位於深水埗區的南昌公園於1998年7月啟用，佔地約3.83公頃。園內設有草坪、兒童遊樂設施及長者健體設施。仲要24小時開放，仲要喺市心咁方便，係帶埋小朋友去放電/野餐嘅好地方。
唔同時候去可以影到唔同嘅花，二月至三月去就可以影黃花風鈴木，開花期得兩星期咋！
南昌公園另一個賣點，就係佢呢個接近二萬呎既大草源，除咗維多利亞公園之外，九龍區黎講呢個算大，黎野餐就一流。
去南昌公園泊車泊邊好？
1. V Walk（按我導航）
V Walk既免費泊車優惠出名要求出，不過只要你係The Point會員，就可以用1500分換一個鐘免費泊車，近近地就揀佢泊啦。價錢詳情請參閱泊好先。
2. 南昌停車場 （按我導航）
係南昌停車場，唔係南昌薈停車場，隔咗一條欽洲街的。其實南昌停車場即是南昌邨。呢邊少人泊好多，加上較為近南昌公園。所以呢個基本上係首選。價錢詳情請參閱泊好先。
3. 南昌薈停車場（按我導航）
南昌薈係典型屋村多層停車場，超多位，不過車位就窄啲，泊到上最高就無死，反正有Lift唔駛行。佢仲有12/24小時泊，如果你打算野餐玩全日嘅就啱晒。價錢詳情請參閱泊好先。
佢個停車場入口喺條村最入嗰個位，你由欽州街西入去西村路行到尾就會見到下面個閘，入閘之後直行就會見到多層停車場，直接上到最頂啦。
南昌公園
地址：九龍深旺道20號
