹：亞洲博覽館AsiaWorld-Expo泊車泊邊好？
另外，由於大會有機場快綫來回車票優惠。所以泊香港站、九龍站同青衣站轉機場快綫都係一個好選擇。不過要留意，當你用咗$47來回車票優惠之後，就唔可以再享有＂泊車轉乘＂優惠，即是話泊車要收正價！！