愉景灣 / 愉景灣酒店泊車泊邊好?

大家都知愉景灣唔可以直接揸車入去,所以一係搭巴士一係搭船入去。不過你又知唔知泊邊度轉車去愉景灣/ 愉景灣酒店最方便最抵呢?一齊睇落去啦!

1. 欣澳露天停車場(按我導航
設有時租及日泊,大量車位,價錢平。於欣澳泊車後,可到旁邊的欣澳巴士總站轉乘愉景灣巴士區外線DB03R號前往愉景灣廣場,或轉乘DB03P前往愉景(北)商業中心或愉景灣酒店。價錢請參閱泊好先


2.  IFC2期(按我導航
近近地唔想咁麻煩,就直接泊入IFC啦,時租$28(請參閱泊好先)。之後沿CitySupery旁邊條天橋去3號碼頭轉船去愉景灣。

到達愉景灣後,需轉乘愉景灣區內巴士4號線前往愉景(北)商業中心或愉景灣酒店。


3. 林士街多層停車場(按我導航
只要你係搭船,無論去澳門定去離島都好,泊林士街真係無敵。政府場價錢平,多位又有日泊夜泊優惠。價錢請參閱泊好先


4. 香港站停車場(按我導航
要平就遠少少架喇,不過其實你可以穿IFC天橋去到3號碼頭。時租原本係$37一小時(請參閱泊好先),但係如果你識玩泊車轉乘的話,只需$19一小時咋!!玩法好簡單,當你泊車之後,安心去愉景灣玩,返黎時先由中環站拍八達通入閘扮搭車,然後於香港站出閘,港鐵會收你大約$4車資。然後你就可以直接攞車拍八達通出車,無需做任何登記,就可以享有$18一小時優惠喇。
(註:由泊車至攞車之間,你張八達通只可以使用9次,所以淨係用黎搭船畀來回錢好喇,唔好再用嗰張八達通比錢買野)
而香港站停車場另一個好處係,逢星期日及公眾假期佢仲有日泊優惠。$110可以泊朝八至晚八,仲平過林士街多層停車場。

#離島 #泊邊好 #親子自駕遊 #遊樂自駕遊


其餘熱門泊邊好文章:
東涌泊車泊邊好?
D2 Place滿晒附近泊車泊邊好?
港外線碼頭搭船去離島玩泊車泊邊好?
全港Donki尋寶地圖
海洋公園泊車泊邊好
The Wave / 觀塘工業區 泊車泊邊好?