香港濕地公園停車場車位少，就算開放埋後備停車場都好，都成日爆滿又行得遠。官方教大家泊遠少少去附近既屋苑停車場。但係泊車後究竟係搭一個站輕鐵好定行路好？一家大細。如果要搭輕鐵，不如泊遠少少串埋做天水圍親子文青一天遊啦。
香港濕地公園
香港濕地公園擁有佔地1萬平方米的室內訪客中心和60公頃的濕地保護區。訪客中心設有主題展覽廊、放映室、禮品店、餐廳及室內遊戲區。展覽廊展示濕地在生物多樣性、文明發展和自然保育的重要性。
濕地保護區包括人造濕地和為水鳥而重建的生境。座落保護區的濕地探索中心讓遊客親身體驗濕地生趣。其他設施包括溪畔漫遊徑、演替之路、紅樹林浮橋和三間觀鳥屋則引領遊客走進不同的生境。
香港濕地公園的建築及園景設計享譽國際，榮獲本地及海外專業團體所頒發的多項大奬，包括香港建築師學會、英國園境師學會及美國城市土地學會。於2013年，公園更被全港市民選為21世紀香港十大傑出工程項目之一。
香港濕地公園
開放時間：星期一至日 上午10時至下午5時 (逢星期二休館，公眾假期除外)
收費： 標準票$30；優惠票$15
停車場時租：$8 一小時（按我導航）
如果香港濕地公園停車場爆滿，可選擇以下鄰近停車場：
1. 俊宏軒停車場（按我導航）
俊宏軒停車場，時租價錢超平只需$14，車位又多。一般都好少會滿。價錢詳情請參閱泊好先。
2. Wetland Seasons Park 停車場（按我導航）
停車場專員Jong-un Kim報料，原來Wetland Seasons Park停車場已經開咗，時租價錢$25，不過車位唔多。但係勝在近，泊完車行去入口都唔駛5分鐘。連Google Map都未有。
3. Wetland Public Vehicle Park（按我導航）
2022年6月24日開幕，全新停車場，時租超平，只需$15 / $18，仲要有日泊$70 / $80。地址係濕地公園路1號，真係叫做又平又近。
4. 天水圍天業路露天停車場（按我導航）
露天場一定夠晒平$10，仲有日泊。距離同濕地公園本身個後備停車場差唔多咁遠，預行10分鐘左右。價錢詳情請參閱泊好先。
屏山天水圍公共圖書館
屏山天水圍公共圖書館係全港第二大嘅圖書館。面積達6100平方米。除此之外，佢仲係全港第一間設有戶外閱讀環境的公共圖書館，即係你可以拎埋啲書出去圖書館不同樓層嘅室外花園坐低睇書。呢個感覺係其他圖書館比唔到你架。
屏山天水圍公共圖書館位於天水圍西鐵站旁邊，而圖書館旁設有大型露天停車場。
屏山千葉停車場（按我導航）
屏山千葉停車場喺圖書館旁邊，露天場一定平$10，仲有大量車位唔驚會爆。價錢詳情請參閱泊好先。如果你打算去濕地公園的話，其實可以考慮泊車喺呢度，再行3分鐘去天水圍西鐵站底下既輕鐵站搭705號綫直達濕地公園站，車程14分鐘。咁就可以連埋屏山天水圍公共圖書館一齊玩，一日內動同靜都玩齊晒。
最後，泊邊好為你介紹天水圍屏山附近嘅食肆比大家參考，滿足埋你個胃：
一糖甜品
尋找肉餅的故事 – 屏山老地方
#元朗 #天水圍 #香港各大公園泊車熱點 #搵食自駕遊 #親子自駕遊
註：部份相片取自濕地公園官方網站及網上相片
