大家都知愉景灣唔可以直接揸車入去，所以一係搭巴士一係搭船入去。不過你又知唔知泊邊度轉車去愉景灣/ 愉景灣酒店最方便最抵呢？一齊睇落去啦！
1. 欣澳露天停車場（按我導航）
設有時租及日泊，大量車位，價錢平。於欣澳泊車後，可到旁邊的欣澳巴士總站轉乘愉景灣巴士區外線DB03R號前往愉景灣廣場，或轉乘DB03P前往愉景（北)商業中心或愉景灣酒店。《收費詳情》。
2. IFC2期（按我導航）
近近地唔想咁麻煩，就直接泊入IFC啦，時租$28（請參閱泊好先)。之後沿CitySupery旁邊條天橋去3號碼頭轉船去愉景灣。
到達愉景灣後，需轉乘愉景灣區內巴士4號線前往愉景（北)商業中心或愉景灣酒店。
3. 林士街多層停車場（按我導航）實時車位：
只要你係搭船，無論去澳門定去離島都好，泊林士街真係無敵。政府場價錢平，多位又有日泊夜泊優惠。價錢請參閱泊好先。
4. 香港站停車場（按我導航） 實時車位：
要平就遠少少架喇，不過其實你可以穿IFC天橋去到3號碼頭。時租原本係$37一小時（請參閱泊好先)，但係如果你識玩泊車轉乘的話，只需$19一小時咋！！玩法好簡單，當你泊車之後，安心去愉景灣玩，返黎時先由中環站拍八達通入閘扮搭車，然後於香港站出閘，港鐵會收你大約$4車資。然後你就可以直接攞車拍八達通出車，無需做任何登記，就可以享有$18一小時優惠喇。
（註：由泊車至攞車之間，你張八達通只可以使用９次，所以淨係用黎搭船畀來回錢好喇，唔好再用嗰張八達通比錢買野）
而香港站停車場另一個好處係，逢星期日及公眾假期佢仲有日泊優惠。$110可以泊朝八至晚八，仲平過林士街多層停車場。
其餘熱門泊邊好文章：
東涌泊車泊邊好？
D2 Place滿晒附近泊車泊邊好？
港外線碼頭搭船去離島玩泊車泊邊好？
全港Donki尋寶地圖
海洋公園泊車泊邊好
The Wave / 觀塘工業區 泊車泊邊好？
